الأسباب العضوية للتبول اللا ارادى

- بعد ما عرفنا ان اسباب التبول اللاارادى متعددة و متنوعة و منها ما هو نفسى و منها ما هو عضوى


- الأسباب العضوية للتبول اللارادى :
اضغط عنها عشان تعرف الأسباب العضوية للتبول اللاارادى

و النهاردة ح تكلم عن الإسباب العضوية لأسباب التبول اللارادرى عند الأطفال
الأسباب العضوية هى :

1.   ضعف فى عضلة الطفل و قدرته على التحكم فيها بشكل عضلى عصبى

2.   من الاسباب العضوية للتبول اللاارادى عند الاطفال بيكون بسبب الغدة النخامية فى المخ ... فهذه الغدة مسئولة عن افراز الهرمون المسئول على تقليل ادرار البول اثناء النوم ... و افراز الغدة دى بيكون طبيعى عندش الشخص الطبيعى و بيقل عند بعض الاطفال ، و لما بتقل بتكون السبب فى بل الفراش.

3.   والسبب التالت فى التبول اللاارادى عند الاطفال بيكون اسمه البول السكرى ... و السبب ده بيعانى منه الطفل المصاب بمرض السكر ، او يكون جاله سكر

http://mamy1st.blogspot.com/
الأسباب العضوية للتبول اللا ارادى

فاحنا لازم نعرف ان هرمون الغدة النخامية هو المسئول عن تقليل كمية الماية فى الكلى .. و الكلى فى جسم الانسان عاملة زى الفلتر ، ف كل حاجة بتعدى عليها ، الدم  يطلع الشوائب و تنزل فى البول و الباقى يرجع فى الدم ... و هنا يجى دور الكلى إللى بتسمح بمرور كم معين من الماية .. 

فالكلى هى المسؤلة عن كمية البول الخارج من جسم الطفل

و لو لطفل كان عنده سكر و اترفع لما فوق  180  لازم يشرب كمية كبيرة من الماية ... عشان كدة مريض السكر بيتبول كتير .. و ده يوضح بسبب التبول اللاارداى عند الطفل المريض بالسكر ... لأنه ما بيقدرش يتحكم فى كمية الماية الخارجة من جسمه لأنها كتير ... أو لأنه بيتعب من كتر الصحيان بالليل ، فمرة يقوم و تلاتة ما يقدرش

اخطر ما فى التبول اللاارادى :

ان الطفل يستطيع التحكم فى نفسه نهارا لكن بالليل ما بيقدرش أبدا ... و العلاج هنا ما بيكونش بالأدوية فقط و لكن الأهم من الأدوية ، انى أشجع الطفل على التبول فى الحمام أو فى البوتى او على القصرية

معلومات هامة لازم نعرفها عن موضوع التبول عند الأطفال :

1.   الأطفال الإناث او البنات تقدر تتحكم فى البول من عمر سنتين إلى سنتين و نص

2.   البنات بتخلع الحفاض تماما ما بين سنتين و نص و ثلاثة سنوات

3.   لكن ده مش معناه اننا نقلق لو البنت وصلت ثلاث سنوات و لسة محتاجة الحفاض بالليل ، لأن الأمر بيختلف من عضلة بنت لأخرى .. لكن لو الطفلة وصلت خمس سنين و لسة بتتبول بشكل لا ارداى  بالليل يبقى لازم نعرضها على الدكتور

4.   بالنسبة الذكور الموضوع بيآخد مدة أطول بتزيد عن البنات ما بين ست شهور و سنة

و لكم تحياتى

مامى لأول مرة

http://la3ya3nyno.blogspot.com/