عايزة تعرفى ان كنتى ام ناجحة و لا لأ ؟؟

 الام الناجحة الشاطرة هى : 
نجاحنا مش زي بعض لان شخصياتنا وشخصيات ولادنا و  ظروفنا مختلفين جداً. 
امثلة للأم الناجحة :
- ام بتضحك وسط ظروف ماديه صعبه
- أم راضية وسط معوقات لمصاريف معينه
- ام تساعد كل من حولها رغم  وجود طفل عنده مريض مثلاً
- أم عارفه تبقي ناجحه و مستمرة فى تربية و رعاية  أطفالها و تعمل اللي عليها بالإمكانيات المتاحة لها .

الأم السيئة : 

هى الأم التى لديها عشرات الإمكانيات و المساعدات و غارقانة في الاعتراض علي الحال و العيال و واقفة محلك سر في كل شئ

طبعا الأمهات دي غالبا بتدخل في موجة احباطات  و بتنسى دورها الحقيقي فى ادخال السعادة على نفوس افراد الاسرة

- احباط  الأم يكون حائل بينها و بين امكانياتها و قدراتها و  طاقات اولادها و مواهبهم .


نصائح 
نصائح عامة ضرورية :
- يا كل أم من فضلك اوعى تقعى في مطب الإحباط  وتضيعى ايام و سنين و عمر ممكن تعيشى فيهم أحسن و احلي  لحظات .

- يا كل ام بلاش نعترض علي حالنا و حال عيالنا
- يا كل ام ارجوكى تعرفى  و شوفى بوضوح امكانيات و امكانيات اطفالك و اسرتك و اعملها على قدها ... و طبعا حاولى تحسينها قدر المستطاع و على قد طاقتك
- يا كل ام اجعلى هدفك هو  اسعَاد نفسك و اسعاد أسرتك 

و لكم تحياتى
مامى لأول مرة

سبب نجاح عقاب الاطفال

كوارث يقع فيها الأهل عند عقاب الأطفال :

- تتعامل مع العقاب الطفل على انها مسألة كرامة و يجب ان تسترد كرامتها من صغيرها فتبدأ فى تعذيبه مقتنعة ان العقاب الفلانى لم يشفي غليلها

- الكثير من الأهل  يغفلون ان الهدف من العقاب هو تقويم السلوك وهذا يحتاج إلى صبر ومتابعة وحوار واستمرار في التوجيه و علاقة طيبة مع الصغير أما أن نصرخ في وجهه أو أن نضربه ضربا شديدا فهذا تعذيب وليس تأديبا
- الكارثة العظمة التى يرتكبها الأهل عندما يعاقبوا أبناءنا فإنهم لا يعاقبوهم بمستوى الخطأ الذي ارتكبوه وإنما يزيدوا علي العقوبة الغضب الذى تسببوا فيها لنا ،  وذلك بسبب كثرة الضغوط علينا فيكون أبناؤنا ضحية توترنا وعصبيتنا من الحياة ولهذا نحن نندم بعد عقابهم وعلى تعجلنا أو عدم ضبط أعصابنا 

سبب نجاح عقاب الاطفال - مامى لأول - مرة

مين ما تعبش و ما زهقش و ملش من كتر عقاب اطفاله ... مين فينا ما اعتقدش  ان العقاب لا يأتى بأى نتيجة

الغريب ان العقاب الصحيح يأتى بفوايد عظيمة ... لكن يا ترى من منا يقوم بالعقاب الصحيح ؟؟ عشان تعرف ان كنت تسير فى الاتجاه الصحيح ام لا لابد ان تتأكد من الآتى : 
- إذا كان الطفل جاهلا أم متعمدا عند ارتكاب الخطأ حتى يكون التأديب نافعا فلو كان جاهلا أو ارتكب خطأ غير متعمد ففي هذه الحالة لا داعي للتأديب والعقوبة وإنما يكفي أن ننبهه على خطئه 

- أما لو كرر الخطأ أو ارتكب خطأ متعمدا ففي هذه الحالة يمكننا أن نعاقبه بأساليب كثيرة منها :

سبب نجاح عقاب الاطفال - مامى لأول مرة - mamy1st

1. استخدام أسلوب اختيار العقوبة  

و هذا الأسلوب أن نطلب منه الجلوس وحده فيفكر في ثلاث عقوبات يقترحها علينا مثل
-الحرمان من المصروف
- أو عدم زيارة صديقه هذا الأسبوع
- أو أخذ اللعبة المفضلة لديه منه لمدة يوم 
ثم يختار واحدة منها لينفذها على نفسه
وفي حالة اختيار ثلاثة عقوبات لا تناسب الوالدين مثل) يذهب للنوم أو يصمت لمدة ساعة أو يرتب غرفته) ففي هذه الحالة نطلب منه اقتراح ثلاث عقوبات غيرها.

