يكشف ملاك العقارات عن مخطتهم الحقيقى

للمستاجرين كل الحق القانونى و التشريعى ... و ماحدش ح يقهرهم

الغش فى الامتحانات و الدروس الخصوصية اخرها السجن

عصبية الام اكبر خطر على الاطفال

الأم العصبيه اخطر على أطفالها من اى فيروس

 الأم العصبية بالفعل تشكِّل خطر على أطفالها وقد تجعل جسم الطفل مشحونًا بالغضب؛ 

فالأم التي تكون منفعلة طوال الوقت تجعل الطفل مشحونة بـ ٣  هرمونات؛ هي: 

الكورتيزون والأدرينالين والنورادرينالين،

 وقد يكون الطفل عرضة للخطر وللإصابة بالكثير من الأمراض.

يعني ببساطة عصبيتك بتأذيه مش بتفيده أبدا .

🌼 طب زي ايه من الأمراض اللي ممكن تصيب الطفل نتيجة عصبية الأم :- 

1- التبول اللاإرادي.

2- صعوبة النطق .

3- النسيان. 

4- يكون الطفل أكثر عُرضةً للإصابة بالسكر و الضغط.

5- التشنجات.

6- العصبية. 

7- يتأثر مستوي تركيز الطفل، و دا لأن ارتفاع هرمون الأدرينالين بالدم بيسبب إغلاق الذاكرة بصورة مؤقتة عند الطفل. 

🌼من أشهر الأسباب اللي ممكن تكون السبب في عصبيتك هي:- 

🌼1- انك بتاخدي الأمور بشكل شخصي 

لأسباب غير منطقية تماماً،بتبدأ الأمهات تاخد عصيان اطفالها او عدم تنفيذهم لكلامها، علي إنه إهانة شخصية ليها! 

🌼 2- توقعاتك محتاجة تتعدل ✔

التعامل مع طفلك اللي كان بيبلغ 3 سنين هيكون مختلف عن التعامل مع الطفل اللي عمره 6 سنوات و كمان ردود فعله هتكون مختلفة ، 

يعني متتوقعيش ان رد فعل ابنك هيكون واحد علي مدار العمر و تعرفي ان دا الطبيعي عشان متبدأيش في العصبية و الغضب من غير أسباب منطقية. 

كمان لازم نحط توقعات ان الطفل مش هينفذ كل اللي بيتقاله و في موقف او اتنين علي مدار اليوم هيقول لأ او مش هينفذ اللي المفروض يتعمل. 

🌼3- طاقتك خلصت 

اشحني طاقتك عشان تقدر تتدي، خلي في وقت ليكي، بعيد عن الأطفال و عن اي حد، عشان تقدري تكملي. 

🌼  سر من أسرار التربية الناجحة و يعتبر من أهم الوسائل اللي ممكن تخلصك من العصبية وهي : السيطرة علي النفس. 

عشان تقللي من عصبيك، في طرق و خطوات كتير ممكن تتبعيها عشان تساعدك في دا، ومنها:-

 

- أول حاجة لازم تحددي سبب الغضب الحقيقي ايه، ايه اللي مضايقك و بتطلعيه علي الطفل، هل الشغل؟ هل مشكلة معينة؟ ، لازم نوصل للمشكلة فعلاً، عشان نعرف نحلها.

🌼- سيطري علي نفسك.

ازاى نتفرج على الافلام بالشكل الصح

الرضيع بيقدم نصايح لكل مامى لاول مرة

 لكل ام جديدة

شوفي بقى يا مامى:- 🤨

👶أول ما بتولد ممكن أقعد إسبوعين تلاته هادي و نايم ... مطلوب من حضرتك تصحيني بأي وسيلة و ترضعيني لإن سُكري ممكن ينزل و دا خطر على حياتي في المرحلة دي بعد الشر عليا 🤨

👶بعد الأسابيع الأولى هتلاقيني بصرخ و أعيط و هلم عليكي الخلق ... معلش تستحمليني الفترة دي أنا لسه جديد و مش متعود على الضوء و الأصوات و درجات الحراره المتغيرة و اللمس و الهدوم ... كل دا جديد عليا و باخد وقت لغاية ما إتعود يمكن أول ٣ : ٤ شهور و علشان كده هتلاقيني نضيف و راضع و فُلة بس ٱسف مش هبطل صريخ و ما عليكي غير الصبر يا أمي 😏

👶لو هترضعيني طبيعي إعملي حسابك إن الرضاعة حسب الطلب مش شرط كل ساعتين و من فضلك تهتمي بالنظافة الشخصية مش بحب ريحة العرق و ريحة الأكل اللي لازق في الهدوم و كمان مش بحب ريحة البرفانات النفاذة علشان حاسة الشم عندي قوية جداً و الحاجات دي بتخلليني مقريف طول الرضاعة ف ياريت تراعي دا ارجوكي 😌

👶و كمان لو ناوية ترضعيني طبيعي كفاية فنجانين قهوة أو مج نسكافيه في اليوم علشان الحاجات دي بتنزللي في اللبن و بتعصبني ... و ياريت تبعدي عن التوابل الحارة و أي حاجه مشهور عنها إنها بتعمل غازات زي الكرنب و القرنبيط و البروكلي لإن كل دا هاييجي على دماغك في الٱخر 😄

👶لو هترضعيني صناعي نظمي رضعاتي كل ساعتين تلاته على الأقل أول ٣ شهور بعد كده عند الطلب و الرضعة تتعمل بماء مغلي و متبرد و تتقدملي دافيه و لو بحبها بارده مفيش مشكله و الباقي من الرضعه يترمى فورا يا امي و ما تديهوليش تاني لإنه بيبقى إتلوث خلاص من بقايا لعابي ⁦☺️⁩

👶و ما تنسيش بعد كل رضعة أو رضعة و رضعة تجيبي قطنة مبلولة ماء دافئ و تمسحي تحت دقني و رقبتي من فوق و تحت إبطي و تنشفي الاماكن دي بعد كده بقطنة ناشفه علشان ما تتفاجئيش بالإلتهابات و تسلخات منظرها وحش بالذات لو كنت مكلبظ شوية 😊

👶كمان هدومي من فضلك تغسليها بمواد رائحتها مش نفاذة علشان زي ما قلتلك حاسة الشم عندي قوية و الروائح القوية سواء حلوة أو وحشة بتؤذي جيوبي الأنفية و بتخلليني مش قادر أشم رائحتك اللي متعود عليها و بتحسسني بالأمان و دا بيؤدي بالتالي إلى القريفة و الصراخ المتواصل و كله برده هاييجي على دماغك في الٱخر 

👶و من فضلك ما تسيبيش البامبرز مليان فترة طويلة على جلدي علشان التسلخات و إغسليلي بماء دافئ كويس و لو سمحتي بلاش أي نوع من أنواع بودرة التلك ذراتها بتدخل في أنفي و ممكن تسبب لي حساسية في الصدر على المدى الطويل ... إستخدمي كريمات الأطفال .. و لو هتستخدمي زيت جونسون إستخدميه على جلدي و هو مبلول بلاش على الجلد الناشف لإنه هاينشفه