علم طفلك الرسم - ح نبدأ برسم الدبة - the bear - l'ours

تعليم الطفل  الرسم من أول الخطوات الهامة لتعليم الطفل الخط الجميل
و تعويده على التأمل فى مخلوقات الله

الإبداع صفة من صفات الله عز و جل لا يمنحها إلا للقليل من عباده
هناك الكثيرين من المدعين و لكن أصحاب المواهب الحقيقية قليلون

ساعدوا أطفالكم على اكتشاف ابداعاتهم التى وهبها لهم الله
لو حبوا الرسم و رسموا اعرفوا انهم موهبين و ساعدوهم على تنمية  هذه المهارة

الرسم يخلق لدي الطفل القدرة على تأمل قدرة الخالق فى
كل شئ  حوله

و فى هذا الفيديو نحن نعلم الطفل كيف يرسم الدبة و فى المرات القادمة سنعلمه كيف  :

-->  يرسم الاسد 
علموا أطفالكم رسم الأسد - le lion - the lion
و يرسم الفيل - the elephant - l'eleph
و يرسم القرد - the Monkey- le singe
و يرسم التمساح - draw Alligator - 
و يرسم الكلب - draw dog - le chien
و يرسم الفرخة - draw Chicken - dessine la poulet
و يرسم البقرة - the cow - la vache
علموا اطفالكم رسم القطة و لكم تحياتى
مامى لأول مرة



African affiliation program

خطورة وجود شركة أمن خاصة فى مدرسة ساكريه كور غمره ecole sacre Coeur – Ghamra

مش قادرة استوعب ازاى الأهالى ممكن تكون مطمنة على أطفالها فى مدرسة ساكريه غمرة ecole sacre Coeur – Ghamra – خاصة و ان المدرسة تتعامل مع شركة خاصة للأمن ... يعنى موظف الأمن بيتغير كل عدة ايام و كل عدد من ساعات العمل ، و يا دوب اول ما  يتعرف على أهالى الطلبة ده لو قدر يعرفهم فى الكام يوم إللى ح يقعدهم ح يكون اتغير و الشركة ح تبعت موظف غيره

انا باقول كدة و انا شاكة ان موظف الأمن ممكن يكونلحق يحفظ الطلبة و اهاليهم – لأن المدرسة فيها كل مراحل التعليمية من أول Jardin d’enfant اربع فصول و فى كل فصل 37 طالبة – زى ما قالت لنا Soeur Miro – و  12 فصل ابتدائى – 6 فصول اعدادى – 6 ثانوى - يبقى ح يحفظهم ازاى
ده و احنا داخلين المدرسة و بنقوله اننا رايحين لمدام لوسى ، قالنا مافيش حد هنا اسمه لوسى ، مع انها سكرتيرة مديرة المدرسة 
ده مش عارف الإدارة ؟؟؟ ممكن يعرف الطلبات ؟؟ 

-->

ممكن موظف أمن جاى يقعد لمدة شهر و لمدة تمن ساعات فى اليوم – ممكن يحفظ الطلبة – ده حتى لو قعد تمن ساعات فى اليوم ح تكون الكارثة اكبر – لأن الموظف إللى ح يدخل الطالبات غير الموظف إللى ح يخرجهم من المدرسة

ازاى مدرسة عريقة زى دى ما يكونش المسؤل عن بوابتها حد هى تعرفه شخصيا ... يعنى دلوقتى لو حصل مشكلة و انا مالقتش بنتى لاقدر الله ... مين المسؤل المدرسة ولا  شركة الأمن ... طيب لو حصل مشكلة على البوابة مين ح يآخد قرار ف حلها ؟؟ ادارة المدرسة و لا شركة الأمن – ولا مديرة المدرسة ح تكلم المدير فى شركة الأمن عشان يكمل الموظف اللى واقف على بوابة المدرسة

