تحتار كل أم جديدة عندما تفكر فى شراء احتياجات رضيعها القادم ، خاصة و ان كانت أم لأول مرة . . و طبعا كل مين هب و دب بيفتى ، و الأم تتشتت و تبقى مش عارفة تشترى إيه ولا تسمع كلام مين و تزعل مين . . و دى تتقمس و ددى تتلوى . . و تنتهى المفاوضات بأن الكل بيتفلق فينفضوا من حول الأم الجديدة تاركينها فى حيرتها خصوصا مع ارتفاع الأسعار العجيب . . و الحكاية بتتضخم لما تكون الأم حامل فى توأم . . تبقى حاسة انها تغرق تغرق تغرق فى بحر الظلمات
و نصيحة من أم انجبت توأم و كل ما اشترته استفادت منه فيما عدا الشاية و الكوافيل إليكم لستة المشتروات الخاصة بالرضيع القادم ــ فى حالة التوأم نضاعف كل الأعداد السابقة)
ــ برنس حمام ، او فوطة كبيرة
ــ 2 فوطة صغيرة للتجفيف بعد تغير الحفاضة
ــ نصف دستة بنطالونات
ــ نصف دستة تى شيرت نصف كم
ــ 3 فانلات كات (داخلية)
ــ 3 بافدات
ــ 2 فستات خروج
ــ 2 سالوبات
ــ كوفرته
ــ شيالة لحمل الرضيع ، سواء كانت حقيبة ينام بها أو شيالة صدر ــ يحملها الآباء فوق صدورهم ــ
ــ سرير للرضيع
ملاحظة : كل ما سبق ملابس للصيف و هذه الأعداد فى حالة استخدم الحفاضات و لكن فى حالة استخدام الكوافيل بيجب ضرب هذه الأعداد فى اربع مرات ، لأن الكافولة تبل كل ملابس الرضيع و يكون فى حاجة للتغير باستمرار
ملابس الشتاء :
ــ ست تى شيرت بكم طويل
ــ 2 السالوبات يكون بلكلوك
ــ استبدال الكوفرتة ببطانية
ــ 2 لاكلوك من القطن
ــ 2طاقية رأس من القطن
ــ بلوفر صوف
كلها منتجات قطنية ، فيجب ان يلبس الرضيع القطن الصافى ، لا للنايلون و لا البوليست أو الصوف
ـ و إذا احتاجنا إلباس الرضيع بلوفر صوف فيكون من فوق ملابس قطنية
يجب التأكد من أن الملابس مصنوعة من القطن الخالص لأن أى مواد أخرى يمكن بسهولة أن تسبب حساسية لجلد الطفل.. وتاني حاجه لازم تكون هدوم البيبى واسعه ومريحه علشان يرتاح وتالت حاجه لازم ماتكونش بتشكشك ولا تكون مبطنه بخامه غير القطن
الأدوات الخاصة بالرضيع :
ــ أدوات طبية : ترمومتر ــ ميزان ديجيتال
ــ أدوات غذائية : ببرونا بيركس او من أى مادة أخرى قابلة للغليان
ــ أدوات للحمام : بانيو ــ شامبو للرضع ــ فوظة صغيرة للاستحمام ــ لوشن صابون للرضع ــ قطن أذن للرضع ــ زيت لجسم الرضع أو كريم لوشن ــ فرشة لشعر البيبى ــ مقص أظافر خاص بالرضيع
أختيار مقاسات الملابس :
ــ هناك ثلاث مقاسات لملابس الرضيع حديث الولادة و عشان كدة لازم اسأل دكتور النسا دايما عن وزن الجنين عشان أعرف أحدد إلى حد ما وزن ابنى و الهدوم إللى ح أشتريهاله
ــ هناك مقاس للمبتثرين ووزنه من كيلو و حتى كيلو و نصف
ــ مقاس للطفل الطبيعى وزنه من اتنين كيلو و نصف و حتى أربعة كيلو
ــ مقاس للرضيع السمين وزنه أكثر من أربعة كيلو
و كلها تختلف عن بعضها و تغير من طبيعة مقاس الملابس اللى ح اشتريها للرضيع ، عشان كدة لازم أفحص هدوم الرضيع كويس أوى ، و أتأكد أن فى مساحة داخل الملابس كي ينمو بها ، و افتكروا أن "وزن" الرضيع هو إللى بيحدد مقاس الهدوم إللى لازم نشتريه و يلبسها و مش "عمره".
