لنمو الرضيع

المتابعون

تحذير

حقوق الملكية الفكرية محفوظة لمدونة مامى لأول مرة و محذور على اى جهة أو موقع استخدام المادة المكتوبة أو النقل منها دون اذن كتابى

الرسائل و التعليقات ُتقبل من أعضاء المدونة فقط

Translate

share

Share/Save/Bookmark

الجمعة، 10 ديسمبر، 2010

الوزن المثالى للرضيع و نموه


يسأل الكثيرون و الكثيرات عن الوزن المثالى للرضيع و الزيادة التى يجب ان يزيدها خاصة فى السنة الأولى من عمره . . و هنا نقول لكل من يبحث بشغف عن هذه المعلومة :

  • ينبغي أن يزيد وزن الطفل الحديث الولادة بمعدل ( 25- 30 ) جم في اليوم من الأسابيع الثلاثة الأولى لحياته

  • و يزيد من ( 20 – 25 ) جم يوميا في الشهر الثاني

  • و 15 جم يوميا بين الشهر السادس والسنة الأولى من عمره

  • وفي البدء يتم وزن الطفل كل يوم للتعرف على نتيجة الرضاعة ، و ان كان يخذ حاجته و كفايته من لبن الأم ؛ اما انه بحاجة لمساعد خارجى . . و بعد التأكد من ذلك ، فان الوزن اليومي يغدو عديم الفائدة ويكفي وزن الطفل مرة كل أسبوع
و لمعرفة وزن الطفل الرضيع الانثى و الزيادة المناسبة في الاشهر الاولى ستجدونه بالتفصيل على هذا الرابط


أما وزن الطفل الرضيع الذكر و الزيادة المناسبة في الاشهر الاولى ستجدونه بالتفصيل على هذا الرابط
-->




و لمتابعة الزيادة فى الوزن بالنسبة للطول سواء للذكر أو الأنثى يمكنكم مقارنتها بالجداول التالية :










و لمعرفة درجة النمو العقلى و تطوره لدى الرضيع يمكنكم متابعتها من هذا الجدول




و لكم تحياتى

هناك 14 تعليقًا:

  1. ممكن سؤال:ابني وزنه 12 كيلو وهو توه دخل الشهر السادس , عادي لو لا ؟؟؟ ارجو الرد

    ردحذف
  2. اولا لازم نعرف ابنك اتولد ووزنه قد ايه ... لكن عموما ابنك وزنه زايد تلاتة كيلو عن المتعرف عليه ... لأن الرضيع اللى خلص الشهر السادس وزنه بيتراوح ما بين 6 كيلو و 9 كيلو و نص ... عشان كدة أنصحك تعملى جدول لرضاعة ابنك و ترضعيه كل تلت ساعات .. و تبدئى تدخلى إبنك وجبة أكل بس بعد ما تدرجى له الأكل ، معلقة كل يوم لحد ما نوصل لوجبة

    ردحذف
  3. أنا سعيده جدا بالمشاركه معاكم موممكن سؤال: بنتى دلوقتى 3شهور ونصف وزن الولاده 3500 كيلو جرام ووزنها الحالى 6كيلو جرام وطولها 63 سم وتعتمد على الرضاعه الطبيعيه فقط أنا نفسى اطمن عليها حسه ان هيه صغيره شويه فى الوزن بالنسبه لطولها حاولت مره اديها رضعه صناعى باليل بس رفضتها وانا فرحت بصراحه ن هيه رفضتها انا عايزه اطمن عليهامعلش أصل انا مامى لأول مره وأمتى أبدأ أدخل الأطعمه الصلبه وانا لحظت انا هيه بتريل كتير جدا جدا وبدأت تعضعض كير فى صبعها وبدات تزرجن باليل هل ده ممكن بدايه تسنين .شكرا جزيلا وأرجو الرد

    ردحذف
  4. انا ابني عنده 6 شهور ووزن الولاده كان 3500 ودلوقتي 8700 وخايفه يكون كده وزنه زايد ياريت تطمنيني لانه دلوقتي ممكن يقعد مثلا على الكنبه ويسند ضهره عليها بس لو على الارض بيتني نفسه لقدام علشان يحط ايده عند رجله ومابيعرفش يمسك نفسه كويس ده طبيعي يعني ؟

    ردحذف
  5. من فضلك تشتركى فى المدونة حتى نتمكن من الرد على سؤالك ... و بعد اشتراكك و ظهور اسمك على المدونة اكتبى سؤالك مرة أخرى و لك تحياتنا ..... كنا قبل كدة بنرد على سؤال أى حد لكن اكتشفنا ان فى موقع اسمه بى بى بيسرق اجاباتنا ، عشان كدة من فضلك اشتركى فى المدونة و إسألى أى سؤال تحبيه مدى الحياة

