نمو الرضيع

https://youtu.be/7oZMAQxeJ20/a>

لنمو الرضيع

المتابعون

تحذير

حقوق الملكية الفكرية محفوظة لمدونة مامى لأول مرة و محذور على اى جهة أو موقع استخدام المادة المكتوبة أو النقل منها دون اذن كتابى

الرسائل و التعليقات ُتقبل من أعضاء المدونة فقط

Translate

الثلاثاء، 14 ديسمبر، 2010

علاج ورم تحت الإبط




ابنى عمره 3 شهور و نص ، و من حوالى عشر أيام ظهر عنده ورم تحت الباط ، مع انه مطعم تطعيم الدرن و عمله علامة كبيرة طولها سنتى تقريبا

و هنا نقول لهذه الأم الطيبة ، الأمر منحصر فى حزئين لكن قبل ان نتكلم عنهما يجب ان تعرفى ان تطعيم الدرن هو السهل الممتنع ، لأنه أصعب تطعيم و أسهل تطعيم . . فهو تطعيم دقيق رغم سهولة طريقة أخده . . فتطعيم الدرن لازم يتآخد بمنتهى الحرص ، فهو يستخدم له سن ابرة بنفس رفيع يشبه ابرة الإنسولين و يتآخد جوة الجلد . . لكن إللى بيحصل اننا بنطعم تحت الجلد و ده بيأثر على الجسم و عشان كدة بيعمل خراج صغير او دمل . . و لأن التطعيم كان تحت الجلد و مش جوة الجلد فده بيساعد على زيادة الغدد الليمفاوية تحت الإبط نتيجة ان التطعيم إتآخد بطريقة خاطئة او بجرعة زيادة

فلو الورم مساحته صغيرة او حجمه صغير ما تخافيش ، و ما تقلقيش ؛ لأنه ح يختفى بالوقت . . لكن لو حجمة كبير و بيسبب ألم للطفل : نصيحة : اعرضى ابنك على دكتور فى الغدد الليمفاوية ، عشان يكتبله على دواء و مضاد حيوى خاص بالورم يساعد على اختفاءه . . فحجم الورم و شكله و طبيعته علاجه و درجة الألم الذى يسببه للطفل يقيمه استشارى فى طب الأطفال او اخصائى أطفال
و يمكنكم سماع الموضوع من الدكتور رفعت الجابرى استشارى طب الأطفال و حديثى الولادة على هذا الرابط
بنتى عندها عشر شهور دلوقتى ، وزن وقت الولادة كان 3100 ، بس كانت شاربة ماية فلما شفطولها بقى ونها 2750 جرام ، و وزنها دلوقتى حوالى 9500 . . و فى يوم اختلطت ببنت عندها درن ، و عملتلها تحليل الدرن عشان أتأكد من عدم اصابتها لكن للأسف الدرن ماظهرش على إيدها و الدكتور قالى انهم حقنوها بمادة ما اتفاعلتش معاها ولازم أعيد تطعيم الدرن و هى كان عمرها سبع شهور . . و بعد ما ادتها التطعيم عرفت ان تطعيم الدرن ما بيتخدش غير فى فترة محددة و هى من اول خمس تيام فى الولادة و لحد أول تلت شهور . . فهى بكدة تبقى اطعمت و بقت طبيعية ولا فى مشكلة و اعالجها إزاى ؟؟

الإجابة : بنتك وزنها كويس و طولها تمام . . و بالنسبة لتطعيم الدرن لازم يتآخد اول تلت شهور ، و عشان يتآخد صح يبقى لازم يتآخد جوة الجلد مش تحت الجلد او فى العضل . . و عشان نتأكد انه اتاخد صح لازم ثظهر نتيجة التفاعل فى شكل حباية او دمل تعمل صديد من غير ألم ، يتم تصفيته فيعمل قشرة . . و لازم الأهل يعرفوا ان الحباية دى بتظهر ما بين يوم التطعيم و لحد تلت شهور قدام ، فماحدش يستعجل . . لكن لو ما ظهرتش ؟؟؟ نعمل تحليل للدرن
لكن ما نعملش اختبار الدرن قبل سنة من عمر البيبى ، لأنه لو اتعمل قبل سنة من عمر البيبى النتيجة ما بتكونش صح

لكن ليس هناك داعى ان اطعم ابنتى مرة أخرى لمجرد انها اختلطت بمريض درن، فمن الممكن ان تأخذ الميكروب و من الممكن ان لا تصاب به

أما عن التطعيم الجديد إللى اخذته الرضيعة إللى عمرها سبع شهور ح يحصل حاجة من اتنين ، لو بنتك عندها مناعة يبقى ل اللى ح يصيبها مجرد خراج كبير فى دراعها
و لو ما ظهرش عليها حاجة خالص يبقى التطعيم التانى فيه مشكلة ، فربما يكون غير صالح
و الحل الأمثل اننا نستنى إلى ان تتم ابنتك عامها الأول ، و تعملى اختبار الدرن و بعدها نتأكد ان كان التطعيم قد أفادها ام يجب ان يعاد مرة أخرى
و ده ممكن تسمعوه من الدكتور مدحت الزيات استشارى الأطفال و حديثى الولادة على الرابط التالى
لكم تحياتى
مامى لأول مرة
http://la3ya3nyno.blogspot.com/