سبب نجاح هذا النوع من العقوبة :

• هذه الحالة تجعل المعركة بين الطفل والخطأ وليس بينه وبين الوالدين فنكون قد حافظنا علي رابطة المحبة الوالدية
• وبذلك نكون قد احترمنا شخصية ابننا وحافظنا على انسانيته فلم نحقره أو نهينه.

•  عندما تقول لابنك اذهب واجلس لوحدك وفكر بثلاث عقوبات لأختار أنا واحدة منها لأنفذها عليك، فإن هذا الموقف هو تأديب في حد ذاته لأن فيه حوارا نفسيا بين المخطئ وهو الطفل وذاته وهذا تصرف جيد لتقويم السلوك ومراجعة الخطأ الذي ارتكب وهو وقفة تأديبية.

- نظرة الاحترام للمخطئ باقية طالما أنه سار في برنامج التأديب.

و لكم تحياتى
مامى لأول مرة

ابنى عنده تلت سنين و ما بيكلش

السؤال ده وصل لمدونة " مامى لأول مرة "

السلام عليكم انا مشتركة جديدة ابني عنده 3سنين ونصف واكله ضعيف جدا مبيكولش الا مرتين في اليوم وبالعافية وليه فترة بيشكي من بطنه واديته مطهر معوي دلوني اعمل ايه

اجابة مدونة " مامى لأول مرة "

و عليكم السلام و رحمة الله ... ارجوكى راقبى براز ابنك لو كان غريب اعمليله تحاليك عشان تتأكدى انه ما بيشتكيش ن مشكلة فى الأمعاء او المعدة ... لو ما بيعانيش من أى حاجة من فضلك ما تركزيش مع موضوع الأكل ... غالبا انتى بتأكلى ابنك كتير فى الوجبتين ... من فضلك حطى الفطار و ابدئى كلى انتى و سيبى ابنك لما يجوع ح يأكل ... و كررى نفس الموضوع فى الغدا و العشاء ... ما تركزيش مع موضوع الاكل لكن تركيز الأم مع طفلها فى موضوع الأكل بشكل زائد يدفع الصغير الى العند ... الصغير لما يجوع ح يآكل

و من فضلك اعرفى الأكل اللى بيحبه ابنك – الاكل الصحى – و اعمليه و ما بينه حطى الأكل اللى انتى عايزاه يأكله

و لكم تحياتى

مامى لأول مرة

الإنيميا عند الأطفال

مامى لأول مرة: طفلتى بتعانى من الأانيميا و مش عارفة اعالجها:

ارجوكم ساعدونى بنتى عندها سنة وسبع شهور و وزنها 8 كليو ونصف وطولها 72 وعندها انيميا نسبتها 8 وانا مش عارفة اعالجها ولا ازود وزنها اعمل ...

سمنة الرضع

مامى لأول مرة: ابنى وزنه زيادة أأقدر أأكله ؟؟؟:

 سؤال وصل لمدونة مامى لأول مرة ابني عمره 3 أشهر ونصف ووزنه ماشاء الله سبعة كيلو ونصف واشعر انه يحتاج ياكل بجنب الرضاعة وكمان نشاطه كبير...

كل شئ عن طفل قبل عمر سنتين

السلام عليكم ورحمة الله وبركاتة
بصراحة مدونة ملهاش حل ومهما اقول مش هدى القائمين عليها حقهم بارك الله فيكم والف شكرا على نصيحكم الغالية لاولادنا .... انا عندى مشاكل بالنسبة لابنى اللى عمرة سنة وزنة تسعة كيلو ونص مش بياكل اى اكل ولا سيريلاك ولا تفاح مسلوق ولا خضار ولا رز ولا بطاطس وغنيت له وبلعب معاه وباكل زيه علشان ياكل برضه بيقفل بقوة جامد علشان مدخلش له اكل .. جربت اديله معلقة وطبق لوحده عشان يلعب و يتعامل مع الأكل على انه لعبة .. كان يقلبهم ويفرد الاكل على الارض ولو شلته يبكى وممكن يعنى بعد ما يبهدل الاكل ممكن يدوقه دا حتى الزبادى مش بياكلها ... ابنى مش عايزغير الرضاعة الطبيعية وبس ...

