لازم تكونى ام روحها رياضية

فى أغلب الأحيان ما يتسبب انجاب الطفل الول فى مشاكل بين الزوجين و خاصة ان كان هذا الطفل جاء بعد سنوات طول من الزواج او ان الزواج زواج حب و اعتاد الزوج على وجود زوجته الى جواره دائما و بعد الانجاب يجدها اختفت فجأة و اصبحا وحيدا فى بيت يملأه الصراخ و بكاء الطفل

لازم تكونى ام روحها رياضية - مامى لأول مرة - mamy1st

و الكتير من الرجال من الغير قادرين على تحمل المسؤلية يقرر الانفصال عن زوجته بعد شهور قليلة من الانجاب بسبب انشغاله باخرى .. و لذلك جهزنا لكم القائمة التى يجب ان تعرضوها كل أم على زوجها ليعرف انها اختفت عن نفسها ايضا و ليس عليه هو تحديدا

هذه قواعد الأمومه الأربعين التى تظهر ما اول ساعة من الولادة :
1. انسى النوم
2. اتعلمى تاكلى بسرعه
3. استحمى فى تلت دقائق
4. اتعلمى تقعدى12 ساعه او اكتر بدون دخول الحمام لقضاء حاجتك
5. اتأقلمى مع الارق والتوتر والصداع
6. متحلميش عشان محدش يصحيكى فى نص الحلم
7. اتعودى تصحى اول ما تسمعى زقزقه
8.  انسى التلفزيون و الخروج و الزيارات
9. اتصرفى فى الهالات السوده تحت عينك و شعرك اللى بقى على طول منكوش
10. اغسلى على قد ما تقدرى انتى وغسالتك
11. نشرى بسرعه و اكوى فى زمن قياسى او اتفقى مع المكوجى لو ضروفك المادية تسمح
12. تكيفى مع كل انواع السوايل و غير السوايل الى ممكن تشوفيها وتمسكيها
13. متضايقيش لو هدومك اتبلت او اتبهدلت
14. الترجيع و القشط عاااااادى جدا
15. اتعلمى اغانى النوم
16. اوعى تنامى وانتى بتغنى اغانى النوم
17. انسى مساحتك الشخصيه و دى اهم نقطة لازم جوزك يفهمها – انك اختفيتى و ح ترجعى كمان شوية اول ما الرضيع يقدر يأكل نفسه و يمشى و يا ريت يساعدك و يختفى معاكى – ف ده اعظم درجات الحب
18. انسى اللاب والتاب والموبايل و تليفون البيت و الجلوس مع الصديقات
19. اتعلمى تنامى من غير ما تتقلبى
20. متحاوليش تقنعي الرضيع انه ينام فى سريره
21. اسمعى كلام البيبى عشان معندكيش حل تانى
22.  ما تزعليش من كتر الفتى حواليكى و اعرفى ان اى حد ح يشوفك ح يقولك : "انتى دايما بتعملى حاجه غلط  " - واى حد هيشوفك هيعدل عليكى
23. انتى دايما السبب فى كل حاجه غلط تحصل حتى البيبى والكيكي
24. الحقي خديلك نص ساعه نوم قبل البيبى ما يصحى
25. ايه ده انتى ملبساه تقيل اوى
26. ايه ده انتى ملبساه خفيف اوى
27. شيليه كويس
28. متخليهوش يعيط
29. انسى النوم
30. متحاوليش تستمتعى باى حاجه
31. غيرى الحفاضه
32. غيرى الحفاضه
33. حطى فوطه فى شنطتك
34. حطى مناديل كتيييييييييير فى شنطتك
35. حطى حفاضات فى شنطتك
36. متعترضيش على تفعيص الناس فى النونو
37. متعترضيش لو حد هيبوسه من اى مكان
38. اقبلى الفتى بصدر رحب
39. انسى النوم
40. استمتعى بالامومه – هاهاهاها – خدى الحياة ببساطة

و مع تحياتى

مامى لأول مرة