 المدرسة ... ده يكون الحمار مات و رحته طلعت كمان

طيب افرض ان اى حد راح خد بنتى من المدرسة ، موظف الأمن ح يسلمهاله عادى ... و لا ح طلب منه إيه ؟؟ و لا ح يديله البنت مقابل انه يآخد بيانات بطاقته ... طب هو موظف الأمن عارف بنتى طالبة فى المدرسة أساسا لأ
طب هو موظف الأمن فى مدرسة ساكريه كور غمرة ecole sacre Coeur – Ghamra يعرف أهل البنت ، باباها مامتها ... طبعا انا باتكلم عن الأطفال إللى عمرهم أقل من عشر سنين

فى حاجة مش واضحة فى المدرسة و ف هيكلها الادارى

لكن إللى متأكدة منه ان وجود شركة أمن خاصة جوة مدرسة بنات  دى كارثة – لو ماكنتش كارثة ادارية – فهى أكيد كارثة تربوية – لأن المدرسة ما تعرفش أخلاق موظفين الأمن دول

African affiliation program

ده غير اننا لمسنا كذب موظفين الأمن و رعبهم مع أقل صوت يهب فيهم ... يعنى انا ممكن افترض انى دخلت بنتى المدرسة و لما جيت آخدها كدبوا و قالوا ما شفناهاش ، اصلها ما جتش النهاردة ... و على الأهل انهم يثبوا انهم دخلوا بنتهم المدرسة
- ح اقولكم ليه كل الرعب ده من ecole sacre Coeur – Ghamra - لأنى تأكدت من أنهم بيكذبوا و بجدارة و قريب اوى ح أكتب لكم عن الكذب فى مدرسه ساكريه كور غمرة

و اللى مش مصدق ان ساكريه كور غمره ecole sacre Coeur – Ghamra  
فيها شركة أمن خاصة .. يآخد معاد من الإدارة 

و يقول للأمن انه داخل الإدارة – ح يسألك موظف الأمن حضرتك جاى القلب المقدس – قوله ايوه – ح يطلب البطاقة و يديك رقم اقلبه ح تلاقى عليه بيانات شركة الأمن الخاصة

الكارثة الأكبر لو كمان اتوبيسات المدرسة تابعة لشركة سياحة مش تابعة للمدرسة ، يبقى لا السواق عارف البنات و لا الأمن عارف البنات .. و ادارة المدرسة ما تعرفش اخلاق السواقين إللى بيتعاملوا مع البنات و لا اخلاق موظفين الأمن

حد لازم يفهم ادارة مدرسة ساكريه كور غمره ecole sacre Coeur – Ghamra ان إللى بتعمله ده كارثة ، و قبل ما تعمل اختبارات عشان تختار البنات اللى ح تدخلها المدرسة و اختبارات لأولياء الأمور ؛ اولى بيها تعمل اختبارات للأمن و السواقين و البوابين إللى ح تقعدهم على باب المدرسة ... و بدل  ما تجيب شركات تدير شئون الأمن تدير هى شئون الأمن بنفسها و تخلى الشركة الخاصة للحماية لو فى خطر بيهدد المدرسة

ربنا يستر

و لكم تحياتى

مامى لأول مرة

اسماء الملابس بالفرنسيه - les vetement en francais

للى عايز يعلم ولاده فرنساوى يقدر يعتمد على الفيديو ده فى تعليمهم الملابس و الأهم من الحفظ انه يكلمه 
طول اليومعشان الأهم من اللغة هى ممارسة اللغة

African affiliation program

الامهات بتسأل

س1 : دايما بلاحظ ان راس ابنى سخنه جدا مع ان باقى جسمه حرارته عديه ... و على فكرة انا عندي ترمومتر و باقيسله الحرارة و مش بيتطلع سخن ... انا مستغربة جدا ان حرارة جسمه بتبقي طبيعيه لكن دماغه من فوق عند فروة شعره كده بتبقي سخنه انا بقول ممكن عشان هو مش عنده شعر لان شعره خفيف جدا

اجابة : مدونة " مامى لأول مرة "

صدقى الترمومتر

س2 : معلش بليز كونت حابه اعرف هو المفروض و الطبيعى  ابنى يرضع كام راضعه في اليوم مع العلم ان عمره 5 شهور ووزنه 7 كيلو ونص

هو كده وزنه طبيعي ولا قليل
الاجابة :