    ردحذف
  6. أم حنين : احنا الأسعد بوجودك معانا .. الحمد لله وزن ولادة بنتك جيد جدا و اقرب للمثالى .. و كويس جدا انها بتعتمد على الرضاعة الطبيعية ... ما تقلقيش على بنتك هى وزنها ممتاز بالنسبة لطولها و سنها ... هى محتاجة تزيد 700 جرام عشان يبقى وزنها مثالى ، لأن الرضيعة إللى وزنه 63 سنتى وزنها المثالى 6 كيلو 700 جرام
    فأرجوكى ما تديهاش لبن صناعى و تدخلى نفسك فى مشاكل اللبن الصناعى و الامساك و السمنة .. خليكى زى ما انتى ، و تقدرى تأكلى بنتك اول ما وزنها يبقى سبعة كيلو

    بخصوص الريالة و العضعضة دى أكيد بداية تسنين و تقدرى تجبلها جل اسنان من الصيديلة الخاصة بالرضع ، و تديها عضاضة ، بلاش تيتينة عشان ما تتعودش عليها و ندخل كمان فى مشاكل الفطام منها

    ردحذف
  7. ارجوج يادكتور انا ام رقيه وزن الولاده 3100جرام وبعد شهرين رفضت الرضاعه الطبيعيه وبتاخد لبن صناعى وهى بترجع وعند3شهره ووزنها الحالي 4800

    ردحذف
  8. وزن طفلتلك عند الولادة متميز و جيد ، لكن بخصوص الوزن فى الشهر التالت ، فالرضيع الانثى فى نهاية الشهر التالت لازم يكون وزنها خمسة كيلو 400 جرام

    و هذا لا يعنى ان طفلتك وزنها سئ و لكن هذا يعنى كأنك ولديها بوزن 2 كيلو و 900 جرام ... و كل الأوزان دى جيدة و فى نطاق الصحة

    اما بخصوص الترجيع فهو نوعين ، ترجيع قليل من اللبن مع التكريع او مع النوم بعد الرضاعة ، فهذا يعنى ان ابنتك شربت لبن زائد عن حاجتها و بتطرده ... و ده طبيعى و غير مقلق

    و ترجيع بسبب اعراض طبية ، ان البنت تكون رافضة هذا النوع من اللبن الصناعى ، و هنا الدكتور لازم يكتبلها على لبن جديد ... او تكون البنت عندها ضعف فى المرئ ,,, و بما ان وزن ابنتك يقل عن الوزن إللى المفروض تكون عليه ، انصحك تروحى للطبيب يكتبلك على لبن ضد الترجيع لأن احتمال كبير يكون عندها ضعف فى لسان المزمار ، اعرضيها على الدكتور و بالكشف ح يظهر

    اما بخصوص رفض ابنتك الرضاعة الطبيعية ده للأسباب التالية أهمها ضعف اللبن فى ثديك ، لأن الرضيع يعشق لبن الأم ، و لا يتحول عنه بسهولة إلا اذا كان لبن الأم ضعيف او مش موجود .

    الحاجة التانية ان الأم تكون بتأكل أكلات فيها ثوم او بصل او اى حاجة نفاذة بتغير من رائحة و طعم اللبن الطبيعى و لهذا ينصرف الرضيع عنه

    انصحك بقراءة الموضوع ده عن زيادة لبن الأم يمكن يجيب معاكى نتيجة أفضل

    ردحذف
  9. السلام عليكمورحمة الله وبركاته
    ابنى عند الولادة كان وزنه 2.15ودلوقتى عمره سنتين و9شهور ووزنه12.800وطوله91 هل هذا مناسب لسنه ولا ضعيف لانى شايفه ان جسمه ضعيف اوى ارجو الاجابة وجزاكم الله خيرا

    ردحذف
  10. السلامو عليكم و رحمة الله و بركاته

    برجاء الاشتراك فى مدونة مامى لأول مرة حتى نتمكن من الرد على السؤال .

    ردحذف
  11. انا ابني عمره تسعه اشهر ووزنه ثمانيه. وستميه

    ردحذف
  12. الس
    لام عليكم انا وزن ولدي عند الولاده كان ثلاثه كيلو ودحين عمره تسعه اشهر وزنه8 وستميه

    ردحذف
  13. برجاء الإشتراك فى المدونة حتى نتمكن من اجابة السؤال

    ردحذف
  14. سلام عليكم
    ممكن اعر ف وزن ابنى كويس ولا هو مولود 3 كيلو وهو دلوقتى 7300 عندة 8شهور ونص

    ردحذف

please live a comment or a message
ارجو ان تترك تعليق او تجربة شخصية

ملحوظة: يمكن لأعضاء المدونة فقط إرسال تعليق.

moving sky