الكثير منا يخشى على اطفاله من التيتة و خاصة وقت الفطام ، خايفين ليفضل الطفل متعلق بالتيتية بعد الفطام ، و لو شلناها منه يتحول إلى " ماص للإصبع " و يوصل لسن الجامعة و هو لسة بيمص فى صباعه . . أعرف أم فاكرة ان مشكلة التيتية مش وقت الفطام و لكن وقت الزحف ، اه و الله ، خايفة على ابنها من التيتية لما يبدأ يزحف . . عشان هى شايفة انها ستسقط على الأرض و يضعها ابنها فى فمه فتعرضه للتلوث و الميكروبات .
.. و هنا يبدأ صراع الأم و الأب حول التينية و أهميتها و الغرض منها و الضرر الذى تسببه . .
و الحكاية بسيطة تبدأ من النقاط التالية :ــ لازم كل أم و كل أب و كل واحد مسؤل عن طفل يعرف ان التيتينة مش مهمة بنسبة 100%
ــ للتيتينة بعض فوائد لكن يجب أن نعرف كيف نوظفها
ــ للتيتينة ( لو احتاجناها ) وظيفة بتأديها ، لكن لو اسئ استخدامها فهى ليها أضرار كمان .
ــ مافيش حاجة مفيدة بشكل كام ولا ضارة بشكل كامل . . لكن الإستخدام السليم هو إللى بيخليها مفيدة .
ــ إللى بيرفض استخدام التيتينة لأنها بتشوه الفك و بتشوه الأسنان ، أحب أقولكم ان كل انواع التيتينات الموجودة فى السوق مبططة مش مدورة عشان متغيرش من شكل اللسة و الأسنان .
قبل ما نقرر ح نستخدم التيتينة و لا لأ لازم نعرف :
- كل الأطفال من عمر ثلاثة أشهر فيما فوق بيسننوا ، و بيحتاجوا للعضعضة عشان يخفف عن نفسه ألم التسنين ، و بيحط إيديه عشان يضيع الوجع . . و لو احنا سبنا الطفل يلعب بإيده ، ممكن يتعرف على الإبهام و يتحول لطفل " ماص للأصبع " ، و يحصل إللى احنا خايفين منه .
- و الحلول البداية كثيرة ، هناك أم تضع لكلوك بيد الطفل عشان يعض على إيده كلها مش اصبع بعينه، و هناك أب يستخدم جل التسنين للرضيع عشان يخفف عنه الألم و لكن يفضل استخدام الجل لما الريالة تبا تنزل . . و فى أم تستخدم التيتينة عشان الطفل يعض عليها .
- انه يتعلق باصبعه بشدة و حتى لو قمنا بوضع صبار على الإبهام لا يتركه ، لو قمنا بتجبيس اليدين لمدة اسبوعين معتقدين ان الطفل احتمال ينسى موضوع صباعه . . ابدا ، مافيش فايدة و تفضل معاه العادة دى لحد الجامعة و هو بيمص فى صباعه . . فلو بدأ معاه مش ح يبطله ، لكن لو عرف التيتينة ح يجى يوم و يبطلها خاصة لما يبقى عمره سنة و نص او بالكتير سنتين و نص .. و سهل اوى انى اخبى التيتينة فى أى وقت ، لكن فى مرحلة التسنين هو بيحتاجها بشدة .
- يمكن استخدام التيتينة للطفل فى سن التسنين و ده بيبدأ من سن 3 شهور ، لكن لو لاحظت ان الطفل بيعض على صوابعه قبل كدة ممكن استخدمهاله ، لأن العضعضة بتريحه و يكون الطفل ده بيسسنن بدرى
- يمكن للأم إللى عندها توأم استخدام التيتينة للطفل إللىى بيبكى لحد ما ترضع الطفل الأول
- لما الطفل يقدر يتحكم فى إيديه و يتمكن من مسك الأشياء بيها بشكل كويس بنديله العضاضة ، فهى بتأدى نفس الغرض و ما بتأثرش على شكل الأسنان . .
- لو قدرت أخلص الطفل من التيتينة قبل عمر تسع شهور ، ح يبقى سهل عليه جدا ينساها ،, برضه اشيلها منه بالتدريج ، يعنى اشيلها منه اول ما يصحى ، و ايدهاله بعد ساعاتين ، و بعد تلت تيام اديهاله بعد اربع ساعات ، و افضل على كدة لحد ما يخدهاش غير بالليل . . و فجأة اشيلها ، ح يحس بأن فى حاجة اختفت لكن مش ح يبقى مفسر إيه هى . . و بكدة نبقى تخلصنا من التيتنة بلا رجعة و السنان طلعت بسلام
- لو الطفل وصل لعمر 9 شهور و السنان كانت لسة ما طلعتش ، عندنا العضاضات و اللعب الكاوتش ، ح يعض عليها و ح تبقى بديل كويس
http://www.mediafire.com/?q6d97x6doh5m6dh
و لكم تحياتى
مامى لأول مرة