 المشكلة التانية :
احيانا ابنى يبكى ويتعصب اثناء خروج غازات من بطنة  وفتحة الشرج عنده منذ الولادة حمراء ، بحط له كريم تسلخات واحيانا مضاد حيوى وبشطفه  بماء دافىء ....
والاسنان : مطلع سبع سنات
والمشى بيتسند وممكن خطوتين ويقع كنت بدى بيدكال وبعدها توتال وكمان عندى فارلوكس ج  فاتح شهية وفيتامين بس لو فى اقوى ممكن تكتب اسم علاج تانى
هل هو متاخر فى شىء ؟؟ طيب ومشكلة اذنه ؟؟ اصله بيهز راسه كتير ويشد شعرة ويخبط وجهه رحت لدكتور قال دا من اللبن وادالى قطرة ماشية عليها بس اكتر من شهرين ومفيش حاجة اتغيرت ورضاعتى لو قاعدة برفع راسه ولو نايم على ايدى بس هو مش بيقعد بيقف وينام ويتشقلب يمين وشمال دا كلوا هو وبيرضع دا طبيعى وفى حاجة تانى حركة بيعملها عالطول بيسجد على الارض وهو رافع ركب السجود معلش اسفة لسة فى مشكلة كمان حل مشكلة امس انا ابتديت اغير من معاملتى لية من فترة بس ياخد حقة ازاى من الا ادوا عايزة يضرب زى ما يضرب مش برجع وراء ويسيب الا بيضربوا عادى بكون عايزة اكلوا هو لنمو ذكائة اجيب اية لعب اعمل له اية المكعبات جابتها بقعد العب معاه واركب له ولو لقانى وهو سايب اللعب يجرى ياجى ولازم يكسرهم مش عايزة يركبهم زى ويشبكهم دا دليل على اية بس زجاجة الماء الفارغة يحب يشيل الغطاء ويركبها او اى حاجة فيها غطاء يفتح ويقفل احيانا قطرة الاذن بتاعته لو شافها ياخدها وهى مقفوله ويحط فى اذنة ويضحك التليفون بيشوف والده بيتحرك بيمشى هو وبيتكلم بيعمل زيو ولما يبكى بينط مكان ما واقف ويرمى نفسة ويتعصب ويعند على الشىء الا عايزه متعلق بى جدا جدا شيلاه عالطول احيانا باشتغل بايد وشيالة بالتانية هو صحيح اى مضاد حيوى اخرة 10 ايام او اسبوع وبعدها بينقلب لمادة سامة انا اسفة اسفة جدا جدا لانى طولت بس كان عندى تساؤلات كتيرة ومش عارفة اقولها لمين و عايزة حد موثق فيه فما صدقت احكى كل الا عندى علشان اريح قلبى واسفة مرة تانية على الاطالة وجزاكم عنا كل خير وشكرا على قبول الاسئلة وسرعة الاجابة وجزاكم كل خير عن امهات مصر والبلاد العربية كمان

الاجابة :

فوائد تعليم الموسيقى للأطفال

فوائد تعليم الموسيقى للأطفال :
 الموسيقى تعود على الطفل بفوائد عديدة منها : 
- النمو  البدنى و العقلى 
- الموسيقى تساعد على تطوير اجزاء من طرف المخ الأيسر عند الإنسان و هذه الأجزاء مرتبطة بتعلم اللغة و تحسين القراءة.

- التشابكات التي تحسنها الموسيقى في المخ الأيسر تأثير إيجابي على الذاكرة , و على التفكير بالمساحات و الأشكال أي نوع الذكاء الذي ينتج عندما يربط الطفل الأشياء بأشكال مختلفه , ذلك يطور الأطفال كثير بالرياضيات و حلول المسائل
- يعتاد الأطفال الذين تعلّموا الآلات الموسيقية منذ الصغر على الإبتكارية
- بالموسيقى يتسع الخيال عنده , مما يعطي خاصية إيجاد الحلول الغير تقليدية للمسائل و ينمي التفكير و الإبتكارية. فقد أثبتت دراسات أن الأشخاص الذين تعلموا الآلات الموسيقية بصغرهم لهم علامات أعلى في إختبارات الثانوية.
- الموسيقى تعلم العمل الجماعي و السمع و الإلتفات إلى ثقافات أخرى
- تعطي الطفل حس
- يجعله متفهم و غير أناني و قادر على العمل مع الآخرين.- الموسيقى تعلم الأطفال الدقة و المصداقية, فالغلط في عزف الموسيقى واضح , أي أن النشاز الموسيقي و اضح ولا خلاف عليه , مما يعلم الطفل أن يكون واضح و دقيق في عمله في كل الامور الأخرى جميعها.

- تعلم

- تعللم الموسيقى يعطي الطفل الثقة بالنفس , فالعزف أمام الأشخاص سواء كانوا الأهل , الأصدقاء أو على مسرح يعطي نوعا من الرهبة
- يمنع التوتر و الرهبة  في سن مبكّر عند الطفل
- يعلم الطفل الصبر ..  فأن بعتاد الطفل على حفظ المقطوعات و إنتظار دوره بالعزف , و الإلتزام بسرعة الأغنية و الدقة فهذا كله يساهم فى تعليمه الصبر

و لكم تحياتى
مامى لأول مرة

تغذية الأطفال و حاصة الرضع

لبن الأم ضعيف فى أول اسبوع

طعام الطفل يساعد فى اعداده

يجب ان يشارك الطفل اعداد الطعام - فهذه العادة تكسب الطفل الكتير من المهارات منها :
- يتعلم الحذر
- يتعلم المشاركة
- يتعرف على حجم التعب التى تتحمله الأم لإعداد الطعام
- يعوده على تحمل المسؤلية

