لنمو الرضيع

المتابعون

تحذير

حقوق الملكية الفكرية محفوظة لمدونة مامى لأول مرة و محذور على اى جهة أو موقع استخدام المادة المكتوبة أو النقل منها دون اذن كتابى

الرسائل و التعليقات ُتقبل من أعضاء المدونة فقط

Translate

share

Share/Save/Bookmark

الاثنين، 3 يناير، 2011

دكتور مدحت الزيات و الديدان عند الأطفال

blog


تغفل كل أم و يغفل كل أب عن موضوع الفطريات و الديان عند الأطفال و ذلك لإنحصار الحديث عنه . . قد تنتشر ديدان الأمعاء و الفطريات عند الكبار زيها زى عند الأطفال ، لكن عند الأطفال أكثر انتشارا بسبب النظافة المستمرة التى يحتاجها الطفل سواء كان طفل رضيع أو أطفال فى مرحلة الروضة او ما قبلها أو ما بعدها . . و سوء العناية بالطفل و اهمال نظافته و النظافة المحيطة به مسبب اساسى لاصابته بالفطريات أو ديان الأمعاء .


انواع الفطريات :
تنقسم إلى ثلاث أنواع حسب الشكل :
  1. ديدان اسطوانية زى الإسكارس و الأنكلستوما وده نوع خطير لأنه بيدخل للجسمعن طريق الجلد أو الفم و بيسبب أنيميا . . و الديدان الدبوسية إللى بتسبب هرش عند الأطفال
  2. ديدان شريطية
  3. ديدان ذات المخالب زى البلهاريسيا
نعرف إزاى ان فى ديدان فى أمعاء الطفل :
  • وجع متكرر فى بطن الطفل
  • يفقد الطفل شهيته و ما يكلش كويس
مخاطر وجود ديدان فى أمعاء الأطفال :
ــ تسبب انسداد فى الأمعاء
ــ ممكن تطلع على الرئة و تسبب التهاب فى الرئة او كحة مستدية او حساسية على الرئة
ــ فهى تنتقل من الجهاز الهضمى إلى الجهاز التنفسى عن طريق الدم و تسبب مشاكل ضخمة
ــ تسبب الأنيميا و مثال على ذلك دودة الأنكلستوما التى تهدر يوميا ربع سنتى من دم الطفل . . و يكون عند الطفل انيميا و نقص حديد بسبب هذه الديدان
ــ كما انها تؤثر على الصحة العامة و نمو الطفل

