لنمو الرضيع

المتابعون

تحذير

حقوق الملكية الفكرية محفوظة لمدونة مامى لأول مرة و محذور على اى جهة أو موقع استخدام المادة المكتوبة أو النقل منها دون اذن كتابى

الرسائل و التعليقات ُتقبل من أعضاء المدونة فقط

Translate

share

Share/Save/Bookmark

الثلاثاء، 23 نوفمبر، 2010

خطورة اللبن البقرى على الرضع

video
سؤال متكرر بشكل دائما و مش عارفة السبب الحقيقى وراه . . خصوصا و ان الرضع تنحصر حالتهم فى طريقين لا تالت لهم . . نقول السؤال و بعدين نسعجب عشان تشتركوا معانا فى الإندهاش
السؤال هو : أقدر ادى ابنى لبن بقرى ؟؟
بصراحة انا مش فاهمة سبب السؤال و الإلحاح فى تكراره خصوصا و ان الرضع ما عندهمش غير حالة من اتنين . . الأول : ان الأم لديها لبن كاف للرضاعة و ابنها بيشبع منها ، او لبن الأم غير كاف و هى مضطرة لإدخال اللبن الصناعى .. ماحدش جاب سيرة اللبن البقرى بقى .
الأغرب ان بعض الأمهات تسأل نفس السؤال كن بطريقة أكثر حنكة ، تدل على ثقافتها و علمها بواطن الأموز ، فتسأل و تقول بحماس : "متى اعطى ابنى لبن الابقار او الجاموس وما هى اضراره لو ابنى خده قبل الوقت المحدد .؟؟ أصل انا سمعت ان اللبن يعطى بعد سنة ، فلو اعطيته اللبن قبل عمر سنة توجد مشاكل ؟ فما هى هذه المشاكل ؟؟
يعنى حضرتك عارفة ان فى مشاكل ، يبقى ليه بس مصرة على اللماضة و التحدى و ادخال اللبن !! على العموم جارى البحث عن السؤال و السائلة ، و ان كان عن الإجابة فقد تم القبض عليها و الحمد لله .. و سيتم اطلاعكم عليها فورا


الإجابة التى أجمع عليها معظم أطباء الأطفال :يفضل اعطاء لبن الأبقار بعد اتمام الرضيع عمر سنة ، و لكن اللبن الجاموسى مش دلوقتى لأنه تقيل على معدة الرضيع ، لكن لو عايزة تدى لبن الأبقار قبل سنة لازم تتبعى الخطوات دى : ــ تعطى رضيعك زبادى من بعد عمر سبع شهور و لو ما ظهرش أى أعراض للحساسية ــ تستنى شهرين و تعطى رضيعك جبنة نستو و لو ما ظهرش أى أعراض للحساسية ــ تستنى شهر مع الإستمرار فى الجبن و الزبادى ، و تدخلى لبن الأبقار المخفف بالماء .
و ذلك لأن الرضيع عندما يشرب اللبن قبل ان يتم عامه الأول فيكون جسمه لم يكون انزيم اللكتييز علشان يكسر اللكتوز اللي في اللبن و بلتالي بينزل الكلسيوم و المغنسيوم اللى فى جسم البيبى و يتخلص منهم في البول!!!!!!!!! و هذا يحول دون امتصاص الكلسيوم من اللبن مما يسبب هشاشه لعظام الرضيع و بعدها يسب سمنه مفرطة

ف المشكلة إللى بتحصل لما بتدخلى اللبن البقرى بدرى ان بعض الأنزيمات إللى بتخلق فى المعدة و مسؤلة عن هضم اللبن بتكون غير كاملة النمو ، و الموضوع ده بيأثر على قوة بنيان أبنك وبتسببله هشاشة العظام ، و عشان كدة بنآخد احتياطنا و بنأجل دخول اللبن لحد عمر سنة . .
لكن لو مطرة ممكن تخففيه بالماية ــ اللبن البقرى ــ الجاموسى ممنوع خالص على الرضيع

و لكم تحياتى
مامى لأول مرة
http://la3ya3nyno.blogspot.com/

هناك 5 تعليقات:

  1. السلام عليكم.كنت عايزه اقول ان احنا بندخل اللبن البقرى او الجاموسى قبل سنه ليه؟لان فى امهات مش بترضع وفى امهات لبنها قليل وميشبعش واللبن الصناعى غالى جدا مفيش قدمنا حل غير اللبن الجاموسى او البقرى .انا عندى ولد وبنت توأم وعندهم 8 شهور وبفكر اديهم لبن عادى لان الصناعى خرب بيتى لانه غالى وبما انك قلتى ممكن اللبن نخففه بميه هل كده هيكون فى نفس الضرر وعايزه اعرف نسب الميه واللبن يعنى احط اد ايه ميه واد ايه لبن .ارجو الرد