 لكن طبعا لازم يكون الأعمال التى يقوم بها الطفل مناسبة لسنه و لجسمه :
- فلا يتعامل مع النار
- لا يستخدم السكين
- لا يستخدم اى اوانى زجاجية
- يغسل يده جيدا بالماء و الصابون قبل الخروج من المطبخ 

وصفات الطعام التى من الممكن ان يشارك الطفل فى صنعها :

أولا الحلوى الإسفنجية :
- نصنع عجينة الكيكة الإسفنجية بالطريقة معتادة ثم نصبها فى كب كيك
- نتكها تبرد و نخرجها من الكب كيك
- نسمح للطفل بتذويب كمية قليلة من الشوكولاتة فى طبق والسماح له بتغطيس طرف من قطعة الحلوى فيها بعد تبريد هذه الحلوى
- يمكن تقديمها مع الفاكهة كوجبة تحلية أو وجبة خفيفة.

مكونات الكيكة الإسفنجية للى مش عارف :
- بيضة كبيرة
- 3 ملاعق طعام من السكر الناعم
- 4 ملاعق طعام من الدقيق العادي
- 1–2 ملعقة صغيرة من السكر البودرة

دور الأم:
 - تسخن الفرن للدرجة 200 مئوية/400 فهرنهايت/علامة الغاز 6.
- تدهن الكب كيك بقليل من الزيت.
- تجميع كل المكونات معاً بمشاركة الطفل.

دور الطفل بمساعدة الأم :
 - كسر البيضة (مع المساعدة) ووضعها في وعاء الخلط.
- قياس كمية السكر المطلوبة وإضافتها إلى الوعاء.

دور الأم والطفل معاً:
- خفق البيض والسكر بمضرب البيض  حتى الحصول على خليط كثيف
- قياس كمية الطحين وإضافته إلى الخليط بعد نخله
- يُمزج الدقيق مع الخليط باستخدام ملعقة معدنية (يجب أن توضح الأم لطفلها الفرق بين المزج والتحريك لإبعاد الهواء عن الخليط). - تُسكب العجينة بالكب كيك

دور الأم:
- وضع الصينية في الفرن لخبزها من 7– 10 دقائق حتى تصبح قطع الحلوى إسفنجية وذهبية اللون، حينئذ يتم إخراجها من الفرن. - يُستخدم سكين طويل ومسطّح لرفع قطع الحلوى ووضعها على رف سلكي لتبريدها.

دور الطفل:
رش السكر البودرة باستخدام منخل صغير

ثانيا : عمل ترايفل صغير:
سيكون تحضير هذه الحلوى ممتعاً للطفل.
الطريقة :
- استخدام أي فاكهة موسمية
-4 قطع من الحلوى الإسفنجية أو شريحتان من السويس رول
- ملعقتان طعام من عصير البرتقال
- حبة برقوق ناضجة مقطّعة إلى شرائح
- 12 حبة فراولة مغسولة و منزوعة القشر
- 150 ملل من الكاسترد
 ملعقتان طعام من الكريم شنتيه - الكريمة المخفوقة – 

 دور الطفل:
- وضع قطعتين من الحلوى الإسفنجية أو شريحة من السويس رول على طبقين مخصصين للخبز.
- سكب ملعقة من عصير البرتقال فوق قاعدة كل كعكة، وتغطيتها بشرائح البرقوق والفراولة.
- سكب الكاسترد عليها باستخدام الملعقة. 
- فرد الكريما ورش قطع 

ثالثا : صنع وجوه  من كعكة الأرز:و هو غذاء بسيط غبارة عن كعكة كبيرة وعادية من الأرز
- ملعقتا طعام من الجبنة القشدية أو الحمص
-3 حبات من الزبيب
- شريحة تفاح رفيعة على شكل فم
- كمية صغيرة من الجزر المبشور

دور الأم:
- تقطيع التفاحة إلى أرباع وإزالة القلب وتقطيع الأرباع إلى شرائح رفيعة.
- بشر الجزر.

دور الطفل:
- دهن كعكة الأرز بالجبنة القشدية أو الحمص
- وصنع الوجه باستخدام الزبيب وشريحة التفاح.
- نثر الجزر المبشور في الأعلى لتشكيل الشعر أو تحت الفم لتشكيل اللحية.
- يمكن تقديم هذه الكعكة مع شرائح تفاح إضافية أو مع خضار مقطّعة طولياً.ليكون جسم للوجه او ملابسه

وقت التحضير: 5–10 دقائق 

رابعا : وجوه ضاحكة مصنوعة من التفاح :
وجبه خفيفة تتكون من .تفاحة حمراء
- 3–4 ملعقة طعام من زبدة الفستق الناعمة
- حبوب الأرز المنفوخ

دور الأم:
- تجفيف شرائح التفاح  (كى يساعد على التصاق زبدة الفستق).    -دهن جانب واحد من شريحة التفاح بزبدة الفستق.
- وضع الشريحتين على بعضهما مع الضغط عليهما بعض الشيء‏ بحيث تبدأ زبدة الفستق بالتسرّب من جانب قشرة ساندويتش التفاح.
- وضع 4-5 حبات من الأرز المنفوخ في زبدة الفستق لتشكيل الأسنان (اللون الأحمر في قشرة التفاح هو الشفاه).

