 |
| فن عقاب الأطفال – من غير اعراض جانبية http://mamy1st.blogspot.com/ |
طبيعى جدا ان الطفل يعمل تصرفات غلط ... مش لازم
نتعامل مع الطفل على انه مولوده معاه كتالوج الصح و الغلط ... و الغلطة الأكبر لما
نتعامل مع الطفل انه عارف و فاهم و بيعمل الغلط عشان ينرفزنا ... لأن كتير من
الأوقات الطفل بيكون عارف لكن ناسى ... بيون عارف لكن مش فاكر بتتعمل إزاى ...
بيكون مش عارف أساسا لأنه اتقاله على الموضوع الواحد الصح بتاعه بعدة طرق
و عشان كدة يجب
علينا إتباع بعض الأساليب المختلفة والمتنوعة والمتدرجة خاصةً لو أخطاء الأطفال
بتكرر .. و ده ليه ؟؟؟ عشان ما نقعش فى مشاكل أكبر و
تبقى أكثر تعقيدا و يبقى حلها صعب و ما نقدرش نتعامل معاها و نتحتاج لمتخصص زى
مشكلة تحول الطفل إلى العدوانية والعناد كردة فعلٍ على أسلوب العقاب الخاطئ
