الجملة العبقرية إللى كلنا حفظنها لكن للأسف بنهملها و هى " ان الوقاية خير من العلاج "
و لأن الرضيع (new baby born) حساس جدا و جهازه المناعى ضعيف جدا ، فاحنا مجبرين نطبق معاه كل طرق الوقاية
و عشان كدة ح نتكلم عن طرق العناية بأدوات الرضيع
العناية بأدوات الرضيع :
و هى الببرونا و الببرونا المعلقة و المعلقة و الطبق و التيتينة و الكوباية و القطارة إللى بنديله بيها العصير او الدوا او الماية
ــ نقوم بغسل هذه الأدوات بالليفة و الصابون
ــ نشطفها جيدا بالماء الجارى
ــ يتم غلى هذه الأدوات فى وعاء ستالى ستيل أو وعاء زجاجى أو أى وعاء نظيف بشرط ان يكون مخصص لأدوات الرضيع ــ عشان ما يكونش مكانه اى دهون من عملية الطهى
ــ طبعا لو فى غسالة اطباق استخدمها فى غسل ادوات الرضيع و اوفر الغسل و الغلى
ــ فى حالة ان كانت هناك بعض الأدوات لا تغلى يفضل عدم شراءها من الأول
ــ و هناك بعض الأدوات التى تستخدم فى اليوم الواحد عددة مرات ، لا يفضل غليها إلا مرة واحدة ، و لكن يحبذ عند استخدامها فى كل مرة سكب قليل من الماء المغلى بها لإتمام عملية تعقيمها
و لكم تحياتى
