احذروا مشاية الأطفال ... فهى تتسبب فى تأخير المشى :

احذروا مشاية الأطفال ... فهى تتسبب فى تأخير المشى :

عندى يوسف عمره حداشر شهر و عشر أيام ، طلع السنتين اللى تحت ... لكن السنتين اللى فوق لسة ما طلعومين ... رغم ان  السنيتن اللى فوق شكله وارم .... بس مش دى المشكلة  .... المشكلة الحقيقية ان ابنى لا بيزحف و لا بيتسند و لا بيعمل أى حاجة زى الاطفال إللى فى سنه ... الحاجة الوحيدة الصح اللى بيعملها انه بيقعد من غير ما يتسند بمخدات او شلت ، لكن عشان هو عصبى فبيرمى نفسه فجأة لورا ... ممكن يكون عشان انا حطاه طول النهار فى المشاية  تكون مأثرة عليه ؟؟؟

محتاجة حد يطمنى

الاجابة :

http://mamy1st-google-affiliate.blogspot.com/

الاجابة : 

ح نبدأ كلامنا من عند جلوس الطفل على الأرض ، طفلك عارف كيفية الجلوس على الأرض بس هو مش عايز يقعد ... لأن ابنك معجب بالمشاية عشان بيتحرك بيها فى كل حتة و فى كل مكان ؛ ده غير انه حاسس فيها بالآمان ... ف  طفلك ليس لديه الدافع من أجل ترك المشاية ، يعنى إيه إللى ح يخليه يتعب نفسه و يمشى و يتسند و يقف و يقع ... أكيد مافيش ... يبقى احنا لازم نعمله الدافع ده
http://mamy1st-children-songs.blogspot.com/
عشان كدة ننصحكم بعدم استخدام المشاية لأنها سبب رئيسىى فى  تأخر المشى عند الأطفال ... و المشاية دلوقتى أصبحت قادرة على اغراء الأطفال على عدم تركها ، و الأطفال فعلا ما بيسبوهاش عشان فيها لعب و ألوان و اجراس و نغمات ، و دى مشكلة تانية ... لازم نخرج الطفل من المشاية عشان يتحرك و عضلاته تقوى ... و عشان نعمل الحكاية دى ، نحط كمية من لعب الأطفال على الأرض امام الطفل و هو ح يحاول يمسكها فيتحمس و يتحرك فى اتجاها و يقف و يقعد و يقع و يقوم و ده ح يقوي عضلاته ... طبعا نكون حاطين على الأرض لحاف أو سجاد ناعم او شلت عشان لما الطفل يقع ما يتعورش

كما يجب ان نضع اللعب على الترابيزة ، عشان يكون عند الطفل الدافع ان يسند على الترابيزة و يقف و يشب إلى ان يمسك اللعب 
و لكم تحياتى
مامى لأول مرة
http://la3ya3nyno.blogspot.com/