 |
| اسئلة حول رضيع عمره شهرين http://mamy1st.blogspot.com/ |
مساء الخير معلش انا كان عندى سؤال وحابه تجوبوني بعد
اذنك .... انا ابني هيتم الشهرين وكنت
عايزه اعرف انا ممكن اديله حاجه تفيده مع اللبن الصناعي لانه مش بيرضع من ثدي
ونفسي افيده بحاجه تعوضه عن لبن الام وكنت عايزه اعرف لون البوراز الطبيعي يبقي
لونه ايه اسفه للازعاج وارجو الرد
الإجابة :
مافيش حاجة بتفيد الرضيع أكتر من لبن الأم .... و عشان
تطمنى اوزنى ابنك و قولينا وزنه كام و احنا ان شاء الله نطمنك ... لكن بعد ما يتم ابنك شهرين ممكن تآخديه
للدكتور يكتبله على كالسيوم .... و لما يوصل وزنه سبعة كيلو تقدرى تدوقيه معلقة
بطاطس مهروسة أو كوسة مهروسة
سؤال2 :
ممكن اعرف لو لون براز الرضيع بيتغير ده معناه ان فى خطورة على البى بى
الإجابة :
-->
لازم نعرف ان لون براز النونو بيتغير مع طبيعة الأكل
إللى الأم بتاكله ، فلو كنتى بتشربى حلبة ح تلاقى لون براز الرضيع أصفر و اقرب
للسايل ... و لو بتكلى خضار ح تلاقى لون براز الرضيع اقرب للكون الكمونى او البنى
... و لو بتشربى أعشاب كتير يبقى لون البراز أخضر ...بس خلى بالك لو البراز الأخضر
ساعات يعنى ان الطفل عنده برد فى المعدة ، فلو لقيتى لون البراز أخضر و ابنك عنده
مغص يبقى تخلى الدكتور يكتبله على حاجة تقضى على الغازات
سؤال 3:
كنت عايزه اعرف هو مينفعش لرضيع عمره شهرين يشرب اي
عصاير ؟؟؟ لأنى انا شربته موز وحططله عليه لبن من بتاعه الصناعي وقبل كده شربته
جوافا برده عصير لانهم قالولي ان العاصير تدي لابنى فيتامين
الإجابة :
مش دلوقتى خالص ، الرضيع فى عمر شهرين ما يشربش غير
لبن و بس ، و لو عنده غزات يآخد اعشاب ، ارجوكى وقفى العصاير فورا عشان الكلى و
المعدة ما تستحملش ، لكن اول ما وزنه يوصل سبعة كيلو اديله عصير و يفضل يكون عصير
خفيف زى عصير التفاح
سؤال4 :
انا حاسه ان البراز بتاع ابنى جامد مش زي الاول وبحس
انه بيحزق جامد و التواليت بتاعه ناشف
اوووي ... مش عارفة أعمل إيه ؟؟؟
الإجابة :
من فضلك تشربيه شيح - ح تلاقى البراز تحسن .... ما
تقلقيش فى بعض الأطفال بيكون عندهم امساك بس الشيح بيحل المشاكل دى كلها - انصحك
تشتريه من الصيدلية و اسمه العلمى شيح بابونج
و لكم تحياتى
African affiliation program
