انا حامل بالشهر التاني وطفلتي عندها 6 شهور وكانت معتمدة علي الرضاعة الطبيعية مع بعض الزبادي واللبن دلوقتي قل جدا وهي مش قابلة اللبن الصناعي خالص (جربت ايتاميل 2)فمازا افعل لاضمن لها تغزية سليمة وارجو الافادة سريعا وشكرا
الاجابة :
فى حالة حمل الأم المرضع لازم يبقى فى متابعة مستمرة مع الطبيب ، لأن الحمل بيأثر على كمية اللبن و كمان عملية الرضاعة بتأثر على ثبات الحمل ... فلو الأم لاحظ أى نقص فى كمية الحليب عندها .
لكن لو الحمل كان غير مستقر لازم تمتنع حالا عن الرضاعة
وبالنسبة لحالتك انتى لأنك فى الشهر التانى ، فانتى فى اهم تلت شهور من تثبيت الحمل ، فأنصحك انك تدى وجبة لبنتك – تدربيها على الأكل الأول – بانك تديها بطاطس مسلوقة و مضروبة فى الخلاط ، و بعدها شربة خضار ، و تدربيها على الحليب الصناعى و و تدربيها على طعم السيريلاك فيه او ارز الاطفال ، و هى تدريجيا ح تتعود على طعم اللبن الصناعى
الاكل كله بالتدريج ، اوعى تأكلى بنتك مرة واحدة .. و راجعى الموضوع ده
و انصحك تعرضى بنتك على طبيب عشان يكتب لبنتك على الفيتامينات اللازمة لها ، سواء كانت فيتامين دال المهم العضم و الأسنان . و يكتبلك على لبن صماعى غتى بالحديد
... و ان كانت الرضاعة الطبيعة بتقوى جهاز المناعة للرضيع ، عشان كدة بأطلب منك تسألى طبيبك عن درجة ثبات الحمل ، لو أكدلك ان الوضع كويس ، انصحك تدى وجبة رضاعة طبيعية لبنتك و تجليها بالليل عند النوم فقط ، لأن الرضاعة الطبيعية بالليل أكثر فائدة ... يبقى احنا أقللنا المخاطر على الجنين و فدنا الرضيع
و انصحك تقرى الموضوع ده
و الموضوع ده كمان
و لكم تحياتى
مامى لأول مرة