    ردحذف
  2. عديم الفائدة؛ لأن كمية الماغنسيوم الموجودة بالحليب غير كافية غير لامتصاص حوالي 11% فقط من الكالسيوم. ومن المعروف علميا أن وجود الماغنسيوم ضروري لامتصاص واستعمال الكالسيوم بشرط أن يكونا متساويين في المقدار.
    يفضل الإمتناع عن اللبن الجاموسى على الأقل لحد ما يتم الطفل عمره تلت سنين عشان يكون جهازه الهضمى قادر على هضمه .. اما اللبن البقرى فهو لا يستخدم للطفل قبل ان يتم اول سنة من عمره .. أما عن الحليب البقرى فلازم نعرف ان لبن الأبقار يحتوي على كمية من الكالسيوم أكثر ثلاث مرات من الحليب البشري، لكن الكالسيوم الموجود في الحليب قد يكون عديم الفائدة؛ لأن كمية الماغنسيوم الموجودة بالحليب غير كافية غير لامتصاص حوالي 11% فقط من الكالسيوم. ومن المعروف علميا أن وجود الماغنسيوم ضروري لامتصاص واستعمال الكالسيوم بشرط أن يكونا متساويين في المقدار.


    لكن لو فى ظرف قهرية زى ما بتقولى ، يعنى لو الام ما عندهاش لبن و مش قادرة على تمن اللبن الصناعى و مضطرة تستخدم اللبن البقرى مخفف بالماء يبقى فى الحالة دى

    ممكن تعطى اللبن البقرى بدل الصناعى و لو الطفل اقل من 6 شهور يبقى التلت لبن والتلتين ميه ولو اكثر من 6 شهور يبقى نصف لبن ونصف ميه وبعد سنه يشرب الطفل اللبن بدون تخفيف .. . وبالنسبة للرضاعة الطبيعية يفضل ان تكون ليلا

    ردحذف
  3. اناحامل بالشهر التاني وطفلتي عندها 6 شهور وكانت معتمدة علي الرضاعة الطبيعية مع بعض الزبادي واللبن دلوقتي قل جدا وهي مش قابلة اللبن الصناعي خالص (جربت ايتاميل 2)فمازا افعل لاضمن لها تغزية سليمة وارجو الافادة سريعا وشكرا

    ردحذف
  4. انصحك بمتابعة دورية عن الطبيب لأن الحمل بيأثر على كمية اللبن و كمان عملية الرضاعة بتأثر على ثبات الحمل ... و بما انك بتقولى ان لبنك أقل فانتى محتاجة تزورى الطبيب حماية لحملك .
    ف لو الحمل كان غير مستقر لازم تمتنع حالا عن الرضاعة

    وبالنسبة لحالتك انتى لأنك فى الشهر التانى ، فانتى فى اهم تلت شهور من تثبيت الحمل ، فأنصحك انك تدى وجبة لبنتك – تدربيها على الأكل الأول – بانك تديها بطاطس مسلوقة و مضروبة فى الخلاط ، و بعدها شربة خضار ، و تدربيها على الحليب الصناعى و و تدربيها على طعم السيريلاك فيه او ارز الاطفال ، و هى تدريجيا ح تتعود على طعم اللبن الصناعى

    الاكل كله بالتدريج ، اوعى تأكلى بنتك مرة واحدة .. و راجعى الموضوع ده
    http://mamy1st.blogspot.com/2010/11/blog-post_11.html

    و انصحك تعرضى بنتك على طبيب عشان يكتب لبنتك على الفيتامينات اللازمة لها ، سواء كانت فيتامين دال المهم العضم و الأسنان . و يكتبلك على لبن صماعى غتى بالحديد

    و انصحك كمان بقراية الموضوع ده
    http://mamy1st.blogspot.com/2010/12/blog-post_06.html

    و الموضوع ده كمان
    http://mamy1st.blogspot.com/2011/06/blog-post_17.html

    وانصحك تتجنبى الأخطاء الشائعة فى تغذية الرضيع و دى ح تلاقيها هنا
    http://mamy1st.blogspot.com/2011/04/blog-post.html

    ردحذف
  5. الموضوع اللى قلتلك تقريه و يخص زيادة اللبن ده ما يخصش الأم الحامل ، لأن فى أكل و أعشاب بيزود اللبن لكن بيأثر على الحمل ، زى الحلبة
    لكن كتبتلك الموضوع عشان ما تسمعيش نصيحة أى حد يقولك زودى لبنك

    ردحذف

please live a comment or a message
ارجو ان تترك تعليق او تجربة شخصية

ملحوظة: يمكن لأعضاء المدونة فقط إرسال تعليق.

moving sky