وقت التحضير: 10 دقائق
الكمية: 5–6 وجوه ضاحكة

خامسا : صلصة تغميس :
تتكون من الجبنة القريش مع خضار مقطّع طولياً ورقائق مخبوزة
-علبة جبنة القريش (250 جراماً )
- 2 بصل أخضر مقطّع
- نص او ربع حبة فلفل أحمر حلو مقطّع بطريقة ناعمة
- ربع ملعقة صغيرة من خردل ديجون
- نصف ملعقة صغيرة من الأعشاب المجففة
- تشكيلة من الخضار، كرافس وجزر و  وردات البروكولي – مقطّعة طولياً أو قطع صغيرة

دور الأم:
تحضير كل الخضار.

هذه الوجبة يشارك فيها طفل أكبر سناً مع متابعة الأم حيث يقوم :
- بوضع كل المكونات في وعاء
- قياس كمية الأعشاب والخردل المطلوب استعمالها
- خلط المكونات معاً.
تُقدّم هذه الوجبه مع الخضار المقطّعة طولياً
وقت التحضير: 10 دقائق

سادسا : الموز المخبوز مع الشوكولاتة :
- موزتان كبيرتان بدون تقشير
- 55 جرام من الشوكولاتة العادية أو الشوكولاتة بالحليب

دور  الأم:
- إزالة أطراف الموز بدون تقشيره.
- تسخن الفرن لدرجة 180 مئوية/350 فهرنهايت/علامة الغاز 4.
- شق الموز طولياً عبر القشرة العليا ولب الموز دون الوصول إلى القشرة التحتية
- وضع الموز في الفرن وخبزه لمدة 25 دقيقة.
- نزع ورق الألمنيوم عن الموز بعد أن يبرد.
- ستكون قشرة الموز سوداء، ولكن يمكن إخراج خليط لب الموز والشوكولاتة بواسطة الملعقة.

الكمية: 2–4 حصص

دور الطفل:
- فرد الموز على صينية الخبز على ورق الألومنيوم.
- تقطيع الشوكولاتة إلى قطع صغيرة.الأم: .
- إدخال قطع الشوكولاتة في الفتحة.
لف ورق الألمنيوم حول الموز للحصول على رزمة مشدودة

سابعا : مربى التوت البري :
يستمتع الأطفال باختيار نوع الفاكهة المفضّل لديهم وصنع المربى منه،  يساعد صنع المربى من الفاكهة الطازجة  بدون أي نكهات أو ألوان إضافية.
- كيلو توت منظف
- كيلو السكر

دور  الأم:
- غسل الفاكهة ووضعها على محارم ورقية لتجفيفها.
- وضع التوت البري في وعاء كبير.
- هرس التوت البري باستخدام آلة هرس البطاطا.

- وضع التوت البري المهروس على النار وتركه يغلي على نار هادئة جداً.
- إضافة السكر وتحريكه حتى الذوبان باستخدام ملعقة خشبية.
- غلي المزيج لخمس دقائق إضافية. باستخدام الملعقة الخشبية، وضع القليل من المربى في صحن صغير. 

دور الطفل:
- وزن كمية السكر.
- غسل برطمنات المربى ووضعهما في الفرن لتدفئتهما و تجفيفهما 

- ويمكن للطفل رؤية القشرة وهي تتشكّل عندما يبرد المربى بحيث تحتفظ هذه الكمية الصغيرة بشكلها ولا تسيل على الصحن. إذا لم تتشكّل أي قشرة، فيجب متابعة الغلي لخمس دقائق أخرى ثم فحص المربى من جديد. عندما تتشكّل القشرة، فهذا يعني أن الوقت قد حان لسكب المربى في مرطبان دافئ وجاف. يُترك المربى حتى يبرد، ويمكن تغطية البرطمان عندما يكون المربى دافئاً

ملاحظة : إذا كنت ترغبين في تخزين المربى لبعض الوقت، فيجب التاكد من ملء البرطمان بشكل كامل لتقليل احتمال تشكّل طبقة من العفن.
وقت التحضير: 20 دقيقة
الكمية تكفي لملء برطمان كبير من المربى

و لكم تحياتى

مامى لأول مرة
https://www.youtube.com/user/dahshan2007

الاسهال عند الرضع

السؤال ده وصل لمدونة " مامى لأول مرة "

