اجعلوا اطفالكم أصدقاء لكم

اجعلوا اطفالكم أصدقاء لكم http://mamy1st.blogspot.com/

من أكثر ما يميز علاقاتى ببناتى " جى " و "هوهوز " اننى منذ سنة تقريبا بدأت أتعامل معهم على انهم صديقتين و لا اتحول إلى ام لهما إلا فى حالة وقوعهم فى الخطأ ... و طبعا عشان الصداقة مع بناتى تآخد وضعها الصحيح ، لازم أتعرف على شخصيتهم و افكارهم ... نسيت أقولكم ان بناتى عمرهم دلوقتى حلا سنتين و نص

و عشان الصداقة تكتمل ، بدأت أتأمل تصرفات "جى " و "هوهوز " و اكتشفت تغير كبير فى حياتهم ، غير ان بقالهم رأى ، و بيعرفوا يقولوا حاضر و كمان بيعرفوا يقولوا لأ

و بتأمل شخصيتهم التى بدأت تتكون ح تعرفوا بيخبوا إيه و بيكرهوا إيه .. و من هنا نقدر نوجههم بحب و بحنان و نسبلهم فرصة انهم يكونوا شخصية قوية  بأن أترك لهم مساحة للتصرف
على سبيل المثال :

--> على

على سبيل المثال :

-        لما نكون خارجين اسبهم يختاروا اللبس  إللى بيحبوه

-        لو اختاروا حاجة مش مناسبة أشرح لهم ليه هى مش مناسبة

-        و لو اختاروا ملابس مناسبة اصقف و أغنى و أهلل عشان أحسسهم ان اختيارهم عبقرى

-        لما اجى ألعب معاهم -  ولازم يكون فى وقت للعب عشان تتكون بينى و بينهم صداقة متينة تنعكس على علاقتنا اثناء مراهقتهم و تمتد معنا حتى أصل للشيخوخة – لما ألعب معاهم اسيبهم  يختاروا اللعبة إللى بيحبوهم ، إلا لو قررت ألعبهم النهاردة لعبة جديدة ، أسألهم تحبوا لعبة جديدة و لا اللعبة إللى اخترتوها ؟؟ و انفذ طلبهم

-        الأكل " يفضل انى أدى للطفل اختيارات للأكل – بشرط تكون صحية – يعنى أقوله تحب تآكل دلوقتى خيارية و لا طمطماية – تآكل موزة و لا تفاح – تشرب لبن و لا عصير – و قبل حتى طهى الطعام نسأله تحب النهاردة نطبخ بامية و لا ملوخية .... و بكدة ح تلاقوا الطفل بيآكل بسهولة و من غير المشاكل إللى كل الامهات بتعانى منها

ملاخظة هامة :

الصداقة بينى و بين أطفالى شئ هام لكن احذروا احذروا احذروا ان تحملوا الطفل مشاكل الأسرة ، فلا تقصوا عليه أى مشاكل بينك و بين الأب ، و لا تقحموهم فى المشاكل المادية .... ابعدوا الأطفال عن المشاكل هم ليسوا أهل لها ، هما أضعف من تحملها .... و مش ح تجنوا من الموضوع ده غير الخصول على طقل متأزم معقد يخاف من الدنيا و الحياة .... و احنا عايزين ولادنا يملوا الدنيا بهجة و فرح و سعادة و تكون شخصيتهم قوية عشان ينفعونا و ينفعوا نفسهم و بلدهم و دينهم

و لكم تحياتى

مامى لأول مرة

http://el7adsa-incident.blogspot.com/

African affiliation program