الاثنين، 12 سبتمبر 2011

تحفيظ القرآن للأطفال من أول 3 سنين .



فى أمهات كتير و اباء كتير نفسهم يعلموا ولادهم القرآن و ما بيعرفوش يودوه فيه .. محتاجين مكان امين يعامل الطفل بمحبة و يحفظ القرآن بشكل جيد ... و يمكن عامل الوقت بيأثر على قرار كل أم و أب فيضطروا يودوا ابنهم أى مكان خوفا من تضيع الفرصة عليه ... و عشان ما نستعجلش فى اختيار و فى البحث عن المكان المناسب لتحفيظ ولادنا القرآن جتلكم طريقة سهلة ممكن كل أم تتبعها مع ولادها فى البيت لحد ما تلاقى مكان مناسب يحبب ولادنا فى القرآن و هو بيحفظهم .. مكان ما يتبعش القسوة مع الأطفال و تكون النتيجة ان الطفل يهجر القرآن و يبعد عنه

لازم نعرف اننا ممكن نحفظ القرآن لأى طفل و طفلة عمره 3 سنوات ، و يقدروا كمان يحفظوا يوميا 3 سطور ... و يفضل اننا نحفظ فى يوم و نسمع فى اليوم إللى بعده .. مثلا يكون التحفيظ ايام  السبت و الأحد و الثلاثاء ،  و يكون التسميع يوم الأربعاء والخميس والجمعة .. و يوم الإتنين الطفل هو إللى يسمع للى بيحفظه .. و ده عشان نحسس الطفل بنوع من التواصل و تبقاش الحكاية رسمى و جافة ... و بعد مرور شهر نبدأ مراجعة كل إللى حفظنا الشهر إللى فات كله  . 

بهذا النظام ستجدوا أطفالكم قدروا يحفظوا من  سورة الناس إلى سورة فاطر ؛ حتى قبل دخول KG1

التحفيظ من سنة 3 سنين و حتى 6 :
الثلاثة سنوات التالية يتم فيها زيادة عدد الأسطر وجعلها نصف صفحة يوميا .. و نمشى طبعا على طريقة الحفظ فى ايام و التسميع فى أيام تانية
مع جعل شهر واحد للمراجعة المكثفة وليكن في رمضان . 

بهذه الطريقة ستجدوا الأطفال مع نهاية سنة خامس إبتدائي قد أنتهوا من حفظ القرآن الكريم كاملا . 

صفات المسئول عن تحفيظ الطفل :

  1. الصبر
  2. حب الطفل
  3. حب القرآن
  4. الإيمان باننا نؤدى عمل مفيد
  5. المصابرة والمرابطة و معناها سياسة  النفس الطويل. 
  6. ضرورى نكون مؤمنين بأن الله تعالى لا يضيع أجر من أحسن عملا لعل الله أن يجعلها لك من الباقيات الصالحات . 
و ده ما يمنعش اننا نبحث عن حد متحصص يراجع للطفل أو الطفلة كل ما حفظ و يفضل ان يكون بعد الإنتهاء من حفظ خمسة أجزاء لعمل اختبار شامل للأجزاء التي ختمت . 

أسلوب التحفيظ :
للطفل فى سن صغير :
  • عمل مسابقة ...مثلا استخدام سلم الخطوات بمعنى أن يقف ثلاثة عند خط واحد ثم يخطو كل واحد بعد أن يقرأ أية من السورة التي يراد تسميعها .فإذا أخطا يتأخر وإن كانت صحيحة يتقدم . وعند النهاية يكافئ الفائز بانى الون وردة باسمه فى شجرة تحفيظ القرآن


  • مش لازم قيد الطفل بمكان الحفظ او التسميع ، ممكن للطفل أن يتلو وهو على الأرجوحة أو في حجرك أو أن تطلبي منه أن يذكر آية وهو جالس وأية وهو واقف وهذه الأساليب تشجعه على الإستمرار والإهتمام بمتابعة الحفظ ، أو أن تحضروا له ميكرفون صغير ونجعله يردد الآيات ويتلوها . ومن المهم جدا كلما أنهى جزاءا أن نسجله و نخليه يسمعه  طبعا نحتفظ به ثم نخليه يسمعه في الرحلات أو أمام العيلة و اصحابه ليشعر بالإعتزاز ولا تفتر همته للمواصلة.
  •  وعلي المحفظ سواء كان اب او أم الحرص الكامل على الإستمرار ... و لازم يحرص على المحافظة و شدة الالتزام  و الثبات لإكمال الطريق .
  •  أن الإلتزام بجدول التحفيظ بشكل مستمر  يضع أسس إلتزام الأبناء مستقبلا على قراءة ومراجعة ورد ثابت يوميا لا يتخلفون عنه مهما كان السبب.
ملاحظات هامة :من المهم جدا  عند ترديد الآيات أو التسميع أن يكون بصوت مسموع ، حتى يسمع الطفل الحرف بأذنه ، وأن يكون جلوسك أمامه مباشرة، وأن تحتفظ بالتركيز عليه بجعل عينك في عين الطفل ، عندها سيشعر بجدية الموضوع وإحتواءك له . فإن كانوا أكثر من واحد دى ح تكون مناسبة أفضل لعقد المسابقة بينهما

في البداية قد يشعر المحفظ ببطئ في سرعة التحصيل (الحفظ والمراجعة)، لكن  بالصبر فستنموا ملكة الحفظ عندهم تدريجيا وستشعرون بالفرق مع مرور الآيام. 
- عادة يذهب الطفل من سن 6 أو 7 سنوات إلى دارلتحفيظ القرأن سوا كانت تابعة للمسجد او مستقلة ، ده مش معناه اننا نوقف الحفظ فى البيت ، لكن نعتبر حفظ القرآن فى المسجد مساعد لينا. 
و لكم تحياتى

مامى لأول مرة
http://la3ya3nyno.blogspot.com/