المفروض كنت أسمى الموضوع ده للأمهات فقط ، لأنه بالتأكيد مش ح يهم أى أب ولا حتى ح يخطر على باله موضوع الإهتمام بشعر ابنه الرضيع ، لكن الأم بتهتم بيه حتى من قبل ما تولد ، و فى أوقات كتيرة ترجع اسباب الحموضة إللى بتحس بيها ايام حملها إلى كمية الشعر إللى ح يتولد بيها البيبى ، و تقول لنفسها معلش استحمل عشان ابنى يطلع أمور ، و يا سلام لو طلعت بنت يبقى لازم و ضرورى و حتما ً أستحمل
و تيجى المفاجأة : ان النونو يتولد بكام شعرة ؛ لا تتناسب مع كم الحموضة إللى اتعرضت لها الأم . . و تبدأ الأم فى تضرب اخماس فى أسداس ، ابنى ح يطلع أقرع . . و المشكلة تتضخم لو كانت بنت . . و تبدأ الوصفات الشعبية و العلاجات الوهمية . . انا عن نفسى ليا واحدة صديقة حاولت اقناعى باستخدم زيت جوز الهند لبناتى عشان هى استخدمته لبناتها ، أبص لبناتها إللى عمرهم 25 سنة ألاقى الإتنين شعرهم خفيف و بيستخدموا كريم فرد الشعر طويل العمر يطول عمره و ينصره على مين يعاديه .
و رغم ابن بنتاى شعرهم ناعم بس واحدة فيهم شعرها مصرى أصيل ، واضح انه شرب من نيلها و لما يطول ح يحب يغنيلها . . شعر "جى" فيه كسرة زى إللى فى شعر كل ممثلات الخمسينات ، أما "هوهوز" فشعرها خفيف . . و لأن الإتين محتاجين زيت شعر مختلف عن بعض عرفت ان صحبتى زى كل الناس إللى قابلتهم و بيقدمولى النصيحة من باب أم العريف العارفة ببواطن الأمور المستخبية عن باقى الأمهات المبتدية فى الحياة الأمومية .
و طبعا سبتنى من صحبتى و بدأت أدور على الطريقة المثلى للوصول بشعر بناتى للغاية إللى اتمناها و لقيت خلاصة فكر و عصارة ذهن اصحاب الخبرة إللى بجد .
و أنا بأفضل استخدام هذه الوصفات بعد ان يتم عمر الرضيع سنة عشان راسه بتكون طريقة ، فما نضغطش عن طريق الخطأ على مخه و احنا وخدانا الحماسة فى غلغلة الشعر داخل فروة راس البيبى
بما أن الكثير من الامهات يترددن من استخدام زيوت معينه أو كريمات معينه للاطفال رغم انهن لا تكف طرح سؤال واحد وحيد و هو
إزاى اهتم بشعر المولود سؤال بيتكرر فى كل بيت .. و بما ان الكثيرات منا تبحثن عن الطريقة الصحيحة والمجربة لاعتناء بشعر الاطفال . . إليكم آخر ما توصلت إليه الجدات و الأمهات المجربات .
العناية بشعر الطفل من 0- سنه :
طبعا المولود الجديد يكمل 7 أيام فيحلق شعره زى السّنه ما بتقول و نتصدق بوزن شعره ذهب.
.2- بعد التحليق باسبوع نستطيع استخدام زيت (الحبة السوداء) وهو زيت مفيد جدا جدا وطبيعي ولا يؤثر على الطفل ابدا وعلما . ويحصل عند العطارين.. ويستخدم قبل حمام الرضيع ، حيث يتم توزيعه على مسحات قليله على كامل الراس ويفضل بالليل وبالنهار قبل الحمام يوميا.. و انا عن نفسى ما افضلش استخدام اى زيت قبل مرور سنة على عمرلا الرضيع إلا بعد سؤال طبيب الأطفال ــ و لو الطبيب وافق على دهان راس البيبى بزيت حبة البركة ما تنسيش طبعا تغطىقطهة قطنية مكان راس النونو عشان تمتص الزيت و تتغير مع كل حمام للرضيع لراحة الطفل و ضمان نظافته.
3- استخدام شامبو لا يسبب الجفاف للشعر..
4- وطبعا بعد التحمم يفضل استخدام زيت جونسن مسحات خفيفه جدا للفروه لبعث رائحه طيبه وبنفس الوقت ترطيب .
فوائد زيت حبة البركة :* القضاء على الجفاف بفروة الراس و* يحفز على نمو الشعر* . . كما يعالج ويقضي على الكائنات الغير المرئيه* يساعد على النوم الهادئ للمولود
بعد بلوغ المولود 6 اشهر :
تستطيعين استخدام الزيت قبل الحمام باربع ساعات.. وعلى راحتك ان اردتي تغيير الزيت الى زيت آخر انصحكم من الشهر السادس يتم تغييره الى زيت الخروع.. والاستمرار عليه . . و إياكم و استخدام اي مواد كيماويه او زيوت اخرى للطفل غير الزيوت التي ذكرتها لانها خفيفه ومفيده جدا باذن الله وغيرها يدخل في تركيبته مواد لا يتحملها فروة البيبي
..7- بعد نمو الشعر لترتيبه يستخدم مشط خاص للاطفال ولا يتم استخدام مشط للكبار لان المواد تتناقل وحتى البكتريا من فروه لفروه وهذا يؤثر جدا على الطفل
.
.
العناية بشعر الطفل من سنة الى سنتين :
1- تستخدمين شامبو يكون مناسب لعمر .
2- لو حبيتى تغيرى الزيت غيريه او فضلتى الاستمرار استمري.
فى حالة التغيير انصحك بزيت اللوز العادي .. يتم استخدامه قبل غسيل الشعر بـ4 ساعات على الاقل.. مع تدليك الفروه بخفه ومن ثم تركه .
3- بعد غسيل الشعر ممكن نحط ال baby oil لترطيبه
4- بنسبه للمشط نستخدم مشط للاطفال..
5- خلال السن 12 شهر ل 23 تستطيعين قص كثيرا من شعر الطفل كثير.. لان في هذه الفتره تستطيعين التغيير الترتيب لا اكثر.
العناية بشعر الطفل من سنتين ل 3 سنوات :
هنا تبدئين العنايه الحقيقه ويتطلب ذلك الاهتمام التام حتى ينمو الشعر بشكل افضل واسرع.
.1- تغسلين الشعر بشامبو الاطفال.
2- تستخدمين الزيت الي يريحك بشرط يكون واحد من تلك الزيوت (اللوز, الخروع, السمسم, حبة البركه) كل 3 ايام مره واحده فقط.. توزعينه على الشعر وتعملين المساج لمدة ربع ساعه و بعدين تربطيه على شكل ديل الحصان ــ و اوعى تشدى الشعر جامد عشان ما يتنحلش من قدام .. و سيبى الزيت ع الشعر مدة 4-5 ساعات و اغسله بشامبو المناسب.
.3- و لما ينشف نوزع كريم مرطب وخاصة كريم جوز الهند أو زيت الزيتون.. و ده يتم توزيعه على الشعر مسحات خفيفه
4ـ يتم تغيير المشط الى مشط بو أسنان اكبر.
الأكل و صحة شعر الأطفال :
- طبعا الاكل الصحي له دور فعال و أكيد فى موضوع نمو الشعر و غزارته ، عشان كدة نحاول نأكل ولادنا خضروات و فاكهة طازجة و نشربهم عصاير فرش و شرب اللبن.
العناية بشعر الطفل من ال5 سنوات+ الى 10 سنوات :
1- يفضل ان يتم قص الشعر للترتيب كل 5 اشهر.
2- تسريحة ديل الحصان من أكتر السريحات اللى بيساعد على تطويل الشعر و زيادة كثافته و بيقلل سقوطه بشرط ما يكون الشعر مشدود أوى ، حتى او كان مش ناعم ، عشان ما يتنحلش من قدام و يبقى تقيل جدا من ورا
..3- تستطيعين تغيير الزيت واستخدام زيت جوز الهند ممتاز جدا جدا لتحفيز نمو الشعر.
.4- يتم استخدام الزيت كل 3 ايام مره واحده فقط.. وترك الزيت على الشعر مدة 5-6 ساعات.
.5- عدم اهمال مساج الشعر عند توزيع الزيت.
.6- ابدا لا تستخدموا البلسم او حمام الزيت في هذا العمر..
7- تجنبوا استخدام مشط الاخرين منعا لنقل العدوى او الأمراض و البكتريا و الحشرات . . حتى و ان كان مشط الأم .
و لكم تحياتى
