ابنى الرضيع رافض الرضاعة و مهما جاع ما بيعيطش

انا ابنى عمره اربع شهور ، و بيرضع صناعى من أول ما اتولد ...  و كان منتظم فى رضاعته من يوم ما اتولد يعنى كان كل تلت ساعات بيطلب الرضعة .. و فجأة بقى رافض الرضاعة ، بقاله عشرين يوم دلوقتى لدرجة انى بقيت اديله الرضعة بالسرنجة

و مع ذلك ما بيخدش غير رضعتين بس فى اليوم كله ... رحت بيه للدكتور قالى ان عنده برد فى المعدة و ادانى فيلاجين لمدة عشر تيام و ماجبش نتيجة ... دكتور تانى قالى ان ابنى عنده انيميا عملتله تحليل هيموجلوبيل ، طلع عشرة

ابنى الرضيع رافض الرضاعة و  مهما جاع ما بيعيطش - mamy1st - مامى لأول مرة

و من امبارح الصبح ابنى مش راضى يآخد الرضعة خالص

نسيت أقولكم ان وزنه لما اتولد كان 3800 و دلوقتى بقى 8 كيلو ... و ما بقاش بيعيط من الجوع خالص و ما بيشربش غير ماية معدنية ، حتى الأعشاب بقى رافضها

مش عارفة أعمل ايه ؟؟ و على فكرة هو ما عندوش و لا امساك و لا كحة و لا رشح و لا حرارة و لا امساك و لا بيشتكى من أى حاجة ... و لما لقيته رافض الرضاعة قلت ادوقه زبادى و مرة دوقته سيريلاك رجع الاتنين

الاجابة :

-->

حالة ابنك غريبة لأن الأطفال عادة بتعيط عشان عايزة ترضع ، و بعدين ابنك ما عندوش أى اعراض تبين ان عنده مرض او بيكروب يكون سبب فى  رفضه للطعام

طبعا المشكلة اللى الأم عملتها انها شبطته فى الماية ، عشان كدة بنقول من سن اربع شهور ندى عصاير عشان فى اطفال بتتعلق بالماية و بترفض أى حاجة تانية ... لكن بنقول للأم دى ما تقلقيش لأن وزن ابنك بالنسبة لسنة كويس جدا

ممكن يكون عند ابنك التهاب فى الحلق مش مسببله حرارة لكن عامل فطريات فى الحلق مخلياه يرفض الرضاعة ,,, عشان كدة لازم الدكتور يبص فى حلقه .... و لأنه ولد لازم نعمله تحليل بول لأن التهاب البول بيعمل وجه فى البطن و فقدان للشهية

African affiliation program تعملى تحليل دم و تشوفى فى صورة الدم فى التهاب فيروسى او بكتيرى

و لكم تحياتى

مامى لأول مرة

http://el7adsa-incident.blogspot.com/