لنمو الرضيع

المتابعون

تحذير

حقوق الملكية الفكرية محفوظة لمدونة مامى لأول مرة و محذور على اى جهة أو موقع استخدام المادة المكتوبة أو النقل منها دون اذن كتابى

الرسائل و التعليقات ُتقبل من أعضاء المدونة فقط

Translate

share

Share/Save/Bookmark

الأحد، 9 يناير، 2011

الأعضاء التناسلية عند الطفل الرضيع





اتعودنا ان الطفل اول ما يتولد نتفحص لون بشرته ، لون شعره ، لون عينيه . .. و كل ده عشان نشبه عليه ، ده شبه بابا ولا شبه ماما لأ ده شبه جدو ولا شبه تيتة . . لكن الأهل الأكثر وعيا يهتمون بقلب الطفل و صدره ، ثم يتطور الأمر مع سن الطفل و يبدأ نفس الأهل بتفحص سلوك الطفل و السؤال عن طعامه و شرابه و رضاعته ؛ لكن ماحدش بيفتكر الأعضاء التناسلية الخاصة بالطفل قبل الولادة و لا حتى بعد كدة ، إلا لم يحصل مشكلة فعلية
ف موضوع الأعضاء التناسلية عند الطفل الرضيع بيتوقف عند تغير الحفاض و تنظيف الرضيع فقط لا غير . . لكن الإهتمام بما هو تحت الحفاض ما بيآخدش من اهتمامنا غير القليل .
امتى أفحص الأعضاء التناسية بالطفل :
اول فحص لهذه الأعضاء يكون بعد الولادة مباشرة . . و يجب على الأم و الأب فتح الحفاضة و النظر لما تحتها و فحص الأعضاء التناسلية التى تؤثر على مستقبل الطفل فيما بعد .
السؤال الأول : متى اطاهر الرضيع الذكر ؟
هناك سلوك شائع : و هو ان طهارة الطفل الرضيع يجب ان تكون فى أول أسبوع من ميلاده ، و فى رأى تانى بيقول بعد 40 يوم . . و السبب فى تعجيل طهارة الطفل انه كل ما كبر الرضيع الطهارة تسببله ألم شديد .. ف الطهارة فى أول شهر ألمها قليل جدا جدا .. لكن الطهارة بعد انهاء الشهر الأول من الولادة يعرض الطفل للبنج اثناء دخول العمليات . . و البنج فيه مشاكل كبيرة و مخاطر على الطفل الرضيع احنا فى غنى عنها .

ما يجب معرفته قبل الطهارة :








ما يجب معرفته قبل الطهارة :
  • التأكد من ان فتحة البول عند الرضيع فى منتصف فتحة القضيب
  • عندما تكون فتحة البول من تحت يجب ان لا يطاهر الطفل و لا تقطع قطعة الجلد الموجودة تحت القضيب لأنها تسخدم فى تصليح مجرى البول عنده .
  • و ان كانت فتحة البول غير موجودة فى مكانها الطبيعى يجب عرض هذا الطفل على جراح أطفال متخصص فى هذا المجال ــ قبل الطهاة
  • تصليح مجرى البول يتم بعد ان يتم الطفل السنة اولى من عمره
  • التأكد من ان الخصية موجودة فى مكانها ــ يعى ما تكونش خصية معلقة ــ او مشعلقة ــ
ما هى الخصية المعلقة :
اثناء الشهور الأولى من الحمل تكون خصية الطفل إلى جوار الكلية ، يعنى جوة بطنه و تنزل اثناء الحمل إلى ان تستقر داخل الكيس الخاص بها قبل الولادة ، ليولد الطفل و خصيتيه داخل كيسهما .. لكن فى بعض الأحيان الخصية دى تتوقف اثناء رحتلها و ما تنزلش فى الكيس و هى دى إللى بنسميها خصية معلقة .
ابنى خصيته معلقة :
لازم نكتشف الموضوع ده من أول يوم للولادة عشان نقدر نعالجها ، لأن وجود الخصية داخل بطن الطفل يعرضها للتلف و يفقدها وظيفتها عندما يصل الطفل الرضيع لسن الشباب . . ف العلاج يكون من أول يوم و ما استناش لحد ما الطفل يوصل عمره سنة أو سنتين ، لأنا بالشكل ده بندمر الخصية و بنقدى على وظيفتها .
مكان وجود الخصية :
من جميل صنع الله ان الخصية يجب أن تكون خارج جسم الطفل لأن حرارة الجسم تتلف الخصية ؛ و هى المسؤلة عن استمرار النوع و التكاثر البشرى على سطح الكرة الأرضية . . فوجود الخصية داخل الجسم يعرض الحيوانات المنوية للموت ، مما يسبب العقم فيما بعد للطفل لا قدر الله . . ده غير انها ممكن تتسبب فى وجود أمراض سرطانية . . لذلك أذا فحصنا الطفل قبل الولادة مباشرة ووجدنا ان خصيته غير موجودة بالكيس الخاص بها لابد ان يعرض على جراح ليساعدنا على نزو ل الخصية فى أسرع وقت ممكن و قبل ان يصل عمر الطفل إلى سنة حتى لا تتلف


