ابنى فى الشهر الرابع و زهق من الرضاعة

مساء الخير معلش كنت عايزه اسال سؤال : انا ابني عنده 4 شهور واسبوعين ووزنه 7 كيلو هو كده وزنه طبيعي ولا ضعيف ؟؟

وكنت عايزه اعرف ينفع اديله حاجه مع اللبن الصناعي لانه مش بيرضع طبيعي وهو زهق من اللبن ومبقاش عايزه كتير ... سؤال كمان ، كنت عايزه اسال ليه دماغه من عند مخه بتبقي سخنه ديما غير حرارة جسمه ارجو الرد واسفه للازعاج

اجابة من مدونة " مامى لأول مرة "

-->

ابنك الحمد لله وزنه كويس و ممكن تبدأى تدوقيه معلقة صغير بطاطس مسلوقة او كوسة مسلوقة و انصحك تقرى الموضوعات دى ح تفيدك جدا :

http://mamy1st.blogspot.com/2010/11/blog-post_11.html

- تغذية الرضع

- نصائح غذائية for my baby

- الخطأ الثانى فى اطعام الرضيع newborn baby

- الخطأ الثالث فى اطعام الرضيع newborn food

- الخطأ الرابعة فى تغذية الرضيع newborn babies'food

African affiliation program

و ح تلاقى فى الموضوعات دى كل إللى انتى عايزة تعرفيه عن الطريقة الصحيحة لتغذية الرضيع و ارجوكى ما تأكليش ابنك من اول الشهر السادس  لحد الشهر الثامن غير خضار مسلوق و فاكهة مسلوقة و مضروبة فى الخلاط زى ما ح تقرى فى الموضوعات و ممكن مع الشهر الثامن تديله بليلية مضروبة فى الخلاط و تصفيها عشان القشر بتاعه صعب على الرضيع هضمه و تحطى على البليلة لبن صناعى الخاص بابنك ... و بخصوص حرارته راسه ما تقدريش تعرفى ان كان ابنك سخن و لا لأ إلا باستخدام ترمومتر ، انصحك تشترى ترمومتر ديجيتال يكون عندك فى البيت اول ما تشكى ان ابنك حرارته عالية حطى الترمومتر فى بقه و لو مش راضى و بيزقه حطيه تحت باطه و زودى نص درجة على الحرارة إللى ح تطلع عشان تعرفى درجة حرارة ابنك الحقيقية . 

و لكم تحياتى

مامى لأول مرة
http://el7adsa-incident.blogspot.com/