أحتيار شكل و خامات الملابس :
برجاء شراء التى شيرات ذات الرقبة القابلة للتوسيع عبر كاباسين و لا يفضل الرقبة القابلة للتوسيع بوجود مرد فى التى شيرت لأنها مع الغسيل تمد و تطول و تهرول و تكون غير محكمة على الرضيع مما يعرضه للبرد
وفيما يلي 5 أشياء يجب ان أضعها فى اعتبارى عند شراء ملابس الرضيع:
1- ابحث عن الخياطات الزائدة بحيث تكون ناعمة وغير مرئية، ولذا عليكِ بالتحقق منها من خلال رؤية الملابس من الداخل أو وضع يديك ببساطة على أعلى وأسفل القماش حتى نتأكد من عدم وجود خياطات من الممكن أن تقوم بخدش الرضيع أو أن تتسبب فى بكائه.
2- تجنبوا الملابس الضيقة الممطوطة و خاصة عند الأذرع والأرجل والعنق والخصر لأنها ممكن تسبب حساسية الجلد لدى الرضيع و ده غير انها ممكن تسببله انزعاج و عدم راحة .
3- خلوا بالكو من السوست المعدنية والأشياء المزينة وغيرها يمكن أن تتسبب في خدش طفلك وشعوره بالضيق، وكثيرا من ملابس الرضع الآن تأتي بالعديد من الحلقات الحادة المزينة، هنا لازم التأكد من أن تلك الحلقات المعدنية غير ضارة لجلده ولا تتسبب فى إيذائه. . . و ما تصدقيش إللى يقولك أن هذه الزينة دى ح تلين و تطرى مع الغسيل، لأنه ح يبقى عليكى واحد ، و الحكاية دى مش ح تحصل إبدا ً
و لو كنتوا من الناس إللى بيعجبها الترتر و الزراير و السوست فى ملابس الرضيع خدوا بلكم ان المواد دى ما تضرش الرضيع
1- ابحث عن الخياطات الزائدة بحيث تكون ناعمة وغير مرئية، ولذا عليكِ بالتحقق منها من خلال رؤية الملابس من الداخل أو وضع يديك ببساطة على أعلى وأسفل القماش حتى نتأكد من عدم وجود خياطات من الممكن أن تقوم بخدش الرضيع أو أن تتسبب فى بكائه.
2- تجنبوا الملابس الضيقة الممطوطة و خاصة عند الأذرع والأرجل والعنق والخصر لأنها ممكن تسبب حساسية الجلد لدى الرضيع و ده غير انها ممكن تسببله انزعاج و عدم راحة .
3- خلوا بالكو من السوست المعدنية والأشياء المزينة وغيرها يمكن أن تتسبب في خدش طفلك وشعوره بالضيق، وكثيرا من ملابس الرضع الآن تأتي بالعديد من الحلقات الحادة المزينة، هنا لازم التأكد من أن تلك الحلقات المعدنية غير ضارة لجلده ولا تتسبب فى إيذائه. . . و ما تصدقيش إللى يقولك أن هذه الزينة دى ح تلين و تطرى مع الغسيل، لأنه ح يبقى عليكى واحد ، و الحكاية دى مش ح تحصل إبدا ً
و لو كنتوا من الناس إللى بيعجبها الترتر و الزراير و السوست فى ملابس الرضيع خدوا بلكم ان المواد دى ما تضرش الرضيع
4ـ نوع القماش: الأقمشة الطبيعية هى الأفضل لبشرة الرضيع الحساسة، لكنها تبقى الخيار الغير مناسب أو العملي. .
و لكم تحياتى
