قررنا البحث عن اجابة لهذا السؤال بعد ان تكرر الأمر مع الكثير من الأمهات و التى تصر على ارضاع ابنها مؤكدة انها لديه ما يكفيه من اللبن
يمكنكم سماع السؤال و الإجابة على هذا الرابط
http://www.mediafire.com/?2465wt8d4731jccفالسؤال يقول :
ــ ابنى عمره ثمانى أشهر و يقترب من التاسع ، اتولد 3 كيلو و الآن وزنه عشرة كيلو و نصف . . من اول ما اتولد بيرضع رضاعة طبيعية ، و ما دخلتولش لا ماية و لا أعشاب و لا اى حاجة تانية . . و عند ست شهور بدأت أدخله أكل ، و لاحظت انه بيآكل اقل م إللى فى سنه بكتير . . و يومه يبدا بالفطار و هو عبارة عن قمح بالفواكهة او الخضار . . ينام ليصحى و يأكل زبادى ، و ينام تانى و لما يصحى أديله فراخ مع رز مضروبة فى الخلاط . . و بالليل يآكل فواكهة مضروبة فى الخلاط . . و رغم ان عمره يقترب من تسع شهور لكنه ما بيآكلش أى أكل صلب . . و المشكلة انى حامل و فى الشهر الخامس ، و ابنى بيرضع عند النوم بس ، و انا فى صدرى فيه لبن . . و مش عارفة الرضاعة و انا حامل فى ضرر على ابنى ، المشكلة انه رافض اللبن الصناعى تماما ، ده غير انه مش متعود على الببرونا ، ده حتى الماية و العصاير بأديهاله بالمعلقة
الإجابة : ابنك وزنه زائد عن الطبيعى ، فقد تخطى الحد المناسب لأوزان الأطفال التى تولد 3 كيلو ، و عشان اكون أكثر تحديدا يجب ان يكون وزن ابنك 9 كيلو ، يعنى هو زيادة كيلو . . و هذه الزيادة فى الوزن قد تسبب لإبنك تاخر فى المشى ، و لما يمشى ح يكون لديه تقوس فى قدميه . . و عشان نعالج الموضوع ده لازم تمنعى وجبة الأرز او القمح او الحبوب او المهلبية غت ابنك ، باختصار امنعى وجبة النشويات لحد ما يصل ابنك للوزن المثالى ثم عودى لها مرة أخرى ، و استبدي هذه النشويات بوجبة زبادى ، فواكهة ، خضار ، جبنة ، أى شئ غير نشوي
بالنسبة للرضاعة اثناء الحمل :
فهى مضرة على الأم و الجنين معا . . فاثناء الرضاعة يفرز هرمون يعمل على انقباض رحم الأم ، مما يضر بحملها بصفة عامة و يجعله غير ثابت . . هذا غير ان الرضيع يقاسم الجنين فى الكالسيوم الذى يجب ان يتناوله ، و هذا يقضى على كمية الكالسيوم التى تحتاجها الأم و كذلك يقلل الكالسيوم الذى يجب ان يصل الجنين
و هذا ينذر بانجاب طفل لديه نقص كالسيوم و هشاشة عظام . . و فى الحالة دى يجب ايقاف الرضاعة الطبيعية و استبدالها بعصير او بلبن صناعى
فانتى فى شهرك الخامس و هذا يعنى ضرورة ايقاف الرضاعة حتى لا تؤثرى على الجنين القادم
و إذا كان ابنك رافض للببرونا ، حطى اللبن الصناعى فى كوباية لها شفاط او بزبوز صغير ليشرب منها بشرط تكون الراضعة فاترة جدا علشان ما تلسعهوش فى زوره ، او يمكنك تحويلها لوجبة صلبة و ده اضافة اى سيريال علي اللبن الصناعى ، او تطهيه لصنع المهلبية عشان يآكلها
و لكم تحياتى
مامى لأول مرة
