سؤال للدكتور مدحت الزيات :
ابنى عنده اربع شهور و بيرضع صناعى من اول ما اتولد ، و كان منتظم فى الرضاعة ، يعنى كل تلت ساعات يعيط عشان عايز الرضعة ... دلوقتى ابنى بقاله عشرين يوم مش راضى يآخد الببرونا ؛ فبقيت أديله الرضعة بالسرينجا لدرجة انه بقى بيأخد رضعة او اتنين فى اليوم بس ... و روحت بيه لأكتر من دكتور ، دكتور قال ان ابنى عنده برد فى المعدة و كتبله علاج "كيلاجين " و مشيت عليه عشر تيام و ما جابش نتيجة .. و دكتور تانى قال ان ابنى عنده أنيميا ، عملت تحليل أنيميا طلعت نسبة الهيموجلوبين عشرة ... مش عارفة اعمل ايه و ابنى من امبارح الصبح مش راضى يآخد الرضعة نهائى ، و رافض كمان كل أنواع الأعشاب ... الحاجة الوحيدة إللى بيأخدها ماية معدنية فى الببرونا ، مع العلم ابنى اتولد و وزنه 3800 و دلوقتى بقى 8 كيلو
 |
| رافض الرضعة و عايش على الماية http://mamy1st.blogspot.com/ |
ملاحظة : ابنى ما عندوش امساك و لا حكة و لا رشح و لا بيعانى من أى حاجة .. و لما حاولت أدخله أى أكل زى القمح أو الزبادى كان بيرجع أى أكل أحاول أدوقهوله
و فى الفترة الأخيرة بقى بيآخد رضعة واحدة فى اليوم ، بقاله خكس تيام بيآخد رضعة واحدة ، و من امبارح الصبح مش راضى يآخدها
الإجابة :
الإجابة : بما ان الطفل لا يعانى من أى حالات برد او امساك ، يبقى ده طفل فاقد للشهية ، مش عايز يآكل .. و الدليل على انه بيعانى من فقد للشهية أن الطفل مش شاعر بأى ألم
يعنى مثلا لو هذا الطفل كان يعانى من إلتهاب فى الأن الوسطى ، كان تألم ليل و نهار و بكى و صرخ و كان برضه رفض الرضاعة ... لكن ده طفل لا يعانى من شئ غير انه مش عايز يآكل .. و الغلطة إللى وقت فيها الأم انها علمت ابنها شرب الماية قبل الأكل .. فشبت فى الماية و بقى كل ما يعطيش يشرب ماية ، مع ان الرضيع الطبيعى عندما يعطش يشرب لبن الأم و يبحث عن الرضاعة .. عشان كدة ننصح كل الأم ما تديش ابنها ماية قبل ما يتعلم الأكل .. و نعود الرضيع على العصير قبل الماية عشان تغذيه
لكن بالنسبة لحالة الطفل إللى بيفضل الماية و رافض الرضاعة تاما لابد ان نكشف على زوره ، هل فيه قرح ، التهاب الحلق او القرح فى الزور بتسبب ألم للرضيع وقت الرضاعة ، عشان كدة بيرفض الرضاعة عشان يبعد عن الألم ... و غالبا القرح و التهاب الحلق بيكو معاه حرارة .. فلازم نتأكد ان ما عندوش برد و لا حرارة
ثانيا : لازم نعمل للطفل تحليل بول ، علشان نعرف لو بيعانى التهاب فى منطقة البول تسبب ألم بالبطن و فقدان شهية
ثالثا : نعمل تحليل براز .. و هذا التحليل يكون فى نهاية المطاف و آخر حاجة لأن الطفل ما بيآكلش فمن المؤكد لا يتبرز بشكل مستمر ، لكن ان كان طبيعيا نعمل تحليل براز
رابعا : نعمل تحليل دم و نكشف فى التحليل عن التهاب فيروسى او بكتيرى ، مش مشكلة نسبة الهيموجلوبين فى الدم فى حالتنا دى ، عشان احنا بندور على سبب الميكروب إللى قافل شهية الطفل الرضيع اللى السؤال بيدور عن حالته
و لكم تحياتى
مامى لأول مرة
