فساد التطعيمات

فساد التطعيمات http://mamy1st.blogspot.com/

السلام عليكم
بصراحة الموقع هايل جدا واستفدت منه فى متابعة ابنى إللى عمره دلوقتى اربع شهور ونصف ... و مشكلتى دلوقتى ان ابنى لسة مش بيقعد مع انى بأديله فيتامين د والدكتور كتبلى على كالسيوم وهو ووزنه 7 ك ووزن الولادة 3.6 ك فهل كده طبيعى مع العلم ان رضاعته طبيعى

مشكلتى التانية هى بسبب التطعيمات ... انا طعمت ابنى تطعيم الاربع شهور وطبعا سخن ورجله ورمت جداااااااا و بقى فيها احمرار بشع مع انى عملتله كمادت  ، وأديته دواء لتخفيض الحرارة لكن للاسف اليوم السابع من التطعيم خرج من مكان الحقنة صديد لونه اصفر مخضر ودهنت بمرهم مضاد حيوى خرج كمية كبيرة .. وديت ابنى للدكتور كتبله على  مضاد حيوى بس برضه لسه فى اثر جامد فى رجله وفى جزء مكلكع جامد مخوفنى والدكتور قالى اكيد الممرضة او الحقن كان فيها ميكروب ...

ياترى ابنى محتاج يطعم تانى وياترى فى خطر من اللى حصل ده على رجله  ؟؟؟!! 

الاجابة :

-->

الإجابة :
الحمد لله ابنك طبيعى من ناحية الوزن .... لكن لازم تتأكدى ان المصل سليم ولا لأ ، و دى محتاجة اختبار من المصل و اللقاح ... روحى و اسأليهم .... لو المصل فاسد يبقى لازم ابنك يآخد التطعيم مرة أخرى ، و لازم تخلصى جسم ابنك من أثار المصل الفاسد - لو ثبت فساده -  قبل التطعيم الجديد.... و على فكرة ابنك وزنه كويس و ممكن تبدئى تدوقيه بطاطس مسلوقة و مضروبة فى الخلاط

و انتى مستعجلة جدا بخصوص جلوس ابنك الطفل بيجلس فى سن سبع شهور ، لكن من دلوقتى و لحد ما يوصل سبع شهور لازم تقعديه و تسنديه بالشلت لحد ما عموده الفقرى ما يقوى
و لكم تحياتى
مامى لأول مرة
http://el7adsa-incident.blogspot.com/

African affiliation program