حببوا أطفالكم فى العلم و فى المدرسة

خطوات تحبيب الأطفال فى المدرسة :

-        ارجو من كل أم قررت تدخل ابنها او بنتها المدرسة انها ما تتخانقش معاه بسبب أى حاجة تخص المدرسة زى عمل الواجب او الصحيان بدرى او النوم مبكر – لكن نشرحله أهمية كل حاجة من دى و فايدة اننا نعملها

-        علموا اطفالكم الكتابه عن طريق الرسم و الأغانى و حفزوهم من أجل ممارستها عن طريق المسابقات بينهم و بين اخوتهم أو بينهم و بين ابناء الجيران

تعليم الأطفال كتابة الحروف او الارقام :

اولا : مرحله ماقبل تعليم الكتابه ومسك القلم لازم يبقى فى تمرينات لتقويه عضلات اليد الصغيره

- باستخدام الصلصال وعمل اشكال منه

- التلوين بالوان شمع لينه ثم بالالوان الخشب الاكثر صلابه

- ما سبق يكون للاطفال فى المرحله ما بين سن 3 ل 4 سنين  

. ثانيا : مرحله تعليم الكتابه نفسها و يكون الطفل تم 4 سنين علشان تكون عضلات ايده قويه ويعرف يتحكم فى القلم كويس وخطه يبقى حلو

-        و هنا يجب ان يجلس جلسة منضبطة - ظهره مفرود على ظهر الكرسى و وقريب من المكتب بتاعه و يحط الورقه فى وضع مايل 45 درجه للشمال ويكون ساعد الطفل الايمن مواز لحرف الورقه اليمين

-         الطفل يمسك القلم بالاصابع الثلاثه الابهام والسبابه والاوسط

-        يكون القلم له مواصفات خاصة - يعنى الجزء الخشبى والسن الرصاص مش صلب اوى علشان مايتعبوش الطفل فى الكتابه ولا لين اوى علشان الرصاص مايسيبش علامات فى الورقه يصعب محوها .

-         أول حاجه يتعلم الطفل يكتبها هى الخطوط . .. يعنى نرسم خط و نطلب منه يرسم  زيه ... و بعدين نرسمى نقط يمشى عليها ... و ممكن نمسك ايده ونعلمه يرسم الخطوط  مع بعض وتكرر الحكاية اكتر وتانى يوم يحاول يقلده لوحده بدون مساعده ولو معرفش ، نكرر النقط تانى لغايه مايعرف ينقله لوحده وتالت يوم نطلب منه انه يرسمه لوحده من غير مساعده ومن غير ما يبص عليه ولو معرفش نوريله  الشكل ونعيد اسمه و نخليه ينقله ونكرر الحكاية اكتر من مره لحد ما يقدرس يكتب لواحده

-        ارجو من الأهل ما يسعجلوش فى تعليك الطفل الحروف و الكتابة لأن السرقة تخف الصغير و تزيد من عصبية الأهل مما يجعل الطفل خاف من المدرسة و يكرهاها  هى و التعليم كله بصفة عامة

-        لو تعلم الطفل رسم الخطوط باتقان تأكدوا انكم لن تواجهوا اى مشكله فى تعليمه كتابه اى حرف اورقم سواء عربى او انجليزى لانه اى حرف او رقم بيتكون من مزيج من الخطوط  ... وطبعا لو علمنا الطفل الكتابة بطريقة سهلة و بسيطة و بشكل محبب تأكدوا انه ح يحب المدرسة و ح يكون عنده استعداد يذاكر لواحده و مش ح يتعبكوا فى السنوات القادمة

النوم مباكرا يؤدى الى الصحيان مباكرا بنشاط و حيوية :

من اكتر مشاكل عند الأهل و تنعكس على الأطفال هو موضوع الصحيان المبكر ... و عشان نحل المشكلة دى يبقى لازم نلتزم بموعد نوم يدخل فيه الطفل الى السرير و لو لاحظنا استيقاظ الطفل بالسرير .. يبقى لازم نشرفه كوباية لبن دافئ قبل النوم ... و لو متأثر بوالديه او احدهما يبقى لازم البيت كله ينام فى الموعد اللى غالبا لازم يكون الساعة تمانية بالكتير عشان الطفل يآخد كفاية من النوم و يصحى فايق ، يروح المدرسة يقدر يفهم و يلعب ... و بكدة يحب المدرسة عشان مدسينه مش ح يشتكوا منه لأنه بينام فى الفصل و ما بيفهمش الدرس ... و لا زمايله ح يشتكوا انه بيضربوا بسبب ان جهازه العصبى مش مظبوط لأنه ما نمش كويس

و لكم تحياتى

مامى لأول مرة