ابنى فى الشهر الرابع و زهق من الرضاعة

مساء الخير معلش كنت عايزه اسال سؤال : انا ابني عنده 4 شهور واسبوعين ووزنه 7 كيلو هو كده وزنه طبيعي ولا ضعيف ؟؟

وكنت عايزه اعرف ينفع اديله حاجه مع اللبن الصناعي لانه مش بيرضع طبيعي وهو زهق من اللبن ومبقاش عايزه كتير ... سؤال كمان ، كنت عايزه اسال ليه دماغه من عند مخه بتبقي سخنه ديما غير حرارة جسمه ارجو الرد واسفه للازعاج

اجابة من مدونة " مامى لأول مرة "

علاج الامساك عند الرضيع

معلش  ممكن سؤال .. انا حاسه ان البوراز بتاع ابنى  جامد و مش زي الاول وبحس انه بيحزق جامد وبينزل الحمام بتاعه ناشف اوووي ... ابنى عمره شهرين و بيرضع صناعى و طبيعى بس لبنى مش بيكفيه

الاجابة :

من فضلك تشربيه شيح - ح تلاقى البراز تحسن .... ما تقلقيش فى بعض الطفال بيكون عندهم امساك بس الشيح بيحل المشاكل دى كلها - انصحك تشتريه من الصيدلية و اسمه العلمى شيح بابونج

شوربة الأرز مرفوضة قبل سبع شهور

السلام عليكم.. انا ابنى عنده شهرين وبيرضع طبيعى بس زاد كيلو واد فى الشهرين كان 3 وبقه 4 كيلو..هل اعطيه لبن صناعى؟؟؟ والحقيقة ان والدتى معترضة جدا عليه ولما بخرج واسيبه معاها بتعطيه شوربة الارز..هل هى مفيدة ليه ولا ممكن تضره؟؟؟لانى احيانا بتضطر اخرج وقت طويل فايه الاحسن اعطيه شربة الارز ام اللبن الصناعى..خالص تحياتى

الاجابة :

ممكن اشرب ابنى عصير ؟

انا ابنى عمره شهرين ممكن اديله عصير جمب اللبن و لا يبقى فى خطر عليه ؟؟

الإجابة :

العصير مش دلوقتى عشان الكلى و المعدة ما تستحملش ، لكن اول ما وزنه يوصل سبعة كيلو اديله عصير و يفضل يكون عصير خفيف زى عصير التفاح

-->

كارثة فى امتحانات قبول الحضانة فى مدرسة ساكريه كور غمرة ecole sacre coeur

كارثة فى امتحانات قبول الحضانة فى مدرسة ساكريه كور غمرة

مش ح اقولكم ان الكارثة هى ان اللى عايز يدخل بنته مدرسة ساكريه كور يجيب شهادة من حصانة فرنساوى ان ابنه خريج الحضانة عشان يدخل الحصانة عند ساكريه كور sacre  ecole coeur غمرة

لأ طبعا

الكارثة فى النقط التالية : 

-        اولا : القايمون على اختبار الأطفال : لا يعلمون أى شئ عن سيكولوجية الطفل و لا يعرفون التعامل معاهم ... و ده ظهر لما خدوا الولاد مننا و كان عددهم تقريبا عشرة و دخلوهم فصول الـ jardin d’enfant ... و فضلوا يمتحنوا فيهم لمدة أكتر من ساعتين ، البنات دخلت تمتحن الساعة عشرة و ربع و خرجت الساعة 12 و تلت ... فى اطفال عمرهم أقل من أربع سنين تقعد تمتحن المدة دى كلها ؟؟

-->  طبعا البنات خارجة مفرهضة و متنحة و ما بتتكلمش و واحدة من بناتى التوأم بتصرخ بهستريا حرانة ، حرانة مع انها لابسة بلوزة دونتيل نص كم و شورت

بناتى كانوا داخلين مبتسمين و سعدا  و متفائلين لدرجة ان واحدة منهم باست المدرسة إللى نادت على اسمها 

و مع ذلك قدرت مدرسات المدرسة تخرجهم حزانة و مكتئبين لدرجة ان واحدة كل ما أسألها عملتى ايه تقولى مش عايزة أقول ، و التانية دخلت نامت لمدة اربع ساعات متواصل و ما قمتش غير لما صحناها

