النصائح الذهبية للمذاكرة مع الصغير

المدرسة ح تبدا الأسبوع الجاى ان شاء الله و عشان كدة قررنا نبدا معاكو بدرى شوية و نقولكم على أهم النصايح اللى تسهل المذاكرة مع الصغار من غير اى توتر و او دوشة و يبقى الكل مرتاح و مبسوط

12 نصيحة ذهبية للمذاكرة و تحقيق اعلى الدرجات :

-        لازم نوفر للأطفال أكل صحى تتوفر فيه كل العناصر الغذائية لأن الأكل الصحى بينشط العقل و الذهن ، يعنى اى وجبة لازم يكون فيها خضار و فاكهة و بروتين و نشويات – ما نساش اللبن و اللحمة و الخضار بك اشكاله المطهى و النى

-        لازم نعود الصغير ينام بدرى و يستيقظ بدرى ، لآن النوم ليلا يريح الجسم و يساعد على استرخاءه و ينشط العقل و الذهن و الاستيقاظ مبكرا يجعل الذهن صافى و قادر على الاستيعاب بشكل افضل

-        لا يفضل ان يكل الطفل و هو يذاكر – يعنى بلاش حكاية السندوتشات و هو على المكتب دى ، لكن لازم يذاكر بعد الأكل بنص ساعة على الأقل و يفضل ان تكون ساعة

-        ممنوع ممنوع المذاكرة امام التلفزيون لآنه يشتت الذهن ، و ممنوع المذاكرة على السرير لآنه يدعو الى الاسترخاء و يفقد جزء من العقل نشاطه

-        يجب على الاهل معرفة عدد الساعات التى يقضيها الصغير فى البيت و تقسيم هذه الساعات الى ثلاث اجزاء جزء للعب و جزء للمذاكرة و جزء للراحة او للتلفزيون

-        لازم نعرف أن قدرات الأطفال مش زى بعضها ، فى طفل بيعتمد على حاسة السمع ، و فى طفل بصرى و فى طفل حركى ، و فى طفل حسى .... احنا ناول نتعرف على طبيعة طفلنا عشان نقدر نوصله المعلومة باسرع وقت و فى ابسط  صورة

-        لو فى درس صعب و ابنك مش قادر يفهمه قسمه الى عدة اجزاء و اشرح كل جزء لواحده و ايدله اسئلة على الجزء ده عشان يحس نه عمل انجاز و شوية شوية ح تلاقوا الدرس اتشرح و ابنك بقى متميز فيه جدا جدا

-        ساعدوا الصغير على عمل جدول للمذاكرة ... ساعدوه على  ترتيب المواد و تقسيمها اى اوقات و ساعات و اتركوه يحدد وقت البدء و الانتهاء لوحده ... فهذا يساعده على الثقة و كمان بيحسسه بالمسؤلية و يعلمه تحملها و الالتزام بيها

-        كافئه على أداءه و ان لم يكن كما تتمنى ، لكن المكافأة ستساعده على تحسين الأداء حتى يصل لما تتمنى المرات القادمة

-        لا تقارنه باخواته او اصدقاءه او جيرانه .. و اعرف ان الله ميزه باشياء اخرى ساعده على اتكتشافها

-        و اخيرا استغل المذاكرة فى زرع القيم و المبادئ و الاخلاق الحميدة فى نفس طفلك ... استغل وقت المذاكرة فى التقرب بينك و بين طفلك و ليس للنفور منه و زيادة الفجوة بينكم ... فلن ينفع طفلك ان يحصل على اعلى الدرجات و قد درمته بتعليقاتك السلبية المهينة

و لكم تحياتى

مامى لأول مرة