الشكوى المتكررة من كل أم و كل اب وكل جدة و كل جد ، ابنى ما بيآكلش ، بنتى ما بتكلش ، حفيدى ما بيحبش الأكل ، حفيدتىبتكره الأكل
و المشكلة كالعادة مننا احنا مش من الطفل و هى اننا مش عارفين خصاص الأطفال فى السن ده
عشان كدة لازم نعرف أهم خصائص الطفل إللى عمره 26 شهر يعنى عمره أكبر من سنتين :
- اللعب أهم ما يشغل تفكيره
- يعشق الوجبات الخفيفة- يستهلك الطفل الكثير من الطاقة في اللعب والنمو ما يجعله يعجز عن البقاء فترة طويلة من دون طعام بين وجبتي الغداء والعشاء.
دورنا اننا نحول الوجبات الخفيفة دى لوجبات غذائية :
- ما نأكلش الطفل البطاطس المقلية ولا حلوى، لكن ممكن ندله تفاحة ، موزة أو بلح (تمراً) أو قطعة جبن
- فكل ذلك يمد الطفل بما يحتاج إليه من طاقة ما بين الوجبات.
تغذية الطفل فى عمر سنتين :
من المفيد أن يكون أكل الطفل به الكثير من الحبوب الكاملة والفاصوليا والفواكه والخضروات عشان يحصل على جميع العناصر الغذائية التي يتطلبها جسمه... و ارجوكم تتابعوا تغير في شكل جسم طفلكم خلال الأشهر القليلة المقبلة، فح تلاحظوا يصبح قوامه ممشوقاً أكثر بالتدريج كما تزداد أطرافه وجذعه طولاً، ويبدأ تناسق الأجزاء ليشبه أجسام البالغين.
خصائص طفل عمره فوق سنتين :
مشى الطفل :
ح يكون له خطوات إلى حد كبير زى الكبار ، عشانكدة ممكن تخرجوا تتجولوا و الطفل معاكم من غير أى داعى لحمله وشيله إلا فى حالة الإرهاق.. خطوات الطفل فى هذا العمر بتكون ثابتة أكثر وهو متمكن من تحريك قدمه بيسر وسلاسة زى الكبار ... مش بس كدة ، ده الطفل الأكبر من سنتين يقدر على القفز والوثب ورمي الكرة من فوق كتفه
نظافة طفل هذا العمر :
- الطفل فى هذا السن يقدر يدخل التواليت بس ما يقدرش يقعد لواحدة ، لكن يقدر يجيب البوتى أو الفصرية و يقعد عليها
- بعض الأمهات الشاطرين بيعلموا ولادهم يدخل البانيو و يمسك الدش السماعة و ينظف نفسه بعد استخدام القصرية ، صحيح هى بتعيد تنضيفه لكن هذا السلوك يعود الطفل على تنظيف نفس
- كلنا عارفين ان الطفل فى هذا السن ممنوع يستخدم معجون الإسنان لتنظيف أسنانه ، لكن يقدر تنظيف أسنانه بالفرشاة من دون مساعدة،
- و كمان يقدر يغسل وشه و إيديه و تجفيفهما ... لكن احنا كمان نساعده
الطفل الأكبر من سنتين و تركيب الجمل :
يتمكن الطفل فى هذا السن من استخدام 50 كلمة منفصلة على الأقل، وتركيب جمل بسيطة من كلمتين، وإتباع تعليمات من شقّين مثل "أرجوك هات هدومك وأديها لبابا "... ج نلاقى مشكلة فى فهم مفردات الطفل و مش ح يكون كلامه واضح بالنسبة لنا غير بعد سن الرابعة من العمر تقريباً.
- سيخلط الأطفال الصغار غالباً ما بين الضمائر و أقصد هنا ضمير المتكلم أو الغائب أو المخاطب – و هنا ح نلاحظ أن الطفل بيتجنب استخدام الضمائر تماماً
تغيير في ملامح و شكل جسم الطفل :
سيستمر طفلك في اكتساب الرشاقة والنحافة بعد بلوغه العام الثاني. وبما أن رأسه ينمو بشكل أبطأ وأضلاعه وصدره تبدأ باكتساب الطول، فإن تناسب أجزاء جسمه ستصبح أقرب إلى شكل الكبار.
الطاقة الفاجئة عند الأطفال :
أكتر حاجة ح تعانوا منها فى هذا السن هى الطاقة الكبيرة التى يحويها طفلك أوحتى طفلتك .. و لحل المشكلة دى إللى ممكن تجننكم لأن الطفل ح يطلع فوق كل حاجة و يقفز من هنا لهنا و يمسك كل حاجة و يفتجها وممكن يكسرها ... الحل انكم تخرجوا الطفل ، تخلوه يشترك فى أى نشاط رياضة يمتص طاقته ... و لو الموضوع ده مش متوفر يبقى نسيب الطفل يجرى برة البيت .
مهما ح تحاولوا أحباط الطفل و تخلوه يقعد هادى منظم مرتب ، مش ح يحصل لأن
الطفل بين العامين الثاني والثالث من عمر الطفل ، يحمل معظم الأطفال طاقة غنية وثرية. ...
فوائد حركة الطفل :
- تبني قوته وتزيد من الانسجام العضلي - العصبي لديه.
- تقوى شخصيته
- تساعده على بذل من الطاقة وبالتالى الحاجة إللى كمية أكل أكبر ،مما يتيح هضمه لكميةأكبرمن اللمواد الغذائية و الفيتامينات
يحتاج الطفل أكبرمن سنتين إلى نوم أقلّ :
ما بين سنّ العامين والثلاثة أعوام، يحتاج معظم الأطفال إلى 9 أو 13 ساعة من النوم خلال الليل. كما يحصل غالبية الأطفال على قيلولة نهارية في فترة مبكرة من بعد الظهيرة، غير أن البعض قد يمتنع عن هذه القيلولة نهائياً.
ليس هناك عدد معين صحيح لساعات النوم في هذا السنّ. ... عشان كدة ندعوكم انكم تسيبوا طفلكم ينام حسب حاجته كي يكون متيقظاً ومرتاحاً.
ولكم تحياتى
مامى لأول مرة
