الجمعة، 20 مارس 2015

كل شئ عن طفل قبل عمر سنتين

السلام عليكم ورحمة الله وبركاتة
بصراحة مدونة ملهاش حل ومهما اقول مش هدى القائمين عليها حقهم بارك الله فيكم والف شكرا على نصيحكم الغالية لاولادنا .... انا عندى مشاكل بالنسبة لابنى اللى عمرة سنة وزنة تسعة كيلو ونص مش بياكل اى اكل ولا سيريلاك ولا تفاح مسلوق ولا خضار ولا رز ولا بطاطس وغنيت له وبلعب معاه وباكل زيه علشان ياكل برضه بيقفل بقوة جامد علشان مدخلش له اكل .. جربت اديله معلقة وطبق لوحده عشان يلعب و يتعامل مع الأكل على انه لعبة .. كان يقلبهم ويفرد الاكل على الارض ولو شلته يبكى وممكن يعنى بعد ما يبهدل الاكل ممكن يدوقه دا حتى الزبادى مش بياكلها ... ابنى مش عايزغير الرضاعة الطبيعية وبس ...



 المشكلة التانية :
احيانا ابنى يبكى ويتعصب اثناء خروج غازات من بطنة  وفتحة الشرج عنده منذ الولادة حمراء ، بحط له كريم تسلخات واحيانا مضاد حيوى وبشطفه  بماء دافىء ....
والاسنان : مطلع سبع سنات
والمشى بيتسند وممكن خطوتين ويقع كنت بدى بيدكال وبعدها توتال وكمان عندى فارلوكس ج  فاتح شهية وفيتامين بس لو فى اقوى ممكن تكتب اسم علاج تانى
هل هو متاخر فى شىء ؟؟ طيب ومشكلة اذنه ؟؟ اصله بيهز راسه كتير ويشد شعرة ويخبط وجهه رحت لدكتور قال دا من اللبن وادالى قطرة ماشية عليها بس اكتر من شهرين ومفيش حاجة اتغيرت ورضاعتى لو قاعدة برفع راسه ولو نايم على ايدى بس هو مش بيقعد بيقف وينام ويتشقلب يمين وشمال دا كلوا هو وبيرضع دا طبيعى وفى حاجة تانى حركة بيعملها عالطول بيسجد على الارض وهو رافع ركب السجود معلش اسفة لسة فى مشكلة كمان حل مشكلة امس انا ابتديت اغير من معاملتى لية من فترة بس ياخد حقة ازاى من الا ادوا عايزة يضرب زى ما يضرب مش برجع وراء ويسيب الا بيضربوا عادى بكون عايزة اكلوا هو لنمو ذكائة اجيب اية لعب اعمل له اية المكعبات جابتها بقعد العب معاه واركب له ولو لقانى وهو سايب اللعب يجرى ياجى ولازم يكسرهم مش عايزة يركبهم زى ويشبكهم دا دليل على اية بس زجاجة الماء الفارغة يحب يشيل الغطاء ويركبها او اى حاجة فيها غطاء يفتح ويقفل احيانا قطرة الاذن بتاعته لو شافها ياخدها وهى مقفوله ويحط فى اذنة ويضحك التليفون بيشوف والده بيتحرك بيمشى هو وبيتكلم بيعمل زيو ولما يبكى بينط مكان ما واقف ويرمى نفسة ويتعصب ويعند على الشىء الا عايزه متعلق بى جدا جدا شيلاه عالطول احيانا باشتغل بايد وشيالة بالتانية هو صحيح اى مضاد حيوى اخرة 10 ايام او اسبوع وبعدها بينقلب لمادة سامة انا اسفة اسفة جدا جدا لانى طولت بس كان عندى تساؤلات كتيرة ومش عارفة اقولها لمين و عايزة حد موثق فيه فما صدقت احكى كل الا عندى علشان اريح قلبى واسفة مرة تانية على الاطالة وجزاكم عنا كل خير وشكرا على قبول الاسئلة وسرعة الاجابة وجزاكم كل خير عن امهات مصر والبلاد العربية كمان


الاجابة :




اولا بالنسبة لوزن طفلك ، محتاج يزيد شوية ،  فوزن الطفل الذكر يتراوح ما بين 9 كيلو و 12 كيلو و ده متوقف على وزن الولادة
2- بالنسبة للأكل : خلاص موضوع السيريلاك و التفاح و البطاطس ، و الخضار المسلوق ده بيتآخد من عمر ست شهور ... دلوقتى فى عمر سنة لازم تدربى طفلك على الأكل من أكل البيت ، يآكل معاكم رز و خضار و لحمة و سمك .. بس لازم تعوديه لو كان لسة مش متعود

3- ما تديش ابنك يأكل نفسه ، لأنه لسة ما يقدرش يتحكم فى مسك المعلقة ، و كل اللى يعرفه دلوقتى هو اللعب .. و ح يتعامل مع الأكل على انه لعبة ، و لكن قعدى بنك على السفرة و ابدئى كلى و هو ح يقلدكم ... ما تلعبيش ابنك عشان يآكل لأنه محتاج يلعب اكتر و ح يتعامل مع الأكل على انه لعبة ... احنا بنلجأ لموضوع اللعب ده لما نحب ندوق ابننا نوع أكل جديد و نحببه فى طعمه ، لكن الأكل لازم يقعد و يآكل زينا بالظبط ، تحطيله طبق معاكى على السفرة و لو ما كلش سبيه لما يجوع ح يآكل و ح يطلب الأكل كمان و ح تسمعيه بيقولك " ممم " او يقولك الكلمة اللى انتى بتقوليها و انتى بتأكليه 
و لكم تحياتى
مامى لأول مرة