ابنى دايما الحركة و ما بيقعدش

انا ابني عمره سنة وتلات شهور وحركته زايدة جدا لدرجة انه مش بيقعد دقيقه مهما اغريته بالعاب كتير عشان يقعد يلعب بيها بياخدها في ايده وهو برده بيتحرك ولاحظت عليه انه ابتدا يكون عدواني ويضرب اي طفل يحاول يلعب معاه انا مش عارفة اعمل ايه لانه لا يستجيب ابدا لاي توجيهات باقولهاله ومش بيسمع الكلام ابدا

الاجابة :

الحركة الزايدة عند الطفل بيكون لها سببين اولا طبيعة الأكل اللى بيكله او بيكون الطفل عايز علاج سلوكى و ده لازم طبيب مختص يشوفه ... لكن الحقيقة كتير من الأهالى بيعتبروا حركة اطفالهم زايدة و هى بتكون طبيعية ، بس الطفل عايز يلعب و يجرى و الاهل عايزينه يقعد مكانه ما يتحركش و ده لضيق المكان او ان البيت صغير و ممكن يتخبط فى حاجة و طبعا الطفل مالوش دعوة بالمشاكل دى هو لازم يتحرك عشان عضلاته تكبر و تنمو ... ارجوكى لا تتعاملى بعنف مع ابنك لآن الأطفال لا يولدون و بهم عنهم و لكن تعلموه من الكبار ... و عشان ابنك يسمع كلامك لازم حضرتك تسمعى كلامه ، لازم يسمعك بتقولى حاضر عشان يقلدك

و لك تحياتنا

مامى لأول مرة