شكاوى كتير بتوصلنا من الأمهات بخصوص التبول اللارادى ... و الموضوع ده بيصيب الأم بخوف كبير على الطفل .. و أوقات كتير هذا الخوف يزيد من مشكلة التبول اللارادى عند الطفل ، لأن الأم تبدأ فى تعنيف الطفل و ضربه بدل من البحث عن المشكلة
عشان كدة النهاردة ح نحاول نعرف إيه هو التبول اللادراى ، و إيه هو أسبابه ، و ايه المشاكل المترتبة عليه .. و يا ترى أسباب التبول اللاادراى دى اعراض نفسية ولا عضوية
اسباب التبول اللارادى :
- اول شئ لازم نعرفه عن التبول اللاارداى انه مشكلة نفسية : 90 % من الاطفال إللى بيعانوا من التبول اللارادى بيكون عندهم مشكلة نفسية ... و الإحصائيات بتقول ان 10 % من الأطفال اللى اعمارهم خمس سنين فيما فوق يعانون من مشكلة التبول اللارادى ... 10 أطفال من بين ميت طفل يبللون الفراش ليلا
- و النسبة السابقة تنخفض إلى 2 % عندما يصل عمر الأطفال 10 سنوات ... يعنى 2% بس من الأطفال يعانون من التبول اللارادى
- و معظم هذه الحالات مشاكل نفسية و ليست عضوية
أسباب المشاكل النفسية المسببة للتبول اللارادى :
- ارغام الطفل على الجلوس على البوتى او القصرية رغما عنه ... و كتير الأمهات أو الأهل يغصبوا على الطفل انه يقعد على البوتى و الطفل بيكون رافض لأنه ما عندهوش بىبى ... و من هذا بيبدأ الصراع بين الأم إللى مش فاهم و الطفل العاجز عن توضيح مشكلته ... و يظهر الصراع ده على نفسية الطفل و تبدأ رحلة التبول اللاادراى
- لازم نعرف ان عملية التحكم فى البول تتوقف على النمو العضلى العصبى عند الطفل ... زى ما الطفل بيقعد فى عمر ست شهور و بيمشى فى عمر 15 شهر كمان يقدر على التبول بشكل طبيعى فى عمر سنتين و نص قد تصل إلى 3 سنوات
 |
| التبول اللااردى على مدونة مامى لأول مرة http://mamy1st.blogspot.com/ |
نصائح لكل الأمهات و الأهل :
- ممنوع اجبار الطفل على استخدام التواليت او البوتى أو القصرية قبل عمر سنة
- تدريب الطفل على استخدام التواليت او البوتى او القصرية يكون من عمر 15 إلى 18 شهر ، و فترة التدريب تكون من شهرين إلى ست شهور .. الموضوع يختلف من طفل لآخر
تدريب الطفل على استخدام التواليت :
- ادرب الطفل على طريقة الجلوس على البوتى و القصرية و التواليت
- اعرف الطفل ما هى استخدامات هذه البوتى أو هذه القصرية
- أبدا بتدريب الطفل على التبول فى البوتى أو القصرية أو التواليت نهارا لأن موضوع التدريب على منع التبول فى الفراش ده له اجرءات تانية ، ح تكلم فيها بعدين
و لكم تحياتى
مامى لأول مرة
