top ad

الأحد، 10 أكتوبر 2010

العناية بملابس الرضيع ــ قبل و بعد6شهورـ







حمد الله ع السلامة ، البيبى وصل للدنيا بالسلامة ، ألف مبروك . . و فرحنا و زقطتنا و عملنا السبوع و وزعنا الحمص و الشيكولاتة و الملبس للناس إللى لسة فاكرة الملبس . . و بدأنا ندرب على طريقة ارضاع النونو ، و اترعبنا و احنا بنحميه لأول مرة . . الحمد لله كل ده عدى بسلام
بس إيه ده ، هدوم البيبى بدأت تتكوم . . يا ترى ح نعمل فيها إيه ؟ أرميها و أشترى تانى ؟ و لا أغسلها فى الغسالة ؟ طيب و البيبى ح يستعمل مسحوق الغسيل بتاعنا . . و اصلا الهدوم إللى مش نضيفة أحطها فين ؟


الحكاية مش معقدة ، بسيطة على الأقل لأول ست شهور . . ح نقسم ملابس الرضيع قسمين :
ــ ملابس اتغيرت عشان البيبى ح يستحمى
ــ و ملابس جه فيها بى بى أو تواليت اللى جه فيها توليت تتغسل فورا على الإيد بصابونة الوش و بعدين ننقعه فى أى مسحوق خالى من المواد المبيضة
ــ ثم يتم غليها و غسلها على الإيد أو فى الغسالة بس لوحدها ــ مش مع هدوم الكبار اما عن هدوم التغير بنغليها على النار برضه فى مسحوق خالى من مواد التبيض لأنها بيبقى فيها كلور و ده ممكن يسبب أكزيما للنونو او حساسية . . و لو مش لقيين مسحوق خالى من مواد التبيض انصحكم تبشروا صابون الوش و تغسلوا بيه ينصح بشطف ملابس  الأطفال بالماء جيدا بعد الغسيل لأن وجود أى آثار لمنظفات الغسيل على الملابس الداخلية للطفل يتنج عنها إلتهابات و حساسية لجلده المرهفر
ــ يمنع تماما ً استخدام الكلور مع ملابس الرضيع

-->


 نشر هدوم الرضيع :
ــ تمسح الحبال جيدا عشان أشيل أثر أى تراب موجود عليها ــ استخدم مشابك يكون الكلبس بتاعها بلاستيك ، عشان الكلبسات المعدن بتصدى و الصدى ممكن يوصل لهدوم الرضيع و يضره ــ أبدأ فى نشر الهدوم بشكل يسمح للشمس الوصول لكل قطعة عشان تنشفه و تقضى على أى ميكروبات مقدرتش الماية المغلية و الصابون يقضوا عليها ـ اوعى تشيلوا الهدوم من على الحبل تلبسوها للرضيع إلا بعد التأكد انها مش سخنة عشان ما تلسعش البيبى و تسببله حروق .


غسل ملابس الرضيع بعد ست شهور من ميلاده :
بعد ان يبدأ الرضيع فى الأكل .. ح تزيد عملية التغير له و طبعا ده لزيادة كمية التواليت. . هنا ممكن احط هدومه فى الغسالة بشرط ، تكون هدومه هو بس ، و استخدم لها نفس مسحوق الغسيل الخالى من المواد المبيضة و برضه ممنوع استعمال الكلور .


كى ملابس الرضيع :
يمكن جدا تكوى هدوم الرضيع بشرط اننا برضه ما نلبسهوش الهدوم على طول ، لكن نسبها تتهوى و تبرد عشان حرارة المكوى ما تلسعش البيبى .
حفظ ملابس الرضيع : يفضل ان تحفظ ملابس الرضيع فى مكان جاف ، لا تصل إليه الرطوبة ، لأنها ممكن تسبب بكتريا لجلد الرضيع بسهولة . . او ممكن تجبله برد .


العناية بأدوات الرضيع :
و هى الببرونا و الببرونا المعلقة و المعلقة و الطبق و التيتينة و الكوباية و القطارة إللى بنديله بيها العصير او الدوا او الماية
ــ نقوم بغسل هذه الأدوات بالليفة و الصابون
ــ نشطفها جيدا بالماء الجارى
ــ يتم غلى هذه الأدوات فى وعاء ستالى ستيل أو وعاء زجاجى أو أى وعاء نظيف بشرط ان يكون مخصص لأدوات الرضيع ــ عشان ما يكونش مكانه اى دهون من عملية الطهى ــ
ــ طبعا لو فى غسالة اطباق استخدمها فى غسل ادوات الرضيع و اوفر الغسل و الغلى
ــ فى حالة ان كانت هناك بعض الأدوات لا تغلى يفضل عدم شراءها من الأول
ــ و هناك بعض الأدوات التى تستخدم فى اليوم الواحد عددة مرات ، لا يفضل غليها إلا مرة واحدة ، و لكن يحبذ عند استخدامها فى كل مرة سكب قليل من الماء المغلى بها لإتمام عملية تعقيمها .
و لكم تحياتى
مامى لأول مرة
http://la3ya3nyno.blogspot.com/

midlle ad