كثيرا ما نجد ماء او ورم عند الخصية .. و بمعنى أوضح ان الخصية تكون محاطة بكيس من الماية ، و ما بنشيلش الماية دى غير بعد ما يكون الطفل الرضيع تم ست شهور او 8 شهور ، لأن فى احتمالية كبيرة جدا ان الماية دى ترجع لجدار البطن و تختفى .. و الحكاية دى مكن كل أم أو كل اب يلاحظها لو لقى خصية ابنه كبيرة شوية . . و يستنى لمدة تمن شهور من عمر الطفل ، فلو الماية دى ما اختفتش هنا يجب ان نتدخل جراحيا .
اسئلة تخص الموضوع :
فتحة البول مترحلة اقل من مللى :
ابنى ياسين عنده سبع شهور ، اتولد وزنه صغير و الدكاترة قالولى ما ينفعش الظهارة دلوقتى ، و لما بقى عمره شهرين الدكتور قالى ان فتحة البول موجودة تحت و ما ينفعش نعمله الطهارة ، و ديته لدكتور تانى قالى ان الفتحة محتاجة توسيع و عمله عميلة الطهارة فى نفس اليوم . . و هى فعلا فتحة البول مش فى النص اوى ، بنها و بين النص أقل من مللى . . ف ده فيه ضرر على ابينى ؟؟

الإجابة : من الأفضل عرض ابنك على استشارى فى جراحة الأطفال عشان نطمن ان كانت الفتحة فى موضعها الطبيعى ولا لأ . . لأن كلام الدكتور الثانى مش مريح . . لو الإستشارى قالك ان الفتحة بعيدة عن المنتصف أقل من مللى ، تبقى مشكل بسيطة . . و عشان كدة بنقول لو شاكين ان فتحة البول مش فى مكانها بمللىمترات يبقى لازم نستشير دكتور ثقة . . عشان الجلدة إللى بتتشال فى الطهارة هى إللى بنصلح بيها مجرى البول
ابنى عضوه صغير :انا ابنى عمره سنتن ، و احنا عملناله عملية الطهارة فى أول اسبوع من الولادة و وقتها قلت للطبيب ان القضيب صغير جدا و الدكتور قالى ده عادى . . من شهرين كشفتله عن دكتور أطفال قالى ان ابنك ماكنش محتاج طهارة و لو احتاج مايبقاش فى اول اسبوع من الحمل ، ده كان لازم يتطاهر بعد ما يبقى عمره سنتين . . مع العلم ان العضو عنده مدفون جوة الجلد ، و على فكرة وزن ابنى 12 كيلو


الإجابة : بعض الأطفال إللى بيكونوا مليانين شوية بيكون عندهم طبقة دهون فوق العضو الذكرى ، بتسبب ان القضيب يبقى مدفون ، لأن الدهون بتبقى عاملة زى جراب لعضو الطفل . . كل الحكاية ان العضو محتاج يتشد عشان يظهر حجمه الطبيعى . . لكن لو ثبت ان القضيب صغير فعلا فمافيش داعى للقلق لو الطفل عمره سنتين ، لكن لو استمر الحال لحد ما يصل سن الطفل 3 سنين و لقينا ان حجم العضو لا يتناسب مع سنه ، بنعرضه على استشارى فى غدد الأطفال ، إللى غالبا ح يكتبله على حقن لمدة 3 شهور تكبر العضو
ابنى ظهرله ورم فى منطقة العانة :
و تبدأ الأم تصرخ و الأب يجرى على الطبيب للبحث عن حل و علاج ، و الورم عمال يظهر و يختفى و يظهر و يختفى ، و الطفل يصرخ . . ما الحل مع هذه الحالة ؟؟؟


