خطة الحوار مع الطفل وقت البكاء - الجزء2

عند بكاء الطفل تحت سن 3 سنوات ييجب ان نحتويه و نشعره اننا نتفهم مشاعره جيدا ... فيجب تهدأته قبل الحوار معه فى أى شئ

-       يجب استعمال لغة بسيطة و موجزة معه

-       فالطفل أقل من ست سنوات غير قادر على تهدئة نفسه بنفسه لكن عندما نؤكد له اننا نتفهم مشاعره فهذا يساعده على تدريب دماغه على ايقاظ الجزء الخاص بالتحكم فى المشاعر ليكون قادرا على تهدئة نفسه

عندما يرتكب طفلك خطاءا و يبكى مدافعا عن نفسه :

-       اول خطوة فى الحوار ان اجلسه على قدمى و اضمه او انزل الى طوله و امسك يداه برفق ، فالملامسة من أكثر الاشياء التى تساعد المخ على افراز هرمون التهدئة و بذلك نكون قد ساعدنا الطفل على الهدوء قبل الحوار ليكون حوار مثمرا ناجحا

-       و اثناء مرحلة الاحتواء و الضم لا نتركه يتكلم و نطلب منه ان يهدأ اولا لأن الحوار لا يجدى مع أى ثورة ... و عندما يهدأ تماما نبدأ الحوار

-       ملاحظة مهمة لازم  نآخد بالنا منها لو ابنك مش قادر يوقف عياط و عنده احساس شديد بالقهر  لازم تحتوى مشاعره و تأكدله انك متفهم كل اللى هو حاسس بيه ... و بكدة نكون بعتنا لمخه رسالة تقلل البكاء و مظاهر الزعل ، و بكدة نكون ساعدنا الطفل على تقليل مظاهر الغضب لأننا حاسين به

-       قبل الحوار معاه ان قال اى شئ و هو منفعل و حاول استفزازك من فضلك تماسك حتى يكون طفلك فى وضعه النفسى الطبيعى ... ولازم تعرف انك مسيطر على الوضع تماما

-       و كرر عليه الجملة دى دايما : " ودانى مش بتقدر تسمعك و انت بتعيط  - انا مستنياك تمسح دموعك و تبطل عياط عشان ودانى تقدر تسمعك"

عبارات يمكن ان نستخدمها لمساعدة طفلك على انهاء البكاء :

-       أنا شايف انك  زعلان ازى لكن واثق انك تقدر تهدى نفسك و توقف العياط

-       ممكن اساعدك توقف العياط ، اتفضل اشرب ماية

-       يلا نمسح بالمنديل الدموع الجميلة دى

-       شوف انا شياف ايه ؟ امسح دموعك عشان تعرف تشوف معايا ... و عندما يتنبه و يمسح دموعه نقوله انا شايف وش ولد جميل ما بيحبش العياط ابدا

- " ودانى مش بتقدر تسمعك و انت بتعيط  - انا مستنياك تمسح دموعك و تبطل عياط عشان ودانى تقدر تسمعك"

و لكم تحياتى

مامى لأول مرة 

الطرق السرية للحوار و التفاهم مع الطفل

عندما تبدأ التفاوض مع طفلك عليك ان تتحلى بالصبر و تحاول ان تجعل التفاوض يبدأ فى الأول لصالحه حتى لا يلجأ الطفل للبكاء فان لجأ اعرف انك خسرت أى جولة للتفاوض معه فى اى مرة قادمة

لا تعطى انطباع لطفلك انك متشبث برأيك ... لكن اظهر له بعض المرونة و اقنعه فى النهاية باسباب رفضك ، حتى لا يقلدك هو الآخر و يتشبث برأيه و تكون النتيجة انك ساهمت فى خلق طفل عنيد يتعبك و يتعب كل من يتعامل معه فيما بعد

-        اعتاد على شكر ابنك بعد كل موقف ايجابى يقوم به ... خاصة عندما تبدؤا التفاوض معا اشكره على انه وقف عياط حتى يتمكنوا من الكلام معا

