لماذا يكره اطفالنا المدرسة :
1- الصحيان بدري
و لحد المشكلة دى لازم ابنك يآخد حقه الكامل فى النوم و ينام عشر
ساعات كامله عشان لما تصحيه ما يبقاش عنده مشكلة فى الصحيان بدرى ... لأن المشكلة
الحقيقة فى الاحساس بالرغبة فى النوم مش فى الصحيان
2- لبس المدرسة :
لبس المدرسة بيسبب مشكلة ان معظمنا
بيفضل يدور الجزمة و الشراب ، يى يى الشراب مش نضيف ، هاتوا واحد تانى ... الجيب
مش مكوية ، البنطالون عايز حزام ... و كل دى حاجات تقلل من صفو الصباح و تكره
الواحد فى لبس المدرسة و الحل اننا نحضر اللبس من بالليل مع شنطة المدرسة ، بحيث
يتعامل الطفل مع اللبس بشكل اوتوماتيك مش محتاج تفكير .... التفكير وقت الاستيقاظ
يرهق العقل و يعطى اشارات بالكره
3- الامتحانات المفاجئة
تقريباً محدش بيبقى مذاكر وكل الفصل بيجيب درجات وحشة، وفي الآخر
المدرس بيضايق ... و حل المشكلة دى اننا نذاكر اول بأول ... اولا ح نخفف العبئ و ح
نستوعب الهدف من الدرس ، و ح نكون مستعدين لإى امتحان فى أى وقت ، و بكدة ح يكون
الامتحان فرصة لتثبيت المعلومة مش عبئ علينا
4- قواعد المدرسة
العيب مش فى قواعد المدرسة ، المشكلة فى الفوضى اللى فى البيت ، فيذهب
الطفل الى المدرسة و هو فوضوى و كاره للنظام ، و يطلب من المدرسة ان تنسجم مع
فوضته .... حل هذه المشكلة ان نضع نظام فى البيت فيعتاد الطفل على النظام فى اى
مكان و تنفيذ التعليمات التى تكون غالبا فى صالحه
لكن لو طبعا فى اى حاجة فى القواعد المدرسية تحتاج إلى مراجعة يجب
الرجوع إلى المدرسة و تغيرها عن طريق الادارة و مجلس الأباء
5- الإذاعة المدرسية
يعتقد البعض ان الاذاعة المدرسية مملة و يتمنى البعض إلغاءها ... مع
ان
مع ان الاذاعة المدرسية دى فرصة للآتى :
مع ان الاذاعة المدرسية دى فرصة للآتى :
-
تنشيط مواهب الطفل من غناء و عزف و تلاوة قرآن و خطابة و تأليف و
تمثيل
-
تقوية الشخصية و مخاطبة الجماهير من اعمار مختلفة
-
بداية يوم دراسى نشيط
-
تنمية الانتماء مع تحية العلم
-
التواصل مع ادراة المدرسة
بشكل غير مباشر عن طريق تعرفهم على موهبتك
شجعوا اطفالكم على الاشتراك فى الاذعة المدرسية
و لكم تحياتى
مامى لأول مرة
