انقذوا الطفل الرضيع من ارتفاع درجة الحرارة

أنا ابنى اتولد تلاتة كيلو و نص و طوله 52 سنتي متر ، و دلوقتى عمره شهرين و خمس ايام وزنه بقى 6100 كيلو و طوله 62 سنتى ... انا عارفة ان وزنه قليل بالنسبة لشهرين لكن مش دى المشكلة ، المشكلة الحقيقية ان ابنى بقاله أسبوع عنده سخونة ، عمالة تروح و تيجى و تروح و تيجى ، و درجة حرارة جسمه عمالة ترتفع و تنخفض .. و كانت درجة الحرارة بتوصل 39 درجة ، و بترتفع مرتين فى اليوم الواحد ، ده غير انه بيعانى من احتقان فى الزور و اسهال

 الإجابة :

الإجابة :
ابنك مريض ، عنده حرارة ، احتقان فى الزور – التهاب – اسهال .. إزاى سبتى ابنك اسبوع كامل من غير علاج .. احتقان الزور هو سبب الحرارة و خلها ترتفع .. بالنسبة لوزن ابنك ما شاء الله وزنه كويس ، بس انتى حاسة انه قليل عشان ابنك طويل ، طوله 62 سنتى

فوزن الطفل الرضيع الطبيعى يزيد من 800 جرام إلى كيلو كل شهر ، الرضع الطوال هما من يزيد وزنهم بمعدل أكبر من كيلو فى شهر ... فابنك وزنه ممتاز و الحمد لله   

انقذوا الطفل الرضيع من ارتفاع درجة الحرارة
http://mamy1st.blogspot.com/

الطفل الرضيع فى عمر شهرين من الصعب جدا ان يصاب باتحقان فى الزور و ارتفاع فى الحرارة و اسهال و كل الكلام ده إلا إذا أصيب من شخص قريب منه و نقله العدوى .. و لهذا ننصح أى أم تقوم برضاعة طفلها ان تحافظ على صحتها من البرد و ان اصيبت باى ميكروب او فيروس عليها ان تلبس ماسك حتى لا تنقل العدوى للطفل الرضيع ، لأن الأم اثناء الرضاعة تكون فى وضع أقرب ما يكون من الجهاز التنفسى الخاص ابنها و هذا ما يجعله يصاب بشكل مباشر و بسرعة بأى ميكروب او فيروس

و هناك اعتقاد خاطئ بان الطفل الرضيع لا يمرض ... و ها خطأ رهيب ، لأن الطفل الرضيع يمرض بسرعة .. و هو معرض بشكل أكبر للاصابة بالمرض بسبب ان جهازه المناعى ضعيف جدا و لا يقوى على مقاومة الميكروب او الفيروس

فالطفل الرضيع قد تنتقل له العدوى عن طريق الأم او الأخوة الأكبر ... أو إذا تعرض لتيار هوا .. و العلاج فى عمر شهرين مضاد حيوى خاص بالرضع فى هذا العمر سيكتبه الطبيب و مخفض حرارة نقط ... و لازم الأم تدى العلاج لإبنها  بسرعة لأن ارتفاع  درجة الحرارة اخطر ما يكون على مخ الطفل و لو وصلت لمخه ستؤدى إلى ظهور تشنجات عصبية

و لكم تحياتى

مامى لأول مرة 
http://la3ya3nyno.blogspot.com/