السؤال ده وصل لنا يوم 5 أغسطس :
السلام عليكم لو سمحتم انا بنتي عندها سنة وخمس شهور وزنها 8 كيلو
وطولها 71 وكان وزن الولادة 2 كيلو طبعا شكلها نحيف جدا وقصيرة جدا وبترضع طبيعي
ورافضة الاكل وعندها لين عظام غير نشط لان تحليل الكلسيوم طلع 10 ونصف انا سؤالي
هي كدة عنده فشل نمو ولو عندها فشل نمو ايه التحاليل المطلوبة للتاكد من عدم مرضها
بمرض مزمن لاقدر الله الرجاء افادتي
الإجابة من مدونة " مامى لأول
مرة "
بنتك لازم تتعرض للشمس فى اوقات الغير ضارة يعنى من الساعة اربعة و نص
بعد العصر ، و الصبح الساعة ما بين سابعة و تمانية الصبخ و تكون فى الضل طبعا ....
و تآخد فيتامين دال عشان تمتص اشاعة الشمس بشكل جيد يقضى على لين العظام ... امنع
عن بنتك الحلويات المغلفة و العصائر اللى فيها مواد صناعية و المواد الفازية
تمنعها فورا ... و تعملها جدول تغذية ، و اشترك لها فى نشاط رياضى ، تآخد دش قبله
و دش بعده و بكدة ح تجوع و ح تآكل كويس ... أكلها أكل مفيد و مغذى زى الخضار و
الفاكهة و السمك و اللحمة و الكبدة و شربها لبن ... ابعد عنها الشيبسى و الدوريدوس
و المصاصات و الشيكولاتة و البيبسى و الكولا ، الجاجات دى بتسد نفس الأطفال و لا
تساعد على نموها ... و نيم بنتك الساعة تسعة بالليل لأن هرمون النمو يفرز ليلا
.... البنت محتاجة رعاية مش علاج
و لكم تحياتى
مامى لأول مرة