-        ثانيا : القائمون على اختبار الأطفال لا يجيدون التعامل مع الأطفال ، لأنهم لم يلعبوا مع الأطفال كما ادعوا و قالوا انهم ح يلعبوا معاهم الأول عشان البنات ما تخافش و تتجاوب ، و طبعا الكلام ده طلع كدب ، و لما سألت مديرة المدرسة قالتلى هما صحيح ما لعبوش فى الجنينة و لا على المراجيح  و لا بالكرة ، لكن لعبوا فى الفصل ... ممكن حد يفهمنى إيه الألعاب إللى ممكن تتلعب مع طفل عمره تلت سنين و عشر شهور و هو قاعد

-        ثالثا : فى مشكلة فى طريقة تقيم الامتحان و درجة القبول فى مدرسة sacre coeur ... فمن الواضح ان مدرسينهم إللى بيقوموا على التقيم جايبين طريقة امتحان الخواجات لكن بيطبقوها من غير ما يفهموا ابعادها ... و الدليل انهم لما طلبوا من بنتى تغنى و غنت و هى بترقص و بتحرك ايدها كتبوا فى التقرير elle fait des gestes انها تقوم بايماءات و حركات ... و ماحدش فسر  على ما تدل تلك الحركات ، سرعة بديهة ، ذكاء ، ضعف ذهنى ، امها رقاصة ... لكن اللى كتبتها كتبتها كدة و كأن المطلوب من إللى ح يقرا التقرير هو إللى يحط  تفسير للحركات دى و يوضح ان كان فى اتجاه سلبى أو ايجابى ... و ده فى رأيى خلل فى التقيم المدرسة ، لأن التقيم لازم يكون واضح و غير قابل للتقويل ، ده حتى ما قالش ان الحركات دى تمت وقت الاغنية و لا وقت تانى ، لأن ده ح يفرق فى التقيم ......... لكن كله عند العرب صابون

-        رابعا : و هو تأكيد على خلل فى تقيم مدرسة sacre coeur للبنات المقبولة عندهم فى الحصانة او الـ jardin d’enfant   ح تتأكدوا منه لما أقولكم  ان أنا ليا بنتين توأم  خارجين من نفس البيت و نفس الأم و نفس كل حاجة ، قال كتبلى فى التقرير ان فى واحدة فرنكوفون francofon و التانية مش فرنكفون francofon بالذمة ده كلام يعقل ، يبقى فى واحدة لبلب فى الفرنساوى و التانية لأ .... طب رفضوا اللبلب ليه ؟؟؟

African affiliation program -        خامسا : الكذب يحكم التقارير النهائية للطلبة المتقدمين بمدرسة sacre coeur :ecole

قالولى ان فى بنت من بناتى ما عملتش كويس فى الجزء إللى فيه حساب ، و التانية ما حلتش أى حاجة خالص .... الدليل على الكذب ، ان الامتحان متنوع ، الامتحان فيه بازل ، و بناتى بتآخد فى الحضانة بازل ... و الامتحان فيه تلوين و معرفة اللوان و الاتنين عارفينها كويسه ، الامتحان فيه كتابة حروف و ارقام و الاتنين متوسطين فيهم  .... و الامتحان فيه رسم و ده إللى واحدة من بناتى شاطرة فيه و التانية لأ ... يعنى مستوى الاتنين قريب من بعض ماعدا فى الرسم ، لأنى باذكر للاتنين إللى عمرهم - تانى بافكركم – عمرهم تلت سنين و عشر شهور – يبقى استحالة واحدة كان عندها مشكلة فى حاجة واحدة و التانية عندها مشاكل فى كل حاجة ... الكارثة الاكبر التقرير مش مكتوب فيه غير عنصر واحد بس من ست عناصر شملها الامتحان ... ده غير التواصل الاجتماعى  اللى ما حطوش عليه أى درجات - ليه باقولكم عن التواصل لأن اطفال فى عمر أقل من اربع سنين سابت أهلها و دخلت مكان ما تعرفوش مع مدرسين ما تعرفهمش من غير ما تعيط و كانت مبتسمة و مرحبة

طبعا خامسا دى انا خلتها عن الكذب لأنى ح أكتبلكم عن الكذب إللى شفته منتشر فى المدرسة بشكل مرعب ، من أول مديرة المدرسة و حتى الأمن إللى بيدخلنا

و دى تجربتى فى مدرسة ساكريه كور غمرة sacre coeur – بابعت هالكم لعلها تفيدكم و يا ريت إللى عنده تجربة مماثلة عن نفس المدرسة أو مدرسة تانية يبعت لنا

و لكم تحياتى

مامى لأول مرة

ابنى الرضيع رافض الرضاعة و مهما جاع ما بيعيطش

انا ابنى عمره اربع شهور ، و بيرضع صناعى من أول ما اتولد ...  و كان منتظم فى رضاعته من يوم ما اتولد يعنى كان كل تلت ساعات بيطلب الرضعة .. و فجأة بقى رافض الرضاعة ، بقاله عشرين يوم دلوقتى لدرجة انى بقيت اديله الرضعة بالسرنجة

و مع ذلك ما بيخدش غير رضعتين بس فى اليوم كله ... رحت بيه للدكتور قالى ان عنده برد فى المعدة و ادانى فيلاجين لمدة عشر تيام و ماجبش نتيجة ... دكتور تانى قالى ان ابنى عنده انيميا عملتله تحليل هيموجلوبيل ، طلع عشرة

ابنى الرضيع رافض الرضاعة و  مهما جاع ما بيعيطش - mamy1st - مامى لأول مرة

و من امبارح الصبح ابنى مش راضى يآخد الرضعة خالص

نسيت أقولكم ان وزنه لما اتولد كان 3800 و دلوقتى بقى 8 كيلو ... و ما بقاش بيعيط من الجوع خالص و ما بيشربش غير ماية معدنية ، حتى الأعشاب بقى رافضها

مش عارفة أعمل ايه ؟؟ و على فكرة هو ما عندوش و لا امساك و لا كحة و لا رشح و لا حرارة و لا امساك و لا بيشتكى من أى حاجة ... و لما لقيته رافض الرضاعة قلت ادوقه زبادى و مرة دوقته سيريلاك رجع الاتنين

الاجابة :

mamy1st - English: Idealism rules of educatiom

mamy1st - English: Idealism rules of educatiom: The  education begins from home, so it must be our ambition in raising our children ….,we must aspire to find Salahuddin again or Khalid ...

mamy1st - English: advice Dr Medhat El Zayat for babies ' ideal weigh...

mamy1st - English: advice Dr Medhat El Zayat for babies ' ideal weigh...: 
Medhat El Zayat episode discusses: - Dealing with the male infant - Infant eating wheat - Bacterial flu - Problems and the weakness ...

-->

mamy1st - English: blog for new mothers

mamy1st - English: blog for new mothers:

It is very easy to dream, but that dream materialize and become true ,it's a fact .. I've an object moves and beats screaming.. He...

¬¬¬

حلقت رأس ابنتى الرضيعة بالمكنة

اسأل الله لكم التوفيق في الدارين
انا بنتي مولودة وكان شعرها جميل جدا وحلقته لها بالمكنة وهي عندهاخمس شهور ولكن شعرها اﻷن طالع ضعيف وبيلف وعندها اﻷن سنة هل استخدم لها زيوت معينة وهي بترضع طبيعي

الإجابة :

عايزة اعرف ابنى بيآخد كفايته من الرضاعة و لا لأ

 مساء الخير معلش انا كنت طالبه من حضرتكم سؤال وحابه تجوبوني بعد اذنكم انا ابني هيتم الشهرين يوم 2 في الشهر الجديد وكنت عايزه اعرف انا ممكن اديله حاجه تفيده مع اللبن الصناعي لانه مش بيرضع من ثدري ونفسي افيده بحاجه تعوضه عن لبن الام وكنت عايزه اعرف لون البوراز الطبيعي يبقي لونه ايه اسفه للازعاج وارجو الرد

الإجابة

-->  : 

ابنى ما بينمش و بيصرخ طول الليل

لو سمحت ممكن اعرف اجابة لسؤالي انا ابني عمره ثلاث شهور وصارلو اسبوع ما يرضى ينام من مرة كل ماحاول انيمو بنام اذا كترت نصف 

ساعة او ساعة وبضل صاحي بالليل والنهار مع استمرار البكاء والصراخ جربت كل الوسائل ما نفع معو شي حابة اعرف شو بكون مالو

استقلال شخصية الأطفال من عمر سنتين

انا عندي بنت عمرها سنه ونصف عصبيه وعنيده جدا هل هذا دليل بداية استقلال شخصيتها

علموا اولادكم الأبجدية الفرنسية - بطريقة ترفيهية - الجزء1

ح تقولولى ليه الفرنسية و ليه مش العربية و ليه مش الأنجليزية ؟
ح اقولكم ان  كل المواقع العربية المخصصة للأطفال بتعلم الأطفال كتابة الأبجدية العربية
و معظم المواقع و الأهالى تهتم بتعليم الأطفال الانجليزية لأنهم معجابين بالحلم الأمريكانى
إللى احنا مش معجبين بيه أبدا


لكن كمان لاحظنا ان العائلات إللى بتحاول تساعد اولادها فى تعلم اللغة الفرنسية بتتعب جدا عشان تلاقيلهم حاجة تعلمهم بطريقة سهلة و بسسيطة 

--> و ها هى
اطبعوا الصور دى و خلوا اطفالكم يلونوها و بكدة ح يثبت الحرف و الكلمة فى راسهم خصوصا انهم لونوها و نطقوا حروفها و هما بيرسموها

African affiliation program

و لكم تحياتى
مامى لأول مرة
http://el7adsa-incident.blogspot.com/

سر احتفال الفراعنة و احفاد الفراعنة بشم النسيم

علموا ولادكم الاحتفال بشم النسيم و هو الاحتفال بعيد الربيع ...  و اخرجوا معاهم إلى المتنزهات و الحدائق و اركبوا مركب فى النيل ... و وروهم ازاى ربنا بيلون الدنيا بالوان جميلة فى الربيع .... و علموهم يحبوا الجمال الربانى و بيحببهم فى الألوان ... فقد خلق 

الله الربيع عشان يلون حياتنا بالتفائل و بالأمل 

و يقوى نفوسهم على الأيام الجاية و ينمى فيها الإبداع

و عشان كدة حرص المصريين على الاجتفال بعيد الربيع إللى هو عيد شم النسيم 

--> و عشان نفس السبب بيحاول المتخلفين القضاء على هذا العيد إللى هو مش عيد دينى ، ده عيد اجتماعى 

زى ما عيد العمال عيد مهنى 

و عيد تحرير سينا عيد قومى

و من أهم ادوات تعليم الأطفال و تحبيب الأطفال فى الربيع هى التلوين ... و عشان نقنعهم ان الربيع بيلون كل شئ ، ف لازم نعلمهم تلوين البيض ، بشرط تكون بالألوان الطبيعية ، و يستحسن نستخدم ورق الأعمال الملون او ورق الكوريشة عشان نضمن عدم الضرر بالصحة و مافيهاش أى ضرر على أطفالنا الحلوين

و  كل سنة و انتوا طيبين

African affiliation program

و لكم تحياتى

مامى لأول مرة
http://el7adsa-incident.blogspot.com/

علموا الأطفال الأرقام بطريقة بسيطة - chiffres Fransais - English number

اتعودنا نسمع صوت الأمهات و هى بتعلم اطفالها ، خصوصا اطفال البى بى كلاس
أو تلاميذ مرحلة الـ-
KG1
Kg2

و محاولة منا فى التخفيف عن الطفل اولا و عن الأم ثانيا
و عن الأب إللى  بقى على طول هربان برة البيت بسبب صراخ الأم مع الولاد وقت المذاكرة
جبنالكم الصور دى عشان تعلموا ولادكم شكل الأرقام و كيفية ترتيبها
و التدريب على الترتيب

القط الشقيى - http://mamy1st.blogspot.com/

 الأراجوز - http://mamy1st.blogspot.com/- 

بوبى الحبوب - http://mamy1st.blogspot.com/

http://mamy1st.blogspot.com/ - القطة المتمردو

-->

African affiliation program

الفيل الطيب - http://mamy1st.blogspot.com/