الطفل الرضيع و الكالسيوم

انا عندى حمزه عنده 3 شهور ونص كنت عايزه اسال عن جرعه الكالسيوم اد ايه ؟ وببتاخد عند 4 شهور ؟ وازاى أخده ؟

و كمان إزاى اعرف ان ابنى محتاج كالسيوم ولا لا؟ هل ليه علاقه بالوزن هو الحمد لله وزنه كويس وممتاشى مع طوله هو حوالى 8.400 كلم وطوله حوالى 65 سم
وبالنسبه للشمس احنا بنقعد فى الشمس بع د 4 العصر بس عايزه اعرف المده اد ايه؟
شكرا جزيلا 

الإجابة : 

الاطفال الرضع ممكن تآخد الكالسيوم من عمر شهرين ، لكن بالنسبة للكمية  الدكتور هو إللى يحددها تبعا لحاجة الطفل الرضيع 

، و طبعا ممكن الجرعة تتآخد عند اربعة شهور عن طريق قطارة ، تروحى الصيدالية تقوليلهم عايزة قطارة للرضيع .. و على حسب كمية الكالسيوم إللى الدكتور ح يقولك عليها تشترى حجم القطارة ، تحطيها فى بق البىبى ، و تنقطى واحدة واحدة و انتى حطاة فى وضع الرضاعة ، و هو بعد يومين تلاتة ح يبدأ يشفط منها لواحدها زى ما بيعمل فى الرضاعة الطبيعية بالظبط 

سبحان الله 

...... 

فايدة الكالسيوم فى نمو الأسنان و قوة العظام و المشى بسرعة ... و الكالسيوم الدكتور بيقدر يعرفه من فحصه للطفل الرضيع ، لكن لو الحالة مش واضحة بنعمل تحليل اسمه ألكلين فوسفاتيز بيقولى ان كان الطفل عنده نقص كالسيوم و لا كويس


ـــــ

لأ الكالسيوم مالوش علاقة بالوزن ، ممكن طفل رفيع و عضمه قوى ، و طفل سمين و عضمه ضعيف ، الوزن مالوش علاقة بالكالسيوم و ناقصه .. كويس انك بتقعدى ابنك فى الشمس بعد العصر لو تقدرى تقعديه ما بين نص ساعة و ساعة يبقى كويس جدا ، لكن ما تقلليش عن 20 دقيقة فى اليوم خصوصا فى الإيام الدافية زى أيام الخريف و الربيع 

و لكم تحياتى

مامى لأول مرة 

http://la3ya3nyno.blogspot.com/