-        اكدوا للطفل سعادتكم بالحوار معاه حتى تصلوا لحل للمشكلة التى كانت تؤرككما ... فاكد لطفلك سعادتك بالاحديث معه مثل الكبار ، فا،ت فخور به لأنه يناقش الأمور بالعقل و المنطق

  سلوك الأهل فى مرحلة البكاء :

-        اولا لا تتفاوض مع الطفل و هو يبكى لأنك بذلك تعلمه ان البكاء يؤثر فى الأهل و بكدة لن ينقطع عن تلك العادة ابدا

-        لا  تقل للطفل ما تعيطش لأن البكاء يساعده على التخلص من حالة الكرب المسيطرة على نصف عقله السفلى

-        اشعر الطفل بالآمن و الحب دون أى شروط

-        لا تجعل طفلك يصل لمرحلة عدم الشعور بالآمان قائلا ماما ما بتحبنيش ، انا مش حاسس بالآمان – لأن دى بداية فقط الطفل الثقة بنفسه و باهله ، لا تجعل مشكلة ما تدمر ثقتك بطفلك و تضيع شخصيته مسببة له اضطراب نفسى و شخصى و سلوكى ، و يتحول لشخص عدوانى كذاب بيسرق مش  بيركز ... عشان كدة مهما حصل لازم ما نفقدش ابننا الاحساس بالآمان

-        عدم السماع الطفل يؤدى الى تكرار بكاءه مما يتسبب فى عصبية الأهل و التهديد بالعقاب و هذا يفسد الأمر بين الطفل و الاب و هنا يرسل الأب الى طفله ثلاث رسايل مهمة و هى :

الطفل بيكتشف ان البكاء بيعصب الاهل و هنا يكون سلاح يستخدمه ضدهم ليزعجهم

الطفل بيكتشف انك ضعيف و لا تتحمل البكاء فيستخدمه لتنفيذ كل طلباته سواء كانت صح او خطأ فقد عرف و اكتشف نقطة ضعفك

لو قدرت تتخطى منطقة البكاء و تسيطر على نفسك اعرف انك على الطريق الصحيح لتربية طفلك و فى بناء علاقة قوية به ... و لازم نعرف ان الحوار هو مفتاح تعديل سلوك الطفل و تعديل مسار العلاقة بينكم

و لكم تحياتى 
مامى لأول مرة 

متى تتفاوض مغ طفلك

أكبر خطأ يقع فيه الأهل هى محاولة التفاوض مع الطفل و هو يبكى ... لازم الأهل يعرفوا ان الطفل و هو يبكى بيكون مش سامعك و ده بسبب ان الجزء العلوى من رأسه يكون غير مفعل و اللى مسيطر عليه الجزء السفلى و هو المسؤل عن الانفعال و البقاء و يكون محور تحركه الآن هو اضرب أهرب تجمد ... و هنا يحاول الأهل  التحدث مع الطفل بالمنطق و هذا غالبا يكون شئ غير مجدى  لأننا لازم ننتظر حتى يتعامل الطفل مع الجزء العلوى من راسه

كيف نجعل الطفل يتعامل مع الجزء العلوى من رأسه اثناء البكاء ؟

هذا يحدث بان نقول للطفل ات شكلك زعلان أوى اوى ... انا عارف انك زعلان اوى ... كان نفسك تلعب أكتر فى المراجيح  ، فعلا معاك حق ، هى حاجة تزعل

و يصمت الأب او الأم ... لأنه بالجملة السابقة أكدوا للطفل انهم متعاطفون معاه و اقروا بمشاعره و قاموا بدعمه

و بعد ذلك نبدأ فى ايقاظ الجزء العلوى من رأسه لما نقوله : " احنا عارفين انك زعلان بس لازم تعمل كذا و كذا عشان ما يحصلش كذا و كذا

كلمة "بس" بتصحى عقله و بتنبه للاوامر و القواعد اللى ما طبقهاش خصوصا و انكم اثبتوا تعاطفكو و بدأتوا تملوا شروطكم

و لكم تحياتى

مامى لأول مرة