اولا بنقول للأم اللى لسة والدة ألف مبروك سواء كانت والدة ولادة طبيعية أو قيصرية ... و بنقول للأم اللى والدة قيصرى ما تزعليش عشان إتأخرتى فى ارضاع ابنك ، لانك بتقعدى لمدة 24 ساعة بتآخدى تحاليل فى الوريد و لمدة 12 ساعة ما بتشربيش و ما بتكليش .. و تفضلى على الشكل ده لحد ما الدكتور يطمن ان الأمعاء بدأت تتحرك بشكل طبيعى ... هنا يسمحوا للأم الوالدة ولادة قيصرية بالأكل ... و طبعا تكون أكلات خالية من أى مبهرات او ثوم لأن الأمعاء بتكون فى اضعف حالتها و اى انتفاخ قد يسبب الألم شديدة لا تقوى الأم على تحملها خصوصا فى وجود جراحة الولادة القيصرية ....
و طبعا كل الاجراءات السابقة بتكون سبب فى تأخر عملية ادرار اللبن فى الثدى ... لكن التى ولدت ولادة طبيعية تشرب و تآكل بشكل طبيعى بعد ساعتين من الولادة .. و ده بيساعدها على وجود اللبن فى ثديها بشكل أسرع من الأم الوالدة ولادة قيصرية
اول ما تفوقى و تقدرى تقعدى حطى ابنك على ثديك و اجعليه يمتصه ، عشان ينشط المجارى اللبنية لديك و بكدة يحصل الرضيع على لبن السرسوب الذى يقوى جهاز المناعة لديه
اهمية لبن السرسوب للطفل الرضيع:
- يبطن جدار معدة الرضيع بطبقة عازلة
- يقوى جهاز المناعة عند الرضيع
- يزيد من ادرار اللبن فى ثدى الأم
- يزيد من رغبة الطفل على الرضاعة
و بكدة تكون الأم خطت اولى خطواتها فى عالم الأمومة ... و تبدأ نظم جدول الرضاعة بان ترضع صفيرها كل ساعتين فى أول اسبوعين و بعدين كل تلت ساعات
و لكم تحياتى
مامى لأول مرة
http://el7adsa-incident.blogspot.com/
و بكدة تكون الأم خطت اولى خطواتها فى عالم الأمومة ... و تبدأ نظم جدول الرضاعة بان ترضع صفيرها كل ساعتين فى أول اسبوعين و بعدين كل تلت ساعات
و لكم تحياتى
مامى لأول مرة
http://el7adsa-incident.blogspot.com/
