الخميس، 4 أكتوبر 2012

لتحديد مواعيد طعام الطفل

لتحديد مواعيد طعام الطفل  http://mamy1st.blogspot.com/

سؤال ورد لمدونة مامى لأول مرة :
السؤال بيقول :
ازاي ممكن احدد مواعيد الاكل علشان بنتى إللى عمرها 11 شهر بتنام الساعه 5 الفجر وبتصحي في حدود الساعه 2 ظهرا
- وفي مشكله تانيه : انها اثناء النوم بتصحي ترضع وتنام تاني  .... اعمل ايه ؟؟

الإجابة :

-->
الإجابة :
الرضيع ما بيعرفش الفرق بين الليل و النهار ، و احنا إللى ممكن نظبط له الحكاية دى بالتدريج عن طريق :
 ان البيت كله ينام بدرى ؛ لأن الرضيع حساس أوى لأى صوت و طول ما هو حاسس ان البيت صاحى بيفضل صاحى و خصوصا لو الأم هى إللى صاحية .... عشان كدة حاولى تنامى بدرى و تخدى بنتك جمبك و طبعا تكون راضعة قبل ما تنام .

بالنسبة لبنتك عشان هى كبيرة نسبيا يعنى مش لسة مولودة انصحك تأكليها أكلة مشبعة جدا فى معاد العشا مثلا تكون زبادى مهروس فيها موز – و لما تدخليها السرير ابدئى فى ارضاعها حتى تسترخى و تنام ، بالشكل ده ح تنام شبعانة و مش عطشانة ف نومها ح يكون أهدى و أطول
ملاحظة : عشان بنتك تنام كويس بالليل اوعى تخليها تنام من بعد أدان العصر و لحد العشا ، كل ما تنام صحيحها ، لاعبيها ، شغللها كرتون ، غنيلها ، اعملى أى حاجة لكن اوعى تسبيها تنام فى الفترة دى عشان تام كويس بالليل

عن تظبيط مواعيد الأكل :
بنتك أول ما تصحى أكليها رز الأطفال فى اللبن الصناعى الخاص بالرضع، و بعد أربع ساعات أديها قطعة جبنة نستو ، و بعد أربع ساعات أديها أى خضار مضروب فى الخلاط مع قطعة لحمة او قطعة فرخة مضروبة فى الخلاط برضه ، و بعد ساعتين رضعيها ، و بعد أربع ساعات يجى معاد العشا اديها موز مهروس فى الزبادى أو سيريلاك فيه صفار بيضة ، و رضعيها و نيميها

و  بعد كل واجبة شربيها شوية ماية او اديها أعشاب عشان ما تحسش بالعطش و تطالبك بالرضاعة
و ما تنسيش تخرجيها و تحاولى تمشيها و انتى مسنداها طبعا و تقعديها فى الشمس عشان الكالسيوم فى جسمها يزيد و عضمها يقوى
و لك تحياتى
مامى لأول مرة
http://el7adsa-incident.blogspot.com/

African affiliation program