الإجابة : الحالة دى اسمها فتق اربى ، و بتظهر لما يحصل ورم بسيط نتيجة بكاء الطفل او بسبب الحزق الشديد . . الفتق الإربى ده عبارة عن منطقة ضعيفة جدا فى جدار بطن الطفل تبرز منها الأمعاء ، تعمل كورة صغيرة و بعدين تختفى . . الفتئ الإربى اول ما يتشخص لازم الطفل يتعمله عملية حتى لو عمره يوم واحد .
ما سبب القلق من الفتئ الإربى ؟؟
ان الفتحة إللى بتخرج منها الأمعاء بتكون ضيقة ؛ فبنخاف ان الأمعاء تخرج و ما تعرفش ترجع تانى و الفتق يتحول إلى فتق مختنق .
الفتئ المختنق : بيسبب انسداد فى الأمعاء ، و الطفل يبدأ يرجع و يحس بألم شديد جدا . . عشان كدة يجب الإسراع بعمل العملية و على فكرة الفتق الإربى ده ما بيحصلش للذكور فقط لكن بيحصل للبنات ايضا . . و المشكلة بتبقى أكبر عند البنات ، لأن الفتئ بيكون جمب مبيض البنت حديثة الولادة ، و لأن المبيض صغير جدا فينزلج و يدخل جوة الفتق و يتسبب فى شد المبيض ، مما يسبب ألم شديد للبنت و ينتج عنه صراخ عنيف جدا . . و لو ماعملناش عملية الفتئ للبنت الرضيعة ده ح يأثر على المبيض و يؤثر على الإنجاب فيما بعد
ف يا كل أم : لو بنتك صرخت بسبب الم شديد تشعر به ، بصى على منطقة العانة ، لو وجدتى فيه ورم ، اعرفى ان ده فتئ إربى محتاج لعملية لأن غالبا المبيض موجود جواه ، فهو أكثر ما يؤلم البنات حديثى الولادة . . و يجب ان تعرضى ابنتك على استشارى فى جراحة الأطفال لمعرفة ان كان فى فتئ من عدمه . . و مش كل بكاء للرضيع نفسره انه مغص او ان الطفل جعان


و فى فرق بين الفتق السرى و الفتق الإربى :


الفق السرى بيختفى لواحده عند عمر سنة و نص أو عند عمر سنتين بالكتير . . و بلاش نحط عليه اى حاجة عشان ما نضرش الرضيع
خصية ابنى أخويا مشعلق :ساعات بتكون الخصية داخل الكيس و ساعات بتكون براه و ما بتبنش . . إيه حل الحالة دى ؟؟
الإجابة : فعلا الحالة دى موجودة ، و بتظهر نتيجة وجود عضلة شايلة الخصية و بتكون العضلة دى قوية شوية ، فبتشد الخصية لفوق .. لكن مدام الخصية بتنزل و توصل لغاية نهاية الكيس ما نقلقش . . و عشان تطمنى ممكن تعرضى ابن اخوكى على استشارى فى جراحة الأطفال
ابنى عنده سنة و سبع شهور ، و حاولت ادور على الخصية بتاعته ما لقتهاش فى الكيس ، فيا ترى الوضع ده طبيعى ؟؟
الإجابة : انزلى حالا روحى للدكتور و يكون استشارى فى جراحة الأطفال ، و خلى بالك لو الخصية معلقة من الناحيتين ده بيقلل جدا احتمالية الإنجاب عند الذكور فى المستقبل . . فالخصية لازم تنزل بأسرع وقت ممكن ، عشان ما تتلف و الحيوانات المنوية بها ما تتأثرش .


