احذروا سمنة الرضع - فهى تدمر مستقبلهم

ده حوار بين أم خايفة على بنتها إللى بدأت علامات السمنة تظهر عليها .. أقروا و يا رب تستفيدوا منه و تحافظوا على ولادكم 

احذروا سمنة الرضع - فهى تدمر مستقبلهم

السلام عليكم ورحمة الله وبركاته
بنتى جنى عندها سنه وسبع شهور ووزنها 17كيلو
كانت بتتغذى ع السيميلاك منذ الوﻻده وفطمتها من كام يوم
مش بتردى تاكل اى لحوموﻻ بيض وﻻ لبن وﻻسمك
المشكله ف وزنها واكلها وكمان الكلاممتاخر شويه
بتقول ماما وننه ومم وفضل وكانت بتقول يارب ونعم بس حساها بتنسى الكلام اللى عرفاه وبتحب التليفزيون جدا وبتبقى مركزه معاه ببشاعه ومش بترد عليا وﻻ بتعبرنى لما اناديها مع انها كانت من فتره لما اناديها تقول معم
قلقانه جدا ومش عارفه اتعامل معاها ازاى
ارجو الرد ولكم جزيل الشكر

و   ده  رد "مامى لأول مرة " :

مدونة " مامى لأول مرة " ليه يا بنتى كدة ... بنتك وزنها وزن طفلة عندها تلت سنين ... هى اتولدت وزنها قد إيه ؟؟؟؟

 Marzoukتلاته كيلو

مدونة " مامى لأول مرة " انتى ازاى عملتى فيها كدة ... ارجوكى تأكلى بنتك من أكل البيت تمنعى الحلويات الخاصة بالأطفال تأكليها خضار و فاكهى كتير ، حبيها فى الفاكهة ... امنعى التلفزيون و اشتريلها عجلة لعبة فى البيت بسندات ، اشتركيلها فى نادى خليها تتعلم سباحة ... التلفزيون لأ ... خرجيها ، ماشيها ، روحى عند قرايبك ، أصحابك الجيران ... لحد ما تنسى التلفزيون و تحب اللعب و التنظيط ... و اكليها من أكل البيت العادى اوعى تعمللها أى أكل مخصوص

مدونة " مامى لأول مرة " و لو رفضت الأكل سبيها لحد ما تجوع لما تجوع ح تاكل ، و حاولى تخلى أكل البيت صحى ، و تآكلوا معاها عشان تحب الأكل ما تأكلوهاش لواحدها

مدونة " مامى لأول مرة " و لما ح تخرجوا كلامها ح يتحسن .. التلفزيون خطر على الأطفال ، على النمو ، على النطق على الذهن و الذكاء ... ارجوكى اتعبى مع بنتك شوية عشان نحسن إللى بوظناه

 Marzouk هى طزلها حاليا 90سم

مدونة " مامى لأول مرة " الطول ده بيبقى وراثى ، فواضح ان فى حد طويل فى العيلة ... المشكلة فى الوزن ، و الأكياس الدهنية لو اتكونت و فضلت لحد عمر سبع سنين تعيش الطفلة و تكبر و هى بتعانى من السمنة

 Marzouk مش بتاكل من بره غير عصير وشيكوﻻته احيانا

مدونة " مامى لأول مرة " انتى بتأكليها إيه ؟؟؟

 Marzoukزبادى فاكهه وزبادى عادى هى مش معتمده على اكل بره

African affiliation program

مدونة " مامى لأول مرة " حبيبتى بنتك مولودة وزنها مثالى ... يعنى حصل حاجة خلتها كدة ... انتى أكلتيها سيريلاك من امتى بالظبط ؟؟

 Marzouk بتصحى تاكل زبادى واحيانا جبنه مثلثات وبتحب تشرب عصير كتير معظمه من البيت وتتغدى زى مابناكل وممكن تاكل منه ف العشاء ارز بخضار او زبادى بس بتحب الغصير كتير

 Marzouk ماكلتش السيريلاك غير مرات معدوده من سبع شهور

مدونة " مامى لأول مرة " طيب من فضلك أكليها الفطار اكل دسم ، و الغدا رز و خضار و لحمة ، او رز و سمك ، او فراخ و مكرونة ... بلاش عصير طول اليوم لأنه بيسد نفسها و لو خدت عضير ما تحطيش فيه سكر

مدونة " مامى لأول مرة " لو شايفة ان اكلها طبيعى يبقى من فضلك تعرضيها على دكتور غدد ... ممكن يكون عندها مشكلة فى الغدد مسببة زيادة فى الوزن

مدونة " مامى لأول مرة " الطول ده بيبقى وراثى ، فواضح ان فى حد طويل فى العيلة ... المشكلة فى الوزن ، و الأكياس الدهنية لو اتكونت و فضلت لحد عمر سبع سنين تعيش الطفلة و تكبر و هى بتعانى من السمنة

و لكم تحياتى

مامى لأول مرة