الامهات بتسأل

س1 : دايما بلاحظ ان راس ابنى سخنه جدا مع ان باقى جسمه حرارته عديه ... و على فكرة انا عندي ترمومتر و باقيسله الحرارة و مش بيتطلع سخن ... انا مستغربة جدا ان حرارة جسمه بتبقي طبيعيه لكن دماغه من فوق عند فروة شعره كده بتبقي سخنه انا بقول ممكن عشان هو مش عنده شعر لان شعره خفيف جدا

اجابة : مدونة " مامى لأول مرة "

صدقى الترمومتر

س2 : معلش بليز كونت حابه اعرف هو المفروض و الطبيعى  ابنى يرضع كام راضعه في اليوم مع العلم ان عمره 5 شهور ووزنه 7 كيلو ونص

هو كده وزنه طبيعي ولا قليل
الاجابة :

-->
المفروض يرضع كل تلت ساعات ... و اول ما يبقى وزنه بعة كيلو نلغى رضعة و نديله بدل منها رضعة بطاطس مسلوقة و مضروبة فى الخلاط او كوسة مسلوقة و مضربة فى الخلاط
بعد طبعا ما تكونى عملتى اختبار الحساسية
و بالنسبة لوزن ابنك فهو مثالى و كويس جدا

س3 : ممكن سؤال انا لحظت زي انتفاخ صغير كده علي القضيب بتاع ابني 3 شهور قرب الرأس علي الجنب عايزة اعرف ده ممكن يكون اه؟

مدونة " مامى لأول مرة "

روحى للدكتور فورا

African affiliation program ¬¬¬¬¬¬¬¬¬¬¬¬¬¬¬¬¬¬clicksor

س4 : معلش كمان سؤال اية التطعيمات اللي ممكن ياخدها غير التطعيمات الاجبارية و اديهالوه فين؟

الاجابة :

التطعيمات الاضافية  تقدرى تخديها فى المصل و اللقاح أو عند الطبيب الخاص بطفلك

و التطعيمات هى :

- انفلونزا بكتيرية

- روتا

- التهاب رئوى

- جديرى مائى

- كبدى "أ"

- حمى شوكية

- بى سى جى

و لكم تحياتى

مامى لأول مرة