سؤال وصل لمدونة مامى لأول مرة
السؤال بيقول :
انا ابنى عمرة سنة و3 شهور ونفسى احاول الصيف دا اعوده على استخدام البوتى بس المشكلة انه مش فاهم حاجة طبعا وانه كمان ما بيشربش سوائل خالص الا الماء وبالعافية مرة او اتنين فى اليوم وكمية صغيرة جدا ودا طبعا بيعمله امساك وخاصة فى الصيف ومش عارفة اعمل معاه ايه علشان انظم عملية التبرز عنده وهل هو فى سن مناسب للبوتى عذرا على التطويل وارجو الرد
الاجابة :
الاجابة :
بالنسبة لموضوع الامساك أنصحك تشربى ابنك أعشاب شيح بابونيج فهى ملين طبيعى و جيد و بيقضى على الامساك فورا و من غير أى ضرر للطفل الصغير و يساعده على عملية التبرز بشكل طبيعى.
بخصوص موضوع البوتى الطريقة التقليدية بتقول انك بعد كل وجبة طعام تقعدي الطفل على البوتى و انتى ماسكة معاه قصة او بتلاعبيه باللعب او تحكيله قصة و انتى ماسكة دمية – ارنب ، عروسة ، دبة – و يفضل قاعد على البوتى لمدة 20 دقيقة .
 |
| للقضاء على الامساك و التدريب على البوتى http://mamy1st.blogspot.com/ |
الطريقة الأسرع فى التدريب على التواليت فى الحمام : لو كان عندك أبن أكبر أو كان طفلك بيدخل مع باباه التواليت ، ح يشوفه و هو بيتخدم التواليت ، و تبدأى تقعديه على التواليت و انتى تفهميه انه كدة كبيرة و بيقعد على التواليت زى الكبار لكن فى الحالة دى تستخدمى قاعدة التواليت الخاصة بالاطفال – و فى اطفال كتير بيحبوا قاعدة التواليت عشان بيحسوا ان زيهم زى الكبار ... و لما يشدوا السيفون بيبقى حافز لهما على التبرز بشكل مستمر لأنهم بيحبوا يلعبوا باليفون ، بس طبعا تفهميه اننا مش ح نشد اليفون إلا بعد التواليت او التبرز .
و اول ما ينجح طفلك فى عمل تواليت ان شا الله بعد اسبوع تصقفى و تهللى و تقوليله برافو شاطر و طول اليوم تكلمى باباه و اخواته عن انجازه النهاردة فى عمل التواليت و البى بى العجيب
معلش الموضوع عايز صبر ، و افتكرى ان ربنا ح يجزايكى خير عن تعبك مع ابنك
لحل مشكلة السوائل انصحك انك تعملى العصير او الاعشاب و حتى اللبن و تشربى منها شوية ، و لو لقيتى ابنك بيحاول يشرب معاكي .. شوقيه شوية ، ما تشربيهوش على طول عشان يتشبس بالشرب ,,, و بعدين شربيه و اشربى و انتى بتقولى الله جميل ، حلو اوى ... ما تفتكريش ان ابنك عشان ما بيتكلمش انه مش فاهمك ، لأ ، هو فاهم كل حاحة بس لسة ما بيتكلمش ... و خلى تعبيرات وشك تتكلم أكتر من لسانك
و لتنظيم عملية التبرز عليكى بتثبيت ساعات النوم و الإستيقاظ و مواعيد الأكل ... و تدريجيا ح تلاقى عملية التبرز لها مواعيد ثابتة
و للقضاء على الامساك تماما ، اكلى ابنك بطاطا ، تفاح ، عصير برتقال ، طماطم
.. بخصوص السن المناسب لتدريب الطفل على استخدام البوتى أو التواليت بتختلف من طفل للتانى ، لكن يفصل ان نبدأها فى الصيف لأن الأطفال بتكره البرد و الصقعة و ح تكره خلع ملابسها و تقعد على البوتى فى الشتا ... فيفضل فى الصيف و يفضل ان نبدأ من عمر سنتين ، و عملية التدريب بتحتاج ست شهور ، فى أطفال بتنجح فى وقت أقل و فى أطفال بتآخد وقت أطول .. ده يتوقف على قوة و ضعف عضلة الطفل
.. بخصوص السن المناسب لتدريب الطفل على استخدام البوتى أو التواليت بتختلف من طفل للتانى ، لكن يفصل ان نبدأها فى الصيف لأن الأطفال بتكره البرد و الصقعة و ح تكره خلع ملابسها و تقعد على البوتى فى الشتا ... فيفضل فى الصيف و يفضل ان نبدأ من عمر سنتين ، و عملية التدريب بتحتاج ست شهور ، فى أطفال بتنجح فى وقت أقل و فى أطفال بتآخد وقت أطول .. ده يتوقف على قوة و ضعف عضلة الطفل
و لك تحياتى