انا عايزه اسال عن حاجه ضرورى لو سمحتوا انا ابنى عنده 5شهور وبيرضع طبيعى ومش بياكل اى حاجه ولا بيشرب و مع ذلك جاله اسهال شديد فيه دم  ولما رحت للدكتور قالى اعملى تحليل براز بس وقت ما عملته العينه مكانش فيها دم وطلعت النتيجه عاديه ومفيش اى بكتريا بس طبيعته مائيه واما رجعت للدكتور كتب مضاد حيوى للبكتريا وهو معندهوش وانا مرضتش اديله المضاد وبديله انتينال او كابكت او دياكان جربتهم كلهم ومش جايبين نتيجه ومفيش سخونه الطفل عادى بس لون الراز اخضر وبيقل احيانا الاخضر ويبقا اصفر والدم مرات مش واضح ومره واضح وبيعمل يمكن 6 مرات فى اليوم وللعلم هو دايما بيمصمص فى ايديه بس دايما بغسلهم ارجوكم الرد والحل لو تقدرو تفيدونى ايه اللى ممكن اعمله تانى

اجابة مدونة " مامى لأول مرة "

اولا : يجب ان تتأكدى  من نظافة ثديك ... طهريه بقطنة مغموسة فى ماء دافئ قبل ان يرضع الصغير ... و اغسلى كف الصغير بالماء و الصابون المخصص للرضع ... اما بخصوص الدم - ف الموضوع يحتاج تحاليل و دكتور ... من فضلك غيرى الطبيب و اعرضى ابنك على طبيب آخر ... لازم نعرف سبب الدم ... لأن الطفل اللى بيرضع طبيعى غالبا بتبقى مناعته قوية .

باقى اجابة مدونة " مامى لأول مرة " 
البراز الأخضر يعنى ان الطفل عنده برد و المفروض يآخد دوا للبرد الخاص بالرضع و يفضل الدكتور اللى يكتبه لأنه بيتآخد على حسب وزن الرضيع

باقى اجابة مدونة " مامى لأول مرة " 
فى حاجة مهمة لازم تعرفيها :
 - كلمة اسهال عند الرضع تقال على الطفل اللى بيعمل تواليت اكتر من خمس مرات فى اليوم ... ابنك بيعمل ست مرات - يعنى معقول ... حاولى ترضعيه كل تلت ساعات لأن الانتظام فى الرضاعة بيثبت ساعات التبرز عند الطفل

- تانى حاجة لازم تعرفيها الأم اللى بتشرب حلبة بيكون لون براز ابنها سائل و لونه اقرب للون البرتقالى

- تالت حاجة لازم تعرفيها ان الطفل اللى بيشرب يانسون او اعشاب برضه برازه بيبقى سائل و لونه بيتغير من الأخضر للبنى

و لكم حياتى

مامى لأول مرة

youtube.com/dahshan2007

اهم اسئلة و اجابات الدكتور مدحت الزيات

أهم اسئلة وصلت للدكتور مدحت الزيات
جبنهالكم عشان الكل يستفيد
بيكلم عن الأطفال فى أعمار مختلفة

الدكتور مدحت الزيات و نمو الرضيع

ضرورى جدا نتابع وزن و طول الرضيع عشان نتأكد انه بينمو بشكل طبيعى

نظام غذائي متوازن للأطفال ما بين السنة الأولى و الثانية

يستهلك الأطفال ما بين السنة الأولى والثانية الكثير من الطاقة، وهم بحاجة إلى تناول المواد المغذية والبروتينات بطريقة متوازنة لتأمين نموهم الصحي.

يمكنك أن تقدمي لطفلك نظاماً غذائياً متنوعاً يحتوي على المجموعات الغذائية الخمس:

- الخبز والأرز والبطاطا والأطعمة النشوية الأخرى بما فيها اليام (بطاطا حلوة) وخبز الشباتى تساهم هذه المجموعة الغذائية في توفير الطاقة، ويجب أن تشكّل القسم الرئيسي من كل وجبة. يمكنك اختيار الخبز الأبيض وخبز القمح الكامل.

- الفاكهة والخضار مجموعة غذائية تساهم في توفير الفيتامينات والمعادن والألياف. يمكنك تقديم الفاكهة في وجبة الفطور والخضار والفاكهة في وجبتي الغداء والعشاء. يجب أن يتناول الأطفال ما بين السنة الأولى والثانية 5 حصص أو أكثر من الفاكهة الطازجة أو المثلجة أو المعبأة أو المجففة بشكل يومي.

اللحوم والسمك والبيض والفاصوليا ومصادر بروتين أخرى من غير منتجات الألبان كالقلوبات (جوز ولوز وغيرها) والعدس وعدس الدال والتوفو. توفر أنواع الغذاء هذه الحديد والزنك. يُستحسن تناول أطعمة من هذه المجموعة مرتين في اليوم وتناول السمك الزيتي مرة أو مرتين أسبوعياً.

- الحليب والأجبان واللبن. يمكنك تقديم 3 حصص يومياً من هذه المجموعة الغذائية. يحتاج الطفل الذي تجاوز عمر السنة كمية حليب أقل من الطفل الأصغر سناً، على الرغم من أهمية الحليب في هذا السن. فهو يحتاج إلى 3 أكواب من الحليب من 90 إلى 120 ملل (3 إلى 4 أونصات سائلة). ولكن، عليك إعطاء الطفل كمية حليب أقل إذا كان يتناول اللبن والأجبان. يجب التوقف عن استخدام رضّاعات الحليب اعتباراً من عمر السنة، حيث يمكنك إعطاء الطفل حليب البقر الكامل بدلاً من الحليب الصناعي، إلا إذا كان الطفل ما زال يتناول حليب أمه.