و يمكنكم سماع الموضوع بكافة تفاصيله من الدكتور رفعت الجابرى على هذا الرابط
http://www.mediafire.com/?oi4gl7ugnfcd4io
و لكم تحياتى
مامى لأول مرة
http://la3ya3nyno.blogspot.com/

هناك 14 تعليقًا:

  1. عايزة اسأل يعنى ايه القضيب يتشد لو كان مدفون ومين اللى يشده

    ردحذف
  2. يعنى يتم اخراجه من بين الدهون المحيطة بيه
    و ده عمل الطبيب

    ردحذف
  3. طفلي عمره 11 شهر وعضوه بيختفي للخلف وعندما سألنا الطبيب قال ده لان الطفل مليان شوية (12كيلو)ولكن طفلي بعد عملية الختان(بعد شهره الأول) كان طبيعي جداً فما سبب ذلك وما الحل لهذه المشكلة

    ردحذف
  4. أزال المؤلف هذا التعليق.

    ردحذف
  5. طفلك عنده زيادة طفيفة فى الوزن ، و للحكم على موضوع وزنه لازم نعرف طوله .. فلو طوله 82 سنتى او اكتر يبقى وزنه مثالى ، لكن او ااقصر يبقى هو بيعانى من زيادة فى الوزن ممكن تكون متسببة فى تراكم كم من الدهون حول العضو الذكرى .. لكن لو وزن ابنك كويس و ده تعرفيه بعد ما تقيسى طوله يبقى انصحك تعرضى ابنك على دكتور تانى
    و لك تحياتى

    ردحذف
  6. إبني نفس الشيء الحين في شهره السادس وزنه 8 كيلو و 700 جرام و طوله 64 سنتيمتر ،، كان طبيعي أول شهرين لكن بعد الختان عضوه دخل داخل الدكتور يقول وزنه زايد لما يصير يمشي يضعف و عضوه يرجع طبيعي و ما قال انه لازم يشده !!!! أفيدوني

    ردحذف
  7. االعضو الذى يشد هو العضو الذى لا يرى اى جزء منه لدرجة الأن الأم قد تشك فى بعض الأحيان ان كان ابنها ذكر ام انثى .. فابنك مش محتاج ان شد عضوه .. تانى حاجة لازم نعرفها ان الطفل الذكر فى الشهر السادس يجب ان يكون طوله يتراوح ما بين 63 سنتمتر و 70 سنتمر بشرط ان الطفل إللى طوله 63 سنتمتر يكون وزنه6 كيلو و 200 جرام ... و الطفل إللى طوله 70 سنتمتر يكون وزنه 8 كيلو و نص .. و هنا يظهر ان ابنك عنده تقريبا 2 كيلو زيادة و ده إللى مسبب تراكم الدهون حول عضو الطفل عشان كدة يبدو العضو و كأنه مدفونا بالداخل ، لكن الحقيقة ان دهون البطن هى إللى متراكمة عليه فلا تقلقى و نظمى ساعات رضاعة ابنك و لا تطعميه طول الوقت ، لكن كل تلت ساعات .. و خلى بالك ان زيادة الوزن ممكن تأثر على رجلين ابنك لما يجى يمشى و تسببله تقوص فى الرجلين

    ردحذف
  8. انا شاب عمري 24 عام وكنت زي الاطفال اللي قضيبها مدفون وقالوا الدكتره نفس الكلام اني لما اكبر هيظهر عضوي ولكن للاسف دا محصلش

    ياريت الناس اللي اطفالهم كده يشوفوا لهم حل بسرعه

    ردحذف
  9. ابنى يعانى منحكه و الم فى منطقه الخصيه لا اعرف له سبب

    ردحذف
  10. من فضلك تشتركى فى المدونة حتى نتمكن من الرد على سؤالك ... و بعد اشتراكك و ظهور اسمك على المدونة اكتبى سؤالك مرة أخرى و لك تحياتنا ..... كنا قبل كدة بنرد على سؤال أى حد لكن اكتشفنا ان فى موقع اسمه بى بى بيسرق اجاباتنا ، عشان كدة من فضلك اشترى فى المدونة و إسألى أى سؤال تحبيه مدى الحياة

