لنمو الرضيع

المتابعون

تحذير

حقوق الملكية الفكرية محفوظة لمدونة مامى لأول مرة و محذور على اى جهة أو موقع استخدام المادة المكتوبة أو النقل منها دون اذن كتابى

الرسائل و التعليقات ُتقبل من أعضاء المدونة فقط

Translate

share

Share/Save/Bookmark

الخميس، 16 ديسمبر، 2010

آلام المفاصل عند الأطفال






بعض الأمهات تشكو من آلام الركب او القدم التى تيقظ صغيرها من النوم فى منتصف الليل و فى اوقات اخرى يصحى الطفل صباحا ً و هو يشتكى من وجع فى ركبه . . المشكلة الحقيقية مش فى الوجع و لا فى الطفل و لكن فى ان معظم الأمهات بتفتكر ان ابنها بيعانى من حمى روماتيزمية و هنا تبدأ حالة الفزع الرهيب. . و عشان هؤلاء الأمهات قررنا نجبلكم الموضوع ده
إذا استيقظ ابنك بسبب ألام فى ركبه أو مفاصله فهذه آلام نمو ، يعنى آلام بسبب ان ابنك بيطول ، او آلام بسبب مجهود زيادة قام به الطفل و هو بيلعب و بيتنطت طول اليوم و بيعمل أكروبات . . فى النهاية يجب ان تهدئى ، فهى آلام حميدة . . و كل المطلوب منك شوية تدليك لمكان الألم أو دهان مسكن .
طيب إيه الدليل ان ابنى ما عندوش حمى روماتزمية ؟؟
الدليل انه لا يوجد احمرار بالقدم او ورم مكان الألم . . يأيها الأم اهدئى ؛ ابنك بصحة جيدة و الحمد لله ، فهذه آلام نتيجة المجهود الزائد ، و بعد دهان مفاصل ابنك بالبروفين و تدليكهما سيستكمل نومه فورا ان كان قد استيقظ بسبب شدة الوجع
وهناك أطفال أخرون يصابون بألم فى الركب بعد نزلة البرد ، و لا يتمكنوا من الضغط على ركبهم فيبدون و كأنهم يعرجون ، دى برضه مش أعراض حمى روماتيزمية ، مدام مش مصحوبة بارتفاع فى درجة الحرارة ، ولا ورم فى المفصل او الركبة ، و لا يوجد احمرار ، لكن الألم هذه المرة نتيجة ان البرد بيسمع فى المفصل ، و الطفل بحالة صحية جيدة ، و لكى يتخلص من هذه الآلام فهو يحتاج للراحة التامة و أخذ مسكن للألم . . و برضه دى مش أعراض حمى روماتيزمية


أسئلة لها علاقة بموضوع النهاردة :
انا بنتى عندها سبع شهور و بدأت تزحف لكن اول ما أشيلها أحس ان مفاصل رجليها عمالة بتطقطق ، و دكتور العظام قالى ان مفاصيلها فيها flexiability و ما تقلقيش ، بس انا قلقانة جدا . . و عندى سؤال كمان ، بنتى جالها برد و ادتلها دوا البرد بس صدرها بيشخشخ خالص مع انها بترضع كويس
جزء من الاجابة : طبيب بنتك عنده حق ، و الموضوع كله ان الله سبحانه و تعالى قد خلق فى جسم الأم هرمون يسمى البروجيسترون يعطى مرونة فى مفاصل الأم حتى يساعدها على الولادة بسلام و دون مشاكل ، و ينتقل هذا الهرمون إلى الرضيع و يظل فى جسمه حتى عمر سنتين ، و لا تسمعى كلام من يقولك لك ان هذه الطقطقة نتيجة نقص فى الكالسيوم ، فهذه الطقطقة ليست مرض كى نعالجها
أما بخصوص البرد و الخنفرة يمكنكم مراجعة هذا الرابط
http://mamy1st.blogspot.com/2010/11/blog-post_03.html
كتير نشوف الأمهات داخلة عيادة الأطفال و فى ايدها تحليلات تؤكد وجود سرعة ترسيب و أجسام ضد الميكروب السابحى عالية و الأجساد المضادة للميكروبات ، و تبدأ تشك ان ابنها عنده نشاط روماتزمى أو حمى روماتزمية . . و هنا يبدأ الأهل اعطاء الإبن حقن بنسلين بدون مبرر . . عشان كدة قررنا نوصفلكم أعراض الحمى الروماتزمية ؛ خاصة بعد ما اكتشفنا ان معظم الأطفال الذين تشخص حالتهم على انها حمى روماتزيمة هم أبعد ما يكون عن هذا التشخيص
أعراض الحمى الروماتزيمة :
ــ أحمرار شديد و ورم فى المفصل سواء كان مفصل الركبة أو الكوع أو اليد
ــ الطفل يجلس على الأرض و لا يستطيع الوقوف
ــ إذا حدث إلتهاب فى مفصل اليد مثلا ، نجد ان الألم ينتشر فى الجسم كله و ينتقل من اليد على الكوع او الركبة
و ماحدش يسمع كلام الدكتور إللى يقوله : " إبنك عنده شوية نشاط روماتيزمى "
مدام انت ما شفتش الأعراض السابقة بعينك ما تصدقش كلام الدكتور حتى و ان كانت التحاليل بتقول ان فى نشاط زائد فى أجسام ضد الميكروب السابحى و الأجساد المضادة للميكروبات . . ما تعرضوش اولادكم لعلاج دون لازمة ، ده غير ان ابر البنسلين ممكن تسبب لبعض الأطفال حساسية ، يبقى احنا بالشكل ده اتسببنا فى مشكلة لإبنا من غير داعى
و يمكنكم سماع الموضوع بالتفصيل من الدكتور رفعت الجابرى على الرابط ده

لكم تحياتى
مامى لأول مرة

‏ليست هناك تعليقات:

إرسال تعليق

please live a comment or a message
ارجو ان تترك تعليق او تجربة شخصية

ملحوظة: يمكن لأعضاء المدونة فقط إرسال تعليق.

moving sky