- الأطعمة الغنية بالدسم و/أو السكر. تُعد أنواع الطعام هذه مقبولة لدى الأطفال ما بين السنة الأولى والثانية بشكل طبيعي. من غير الضروري تجنّب هذه الأطعمة، ولكن يُستحسن تناول الحد الأدنى منها. يمكنك دائماً تقديم الحلوى في الوجبتين الرئيسيتين، ولكن دون السماح بحلولها مكان أطعمة مغذية أخرى من المجموعات الغذائية الأخرى.

- مكملات الفيتامين أ ود. في المملكة المتحدة، يُنصح الأطفال لغاية سن الخامسة بتناول مكملات الفيتامين التي تحتوي على الفيتامينات أ و د بسبب عدم حصولهم على كمية كافية من هذه الفيتامينات في الطعام. من شأن هذه المكملات المساعدة على نمو نظام المناعة لدى الطفل كما أنها تضمن نمو عظامه بطريقة طبيعية.يجب تجنّب الوجبات الغنية بالدسم والملح وعدم إعطاء الطفل ما بين السنة الأولى والثانية أطعمة مخصصة للحمية أو التنحيف. فالأطعمة ذات السعرات الحرارية المنخفضة غير مناسبة للطفل نظراً لحاجته إلى سعرات حرارية إضافية لتعزيز نموه. بالنسبة إلى الأطعمة والوجبات الجاهزة، يُستحسن تناولها بشكل نادر، إلا إذا كانت محضّرة للأطفال تحديداً. الخيار الأفضل هو الطعام العائلي الصحي والمفيد. فهو مغذٍ واقتصادي، ويسمح لك بتحضير كميات كبيرة من الوجبات ثم تقسيمها إلى حصص فردية وتخزينها في البراد وحجرة التجميد.يُعد نظام Philips AVENT VIA الحل الأمثل لتخزين الطعام وتقديمه.

يجب تقديم مذاقات جديدةالمفتاح الأساسي للنجاح في هذه المهمة هو تحضير طعام متنوع يجذب الطفل. ويمكنك تقديم أنواع جديدة من الطعام لطفلك بحصص صغيرة. دعي الطفل يتذوّق كمية صغيرة من الطعام الجديد بدلاً من ملء طبقه به وتوقع منه تناول كل الكمية. وقد تحتاجين إلى تقديم نوع معين من الطعام عدة مرات قبل أن يصبح مقبولاً لدى الطفل. هذا الأمر شائع جداً، ولذلك عليك المثابرة. ويمكنك الإكثار من تقديم الطعام الذي يؤكل باليد والسماح للطفل بأن يختار الوقت الذي يريد فيه التوقف بعد تناوله الكمية الكافية.

و هذا ممكن نسمعه من الدكتور رفعت الجابرى على هذا الرابط

https://youtu.be/KSd0Zao1L-c

و لكم تحياتى

مامى لأول مرة

youtube.com/dahshan2007

غذاء متوازن للاطفال من عمر سنة الى سنتين - Audio

الغذاء اولى خطوات الاهتمام بالطفل
لا تهملوه

نمو الأطفال من عمر صفر

الاهتمام بالرضيع من اول يوم يسهل باقى حياته على الأم و الطفل و الأسرة كلها

علاج الديدان فى امعاء الاطفال

علاج الديدان فى امعاء الاطفال و اسباب ظهورها

الحلقة الثانية من برنامج مع هنا و جنا

ارجوكم  حاولوا تظهروا مواهب أطفالكم

كل شئ عن الرضاعة الطبيعية - أم لأول مرة

الأم لأول مرة تجهل الكثير عن طرق العناية بالرضيع
و من أهم ما تجهله الأم و يؤثر على رضيعها هى الرضاعة الطبيعية
و عشان كدة جبنالهم الموضوع ده النهاردة
من فضلكو اسمعوه و اكتبوا ملاحظات بالنقاط المهمة اللى ح تحتاجها كل أم اثناء  الرضاعة

و لكم تحياتى
مامى لأول مرة
https://youtu.be/Zv2XM_jA0ZA

قيود يجب ان يفرضها الأهل على أنفسهم

قيود ايجابية تساعدنا على تقديم للمجتمع طفل ناجحح :
- عاوزين نربي و نحط حدود  بالقيم الصحيحة و نعلم ولادنا ازاى يبعدوا عن الأخطاء و ان وقعوا فيها يتفادوها
- عاوزين نحب أطفالنا و نشعرهم بحبنا و نضمهم و نقبلهم
- عاوزين نلاقي وقت نلعب فيه مع ولادنا و نزغزغهم
- عاوزين ما نزعقش لولادنا لكن كمان نلاقى وسيلة لإشعار الطفل بانه أخطأء