    ردحذف
  11. انا ابنى عنده سنه وشهرين والكيس عنده ساعات بيبقى منتفخ وساعات بيبقى منكمش جدا وفى جمب من الكيس بيبقى مليان والجمب التانى فاضى وساعات بيبقى فى زرقان بسيط انا لما قريت الموضوع ده حسيت انو عنده فتاء علما بانى مسافره وحنزل مصر كمان شهرين وكنت حكشف عليه هناك لانى كشفت فى المكان الى انا فيه وقالولى اشتباه فى فتاء وقالوا قدام شويه ابقى اعمليله سونار تنصحونى مااجلش نزولى مصر وانزل حالا ولا الحاله ممكن تستنى انا خايفه على حياته الطبيعيه بعد كده ارجو الرد وجزاكم الله خيرا

    ردحذف
  12. اول حاجة لازم تعرفيها انه يجب علاج أى شئ يخص خصية الطفل قبل ان يتم عمره سنة ، عشان نضمن سلامة الخصية و انتاجها فيما بعد
    و معنى انك بتقولى انك ساعات بتلاقى الخصية و ساعات لأ ، فده معناه انها بتدخل جوة البطن و هنا ممكن تتلف بسبب حرارة الجسم
    من جميل صنع الله ان الخصية يجب أن تكون خارج جسم الطفل لأن حرارة الجسم تتلف الخصية ؛ و هى المسؤلة عن استمرار النوع و التكاثر البشرى على سطح الكرة الأرضية . . فوجود الخصية داخل الجسم يعرض الحيوانات المنوية للموت ، مما يسبب العقم فيما بعد للطفل لا قدر الله . . ده غير انها ممكن تتسبب فى وجود أمراض سرطانية . . لذلك أذا فحصنا الطفل قبل الولادة مباشرة ووجدنا ان خصيته غير موجودة بالكيس الخاص بها لابد ان يعرض على جراح ليساعدنا على نزو ل الخصية فى أسرع وقت ممكن و قبل ان يصل عمر الطفل إلى سنة حتى لا تتلف

    اما حكاية ان فى كيس بيكون مليان و التانى فاضى فده محتاج تحاليل و فحص من الطبيب لأن الدكتور رفعت الجابرى استاشرى طب الأطفال يقول
    كثيرا ما نجد ماء او ورم عند الخصية .. و بمعنى أوضح ان الخصية تكون محاطة بكيس من الماية ، و ما بنشيلش الماية دى غير بعد ما يكون الطفل الرضيع تم ست شهور او 8 شهور ، لأن فى احتمالية كبيرة جدا ان الماية دى ترجع لجدار البطن و تختفى .. و الحكاية دى ممكن كل أم أو كل اب يلاحظها لو لقى خصية ابنه كبيرة شوية . . و يستنى لمدة تمن شهور من عمر الطفل ، فلو الماية دى ما اختفتش هنا يجب ان نتدخل جراحيا .



    ففى كل الأحوال لازم تعرضى ابك على جراح طب اطفال حالا ، لأنك بتقولى ان ابنك اكبر من سنة ، و الخصية حساسة لا تتحمل ان يزيد عمر الطفل عن عمر سنة ..... و الدكتور هو إللى ح يأكد لك موضوع الفتئ ، خاصة أن الفتئ يكون خاص بالسرة و النوع الثانى خاص بالأمعاء و بيظهر مكانه ورم عند البنات

    ننصحك تنزلى بابنك مصر فورا للعلاج

    ردحذف
  13. ابنى عمره 6 شهور ولاحظت من كام شهر لون ازرق على رأس عضوه التناسلى ممكن اعرف السبب ولومنه ضرر؟ وايضا بيعانى من التهابات مكان الحفاضه من حوالى 10 ايام بتهدى شويه وترجع تانى تحمر كأنها نقط حمرا كتيره استعملت كريمات كتير من غير فايده ارجو الرد

    ردحذف
  14. من فضلك استعملى زنك اوليف مرهم و ادهنى برفق و ما تشديش البابرز جامد .. و لو ما رش الزرقان خلال يومين اعرضى ابنك على الطبيب ، البطش الحمرا دى بسبب الحر شطفى ابنك كل اربع ساعات و نشفيه كويس و حطى كريم الزنك

    ردحذف

please live a comment or a message
ارجو ان تترك تعليق او تجربة شخصية

ملحوظة: يمكن لأعضاء المدونة فقط إرسال تعليق.

moving sky