أنا بنتى ولداها بقالى 40 يوم دلوقتى ، جاتلها الصفرا بعد اليوم الخامس من الولادة و لغاية دلوقتى الصفرا موجودة معاها رغم ان عمرها 40 يوم ، عملتها تحليل بعد عشرين يوم ، لاقيت الصفرا نسبتها 15 ... و عشان كدة دخلتها الحضانة لما لاقيت نسبة الصفرا عاليا ، و بعد ما خرجت من الحضانة قعدت 24 ساعة كويسة و زى الفل و نسبة الصفرا نزلت لعشرة ، و بعد 24 ساعة رجعلت لها الصفرا تانى – صحيح انا ما عملتش تحليل الصفرا تانى ، بس باين على وش بنتى و عينيها ... مع العلم ان بنتى كانت فى الحضانة بترضع لبن صناعى و لما خرجت كانت بترضع طبيعى
الاجابة :
الاجابة :
لازم نعرف ان الصفرا الفسيولوجية بتظهر على الرضيع من اليوم التانى و حتى اليوم الخامس و تزيد من اليوم الخامس أو السادس ثم تبدأ فى النزول بعد ان يرضع الطفل و يشرب أعشاب كثيرة و يفضل ان يرضع الطفل بدل من تناول الأعشاب عشان يتغذى و ينمو ؛ ف الأعشاب لا تنمى الرضيع .. و دى الصفرا العادية و كل رضيع يمر منها بسلامة
لازم نعرف ان الصفرا الفسيولوجية بتظهر على الرضيع من اليوم التانى و حتى اليوم الخامس و تزيد من اليوم الخامس أو السادس ثم تبدأ فى النزول بعد ان يرضع الطفل و يشرب أعشاب كثيرة و يفضل ان يرضع الطفل بدل من تناول الأعشاب عشان يتغذى و ينمو ؛ ف الأعشاب لا تنمى الرضيع .. و دى الصفرا العادية و كل رضيع يمر منها بسلامة
المشكلة فى الصفرا إللى بتيجى من يوم الخامس ، فغالبا بتكون سببها لبن الأم ... فى هناك بعض انواع من لبن الأم يتسبب فى تكثير الكرات الدم الحمراء فى دم الرضيع .. و هذه الحالة تظهر فى الأسبوع التانى من ولادة الطفل الرضيع و تزاد فيه الصفرا و تعلو نسبتها بشكل تدريجى
 |
| الاصابة بالصفرا فى اليوم الخامس http://mamy1st.blogspot.com/ |
و علاج هذه الطفلة الرضيعة لا يحتاج إلى حضانة ، لكن يجب ان تمتنع الأم عن ارضاع بنتها رضاعة طبيعية لمدة 48 ساعة ، يعنى الرضيعة لا تأخذ لبن الأم لمدة يومين – و الرضيع يآخد لبن صناعى .. تكون الأم فى تلك الأوقات بتشفط اللبن من ثديها عشان ترضع الطفل منه لما الصفرا تنزل ... ترضع الصغيرة اللبن الذى تم شفطه من الأم .. سنلاحظ أن الصفرا تعلو بنسبة درجة او 2 .. و تستمر الأم على هذا النظام إلى أن تتخلص الرضيعة من الصفرا تمام و تلاحظوا ان نسبتها لم تعد تعلوا
و عشان الأم ما تقلقيش لازم تعرف ان الصفرا العادية أى الفسيولوجية او حتى الصفرا بسبب لبن الأم بتروح من الرضيع فى الأسبوع الثامن و حتى 12 أسبوع أى من عمر شهرين إلى ثلاثة من سن الرضيع .. و أول حاجة تروح من الجلد ثم تذهب من العيون عند شهرين و حتى ثلاثة أشهر بالكتير ... كل المطلوب منك ايتها الأم يا إللى عندك مشكلة فى اللبن و بيتسبب فى تكثير كرات الدم الحمرا فى دم الرضيع تفضلى تقيسى الصفرا عند طفلتك ... يعنى لو كنتى خرجتى من الحضانة و الصفرا عن ابنتك 10 ، قيسها عشان تعرفى هى زاد لأى مقدار، لو وصلت 12 ما تقلقيش .. لكن لو وصلت 17 وقفى الرضاعة فورا و ادى طفلتك لبن صناعى لمدة يومين ، ثم قيسى الصفرا تانى – ح تلاقيها نزلت ارجعى اديها لبن طبيعى تانى و استمرى على هذه الطريقة حتى تتم ابنتك شهرها الثالث ... ابنتك طفلة طبيعية المشكلة فى لبن الأم ، لا تقلقي لكن تابعى نسبة الصفرا بجدية و قيسى الصفرا مرة كل اسبوع ، لو النسبة زادت ادى بنتك لبن صناعى و لما تنزل عودى للبن الطبيعى مرة اخرى ..
و لكم تحياتى
مامى لأول مرة