قيود يجب ان يفرضها الأهل على أنفسهم - مامى لأول مرة - mamy1st

- عاوزين نفرح بالي عندنا و نعلم ولادنا يفرحوا باللى عندهم
- عاوزين نعرف نلعب مع العيال مش نلاعبهم
- عاوزين نعرف نقضي وقت مع عيالنا و نوصلهم حب حقيقي و تفاهم و قرب
- عاوزين نلعب معاهم و نضحك من قلبنا
- عاوزين نعرف نستمتع بحياتنا و نعلم ولادنا يستمتعوا و يفرحوا لأن ده ح يفرق مع مستقبلهم جدا 

- على كل أم ان تخرج الطفلة الي جوانا و على كل أب ان يسترجع ايام طفولته حتى يطل لعمر اطفاله ... و يعرف الأب و الأم يلعبوا و ما يقفوش فى وسط اطفالهم و هما مش بيعرفوا يلعبوا و يجروا و يفرحوا و يغنوا

لو قدرتوا تلعبوا مع أطفالكم بنفس روحكم و انتم اطفال تأكدوا ان اطفالكم ح ينمو نمو نفسى صحيح و  فى فترة المراهقة  ح يكونوا أصدقاءكم ... و فى فترة شبابهم ح يكونوا اصدقائكم الصادقوين

كما انكم ستكتشفوا مشاعر مختلفة بداخلكم تجاه اطفالكم و تجاه الحياة  
مشاعر سلبية يجب على الأبوين اخفائها عن اطفالهم :

- مشاعر الوجع
- مشاعر الإحباط
- مشاعر الحزن الجامد او الضعف الشديد
- يجب ان نخفى عن اطفالنا عدم قدرتنا على التعبير و كأنه هي حته جوانا مش فاهمنها و مش عارفنها و مش عارفين نقرب منها
كانها بتعاكسنا نعمل الي عاوزينه

الأبن المضغوط بسبب :
- ابوه الي بيضربه و بيفرق في المعاملة  بينه و بين اخوته
- ان المدرسة الي فيها اصحاب بيغلسوا عليه و بيعاملوه وحش
- المدرسة ما بتدلوش وقت يعبر عن نفسه

لازم نحل مشاكلنا قبل ما نحل مشاكل أطفالنا :
قبل ما نحل مشكلة الطفل ده مع محيطه لازم نعرف الطفل ده بيلعب قد ايه؟؟؟  الأم بتقعد معاه قد ايه؟؟؟ بتتكلموا معاه و بتسمعوه قد ايه ؟؟؟؟بتلعبوا معاه قد  إيه ؟
و ازاي بتعملي كدة بقلبك ولا واجب ؟؟؟
و  والد الطفل دوره ايه ؟ بيتكلم مع ابنه ؟ بيلعب معاه ؟ بيقضي معاه اى وقت ؟؟؟؟؟

لو عرفنا اجابات كل سؤال و قمنا ما يجب ان يكون تجاه اطفالنا ح نكتشف ان هناك مشاعر كتير جوانا حلوة و وحشة عاوزين نفهم ونسمع و نتكلم و نحس نفسنا قبل ما نتعامل مع أطفالنا

عاوزين نتعلم ندرك اولا انه فيه منطقة جوانا اسمها مشاعرنا او الطفل و الطفلة الي كان موجود في بيت اهلنا و مرات بداية التغيير بتبقي عن طريق القرب الحقييقي من الحتة ده

يعني ايه قرب من منطقة طفولتنا :
يعني يفرق معايا انا كأم و أب باحب اية و مابحبش ايه
عاوزة ايه و مش عاوزة ايه
حاسس بايه
عاوزة اعمل ايه و مش عاوزة اعمل ايه

مش لازم كل الي اعوزه و احسه و باحبه اعمله لكن لازم و لازم اوي اني افهم نفسي و احسها
زي بالظبط لما نقول الاهل الشاطرين هنا الي يعرفوا
يسمعوا عيالهم و يفهموهم و يتكلموا معاهم و مش لازم يلبوا كل رغباتهم لكن بيحسسوا العيال انهم هما موجودين و ليهم رأي ... فهذا الأمر يقوى شخصية الأطفال و يقويها و يجعلهم شباب قادر على حل مشكلات الحياة فى المستقبل

سر نجاح الأهل :
 - قد ايه احنا قريبيين من مشاعرنا الشخصية
- قد إيه احنا حاسيين بالطفل اللى جوانا  علشان نعرف نفهم و نحس بأطفالنا الي قدامنا

- الحب : احنا بنشحن  بالحب و الفهم و التقدير و التشجيع و الرحمة و الامل في التغيير... عشان كدة لازم نوفر العناصر دى لنفسنا عشان تنعكس على ولادنا

و لكم تحياتى
مامى لأول مرة
https://youtu.be/Zv2XM_jA0ZA