اول شهر بناتى تقضيه فى الحضانة

قبل ان تتم بناتى عمرها سنتين و نص بدأت أسأل عن المدارس و اعرف الكويس منها و اتصل بالمدارس أعرف مواعيد التقديم و الورق المطلوب و استوقفتنى احدى المدرس لما لقتها طالبة بين اوراق التقديم شهادة للحضانة إللى كانت فيها بناتى ... و تعاملت مع الموضوع بسخرية ... عايزين شهادة من الحضانة عشان أقدم لبناتى فى الحضانة

ملحوظة للى مش فاكر انا عندى بنتين توأم عشان كدة دايما ح أقول بناتى

المهم و لأنى شخصية  اروبة ، قلت أسأل مديرة  المدرسة اللى كنت باتمنى الحاق بناتى بها ... سألتها عن اى حضانة ممكن ترشحهالى و تساعد بناتى فى دخول مدرستهم و فعلا الست كانت لطيفة و رشحتلى حضانتين .... و بسرعة كلمت الحضانة الأولى : صاحبتها رد عليا و قالتلى احنا خلاص خدنا الأطفال من اول العام الدراسى 
استغربت جدا ؟؟؟ العام الدراسة لحضانة ما قبل الحضانة ؟؟؟
 و حاولت اقنعها اننا لسة فى نوفمبر و أى حاجة فاتتهم انا ح  أقدر اذاكرها معاهم و أخليهم يحصلوا باقى الكلاس 

قالتلى نو مدام ، هنا خلاص ، تقدرى تقدمى السنة الجاية ، لكن بناتك السنة الجاية ح يكونوا كبار مش انفع ادخل عندنا


هنا الفضول اشتغل و سألتها طيب الكتب إللى بتشتغلوا منها  ، يعنى إيه المنهج اللى بيآخدوها .. قالتلى بنشتغل كل الكتب
قولتلها 
Merci

و لأنى برضه شخصية مدبرة و اروبة قولت هما الأطفال ح يآخدوا إيه يعنى فى الحضانة
غير  الحروف و على كل حرف كام كلمة 
و الارقام 
و الالوان
وسائل المواصلات
و الفواكة و الحيوانات
و قعدت اذاكر مع بناتى  و برضه دخلتهم الحضانة لمدة شهرين عشان يآخدوا منها شهادة

الحضانة قبل المدرسة مهمة لكن لو ظروفك الاقتصدية ما تسمحش ، ذكروا فى البيت عن طريق تلوين الحروف و الكلمات و الرسومات 

و لكم تحياتى 
مامى لأول مرة

السمسم هام جدا للاطفال

ملعقة واحدة من السمسم تعادل = ٧ كاسات حليب

فوائد السمسم للاطفال :

السمسم مهم للأطفال لأنه قادر على بناء أدمغتهم .. و هو قادر على زيادة  التركيز  لديهم بشكل ملفت و خاصة اثناء الاختبارات  و الأمتحانات

ف يا كل أم و يا كل أب حريص على أطفالكم اعطوا أطفالكم السمسم بقشووووووره .. و هو  السمسم الأصلي الغير مقشور و يكون داكن اللون وغير ابيض ...

السمسم هو صيدلية كاملة من الكالسيوم فكل من يعاني من هشاشة العظام عليه بأكل ملعقة سمسم صغيرة في اليوم حيث ان الملعقه الواحده من السمسم بقشوره = 7 كاسات من الحليب

و لكم تحياتى

مامى لأول مرة

فى كل أكلة دواء

فى كل أكلة دواء :

نعرف ان الأمومة أمر ليس يسير ، بلد هو مجهد و لذلك نطلب من الله ان يتقبل اعمالنا كأمهات و يضعها فى ميزان حسناتنا

و بعض الآباء – ليس الكثير منهم – يقومون بمهمة الأم لظروف خصة تمر بها الأسرة

و هنا فى هذا الموضوع لن نتكلم عن الرضيع او الطفل بل سنسعد بعض الأمهات و الآباء فى الحفاظ على حالتهم النفسية فى كامل قوتها حتى يتمكنوا من القيم بمهمتهم تجاهه اطفالهم فى سلامة

و سنستعين هنا ببعض الأطعمة التى خلقها لنا الله لتحسين حلتنا النفسية و العضوية ... ففى بعض الاكل سحرا ؛ و له قدرة على تخفيف  أو إزالة بعض عوارض الالم .

1.تشعر بالقلق و التوتر؟

-        تناول موزة

-         

2,تشعر بهبوط في المعنويات و بالأكتئاب؟

~أفتح علبه من سمك التونه

3. تجد صعوبة في الخلود إلي النوم؟

~كل شطيرة من لحم الديك الرومي

4. تشعر بالتعب؟

~أشرب كوبا من عصير البرتقال

5. ينتابك ألم في رأسك؟ او صداع؟

- تناول البطاطا

6.تعاني أرتفاعا في ضغط الدم؟

ضع قليل من الزبيب على طبق سلطة الفواكه

7.تعاني الإمساك و الغازات؟

عليك باللبن

8.معرض بالإصابة بحصى الكليتين؟

~أكثر من تناول المشمش

9.ينتابك إحساس بالغثيان؟

أشرب نقيع الزنجبيل

10.تعاني اضطرابات معوية؟

لا تتردد في إضافة أوراق الريحان إلي السلطة

11.يرهقك السعال المتواصل؟

تناول بعض العسل

12.معرض للإصابة بقرحة المعدة؟

عليك بالكرنب

13.تزعجك البواسير و تؤلمك؟

~تناول بعض حبات التين المجفف

14.مصاب بالفطريات؟

أكثر من تناول الثوم

15.منزعج من حرقة المعدة؟

اشرب نقيع البابونج

16.تعاