وصل " لمدونة مامى لأول مرة " السؤال ده :
الخاص باوزان الأطفال :
و التعامل مع الرضيع
السؤال هو :
" أنا بنتى جودى عمرها شهرين ووزنها 6 كيلو ونص وطولها 61 ووزنها عند الولاده كان 3.700
انا قلقانه يكون الوزن زايد ارجو الافاده اذا كان الوزن مناسب ولا لأ
.. على فكرة جودى بترضع طبيعى وانا بحاول انظم الرضعات حوالى ساعتين
بين كل رضعه والتانيه
وهى دايما عندها غازات وانا مش بشربها اى اعشاب او بيبى درينك حضرتك تنصح اشربها ايه للغازات والتهدئه قبل النوم
واسفه على الاطاله وشكرا جزيلا
الاجابة :
الموضوع مش مقلق أوى ، وزنها و طوله يعادل طفل فى آخر الشهر التالت ، ما تقلقيش على زيادة الوزن قبل سن ست شهور و تحديدا قبل ما تأكليها .. و مدام هى بترضع طبيعى ما تقلقيش .. لكن أنصحك انك تنظمى ساعات الرضاعة ، يعنى ترضعى كل تلت ساعات .. و لو جاعت قبل كدة اديها أعشاب .. لحد ما تعوديها ان الرضاعة كل تلت ساعات
بالنسبة للغازات :
- كرعى بنتك بعد كل رضعة ، و لو ماتكرعيتشها تخليها فى حضنك قاعدة لحد ما تتكرع لواحدها
- ما تلفيش بطنها بحزام السرة
- شربيها أعشاب ، انا كنت بأدى بناتى بى بى كالم ، كويس أو بيبى درينك مفيد للغازات ، و كنت بأديهم سيمسكون بعد الرضاعة
- و بالليل قبل النوم ماء غريب
- الغازات بتنتهى مع بداية الشهر التالت خصوصا لما الرضيع بيكون حجمه كبير
و لك تحياتى
مامى لأول مرة
