 |
| صفرا فى الأطفال حديثى الولادة - http://mamy1st.blogspot.com/ |
لازم نتعامل مع الصفرا فى
الأطفال حديثى الولاده بمنتهى الجدية ... ح أحكيلكم حكاية حصلت السبوع إللى فات
... فى طفل اتقاست صفرته بعد الولادة طلعت تسعة ... الطبيب قال للأهل تعالوا بكرة
عشان نقيس الصفرا كمان مرة الصفار وصلت 19 و تالت يوم وصلت الصفرا 39 .. مع ان
الطبيعى فى الأطفال ان الصفرا ما تظهرش فى اول يوم ابدا
African affiliation program
لكن فى حاجة اسمها الصفرا
الفسيولوجية بتظهر فى اليوم التالت أو الرابع من الولادة ... لكن لو ظهرت الصفرا
من اول يوم لازم تتاخد بمحمل جديدة تامة ... و الصفرا الطبيعية بتنزل بعد الأسبوع
الأول و دى إللى اسمها الصفرا الفسيولوجية نتيجة بدأ عمل الكبد عند الرضيع ... لكن
الطفل إللى عنده صفرا من اول لازم يتعالج عشان كبده لا يتأثر ... فالطفل المصفر من
اول يوم لازم يدخل الحضانة و يآخد أشعة ضوئية و نعمله التحليلات اللازمة ... لكن
لو الطبيب أهل قياس الصفرا من اول يوم او الأهل ما خدوش بالهم بيحصل كوارث للرضيع
... فالطفل إللى الطبيب أجل علاج الصفر لمدة تلت ايام عرض الطفل لتغير الدم ثلاث
مرات
ارجوكم نقيس الصفرا من اول
يوم و لو لقيناها ظاهرة لازم نبدأ فى العلاج و التحاليل ، اوعوا تأخروا علاج
الصفرا يوم واحد لأنها بتتسبب فى كوارث بعد كدة ... لكن لو فى اليوم التالت ظهرت الصفرا و بدأت تقل بالرضاعة الجديد و الاعشاب نعرف انها صفرا فسيولوجية و
مش مرضية و ح تخف و مافيش منها أى خوف أو قلق ، لكن لو الصفار بدأت تعلى يبقى لازم تتعالج فورا
لماذا نعالج الصفرا؟
