أكل يقلل وزن الرضيع - ممكن ؟؟

أكل يقلل وزن الرضيع - ممكن ؟؟ http://mamy1st.blogspot.com/

شكرا للنصائح بس انا بنتي وزنها زيادة جدا ... تتصوروا ان بنتى وزنها 14 كيلو و هى لسة عندها حداشر شهر ... و  الاكل إللى بتقولوا عليه ممكن يزود وزنها  انا مش عاوزاها تتخن اكتر من كده وعلشان متعنيش بعد كده

و انتا بتقلوا :

بنتك أول ما تصحى أكليها رز الأطفال فى اللبن الصناعى الخاص بالرضع، و بعد أربع ساعات أديها قطعة جبنة نستو ، و بعد أربع ساعات أديها أى خضار مضروب فى الخلاط مع قطعة لحمة او قطعة فرخة مضروبة فى الخلاط برضه و بعد كل واجبة شربيها شوية ماية او اديها أعشاب ، و بعد ساعتين رضعيها ، و بعد أربع ساعات يجى معاد العشا اديها موز مهروس فى الزبادى أو سيريلاك فيه صفار بيضة ، و رضعيها و نيميها

و انا خايفة ان ألأكل ده يزود وزن بنتى ... انصحونى أعمل إيه ؟؟؟

الإجابة :

-->

الإجابة :

بدلى رز الأطفال بالبليلة المضروبة فى الخلاط ، و بدل السيريلاك اديها صفار البيضة بس .... ملحوظة : بنتك لو دى طبيعة جسمها و العامل الوراثى مأثرعليها و هو السبب الحقيقى فى السمنة إللى عندها ف قلة الأكل ح يضعفها ، لكن لو بنتك بتعانى من السمنة بسبب انك أكلتيها نشويات كتير و ان مواعيد ضراعتها كانت غير منتظمة و كنتى بترضعيها بشكل مستمر فى الحالة دى يبقى سهل جدا نرجع وزن بنتم لوزنها الأساسى ... لأن الطفل من عمر سنة و حتى خمس سنوات بيحتاج النشويات عشان تساعده على اللعب و الزحف و الجرى و الحركة و تساعده على نموه بشكل صحى و سليم

و عشان تتأكلى ان وزن بنتك الزائد مش مرضى او مش بسبب الغدد انصحك تعرضى بنتك على دكتور غدد  ... دكتور الغدد ح يقدر يحددلك المشكلة فين بالظبط ,,, بس اوعى تقللى اكل بنتك او تمنعيها عن النشويات عشان ما يحصلهاش ضعف عام
و لك تحياتى
مامى لأول مرة
http://el7adsa-incident.blogspot.com/ 

African affiliation program