تشخيص وجود الديدان فى أمعاء الطفل :
المشكلة فى موضوع الديدان عند الأطفال ان تشخيصها مش سهل . . بمعنى ان كانت الأم أو الأب بيعملوا تحليل براز لأبنهم عشان يعرفوا سبب فقده للشهية او سبب وجود آلام عند التبرز . . فعشان نعرف ان الطفل ده أو الطفلة دى ما عندهاش ديدان لازم نعمل تحليل البراز تلت تيام ورا بعض ، أى سبت أحد اثنين مثلا
و ذلك لأن هناك بعض أنواع من الديدان لا تضع بيضها يوميا . . و تحليل البراز يظهر فيه شكل هذا البيض و بناء عليه يقرر نوع الديدان الموجودة فى أمعاء الطفل
ــ و الشئ إللى يخلينى أى أم أو أى أب يعملوا تحليل براز ثلاث ايام ورا بعض هو وجود ألم مستمر فى بطن الطفل دون وجود سبب ظاهر خاصة و ان كان تحليل البراز عن يوم واحد تؤكد عدم وجود طفيليات او إلتهاب بكتيرى أو فيروس عند هذا الطفل . . و حتى لو عملوا موجات صوتية على بطن الطفل لمعرفة سبب الألم تظهر النتيجة سلبية ، يبقى أكيد الطفل ده بيعانى من الديدان و عشان كدة لازم نعمله تحليل براز تلت أيام ورا بعض .
أسباب انتشار الديدان بأمعاء الأطفال :
  1. عن طريق الفم : فعندما يلمس الطفل البطاطس النية و الطين المتراكم عليها ، تعبر الديدان إلى امعاءه ، حتى و ان لم يضع البطاطس فى فمه . . لأنه حمل بيض هذه الديدان فى يده التى دائما ما يضعها فى فمه . . و نفس الحكاية للفاكهة الغير مغسولة و الخضار الغير مغسول . . و الطامة الكبرى مع البرتقال و اليوسفنى إللى ماحدش بيغسلهم ، معتقدين ان القشر قد خلص الفاكهة من الديدان ، لكن لأ ، إيد الشخص إللى بيقشر البرتقال و اليوسفى نقلت بيض الديدان للفاكهة التى لم تغسل قشرها
  2. الزراعة باستخدام براز البشرى : ده موضوع يخص الحكومات مش العائلات . . لكن لازم نقوله لأنه مصدر رئيسى لنقل العدوى و انتشارها
  3. عدم غسل الأم أو الأب يدها بالماء و الصابون بعد تغير حفاض الطفل خاصة و ان كان يحمل برازا ً
الوقاية من ديدان الأمعاء:
  • نبعد عن أطفالنا أى فاكهة أو خضار غير مغسول ،
  • نقشر الموز للطفل ، و لا نعطيه القشر . . لأن الموز فاكهة التى لا تغسل ، لكن كمان ابعد القشرة عن يد ابنى لأنها محملة بالطين أو بيض الديدان
  • غسل قشر البرتقال و اليوسفنى قبل تقشيرها و اعطاءها للطفل
  • فى الصيف يجب غسل البطيخ قبل تقسيمها و تقطيعها
  • فى النادى : طفلى لا يلعب فى الطين او الزرع . . و قبل ما أكله أغسله إيديه عشان لو مسك أى حاجة مش نضيفة او مكان حد كان بيلعب فى الطين . . أو لأنه حط إيده على النجيلة و النجيلة فيها سماد عضو مليئ بالديدان
  • المسؤل عن رعاية الطفل و طعامه تكون يده مغسولة بشكل دائم بالماء و الصابون قبل ان يقدم أى طعام للطفل
  • النظافة أهم أدوات الوقاية من الفطريات و الديدان عن الأطفال
و يمكنكم سماع الموضوع من الكتور مدحت الزيات استشارى طب الأطفال و حديثى الولادة على الرابط التالى
http://www.mediafire.com/?ip1mgh4crc8iv8b
و لكم تحياتى
أم لأول مرة
http://la3ya3nyno.blogspot.com/

هناك 6 تعليقات:

  1. لو سمحت يادكتور انا ابني لما بغيرله الحفاضة بلاقي زي خيوط فيها مع البراز هل دي ديدان ولا دي ايه بالظبط مع العلم ان ابني عنده 3 شهور

    ردحذف
    الردود
    1. ابني البراز يحتوى على بلغم

      حذف
  2. برجاء الاشتراك فى مدونة مامى لأول مرة حتى نتمكن من الرد على سؤالك .. و لك تحياتنا

    و تقول لنا بعد الإشتراك عدد كمرات تغير الحفاض للصغير

    ردحذف
  3. شكرا علي ان حضرتك رديتي عليا،بس الحمد لله الخيوط دي مبقتش تظهر ..اتضح ان والدتي اكلت ابني قطعة موز صغيرة من غير ما اعرف وهي تقريبا اللي كانت بتظهر بالشكل ده في الحفاضة

    ردحذف
  4. طيب انا بعاني من مغص عند الصره وفقدان الشهيه كتير شو السبب

    ردحذف
    الردود
    1. هذا الموقع مخصص للأطفال ليس لأهل

      حذف

please live a comment or a message
ارجو ان تترك تعليق او تجربة شخصية

ملحوظة: يمكن لأعضاء المدونة فقط إرسال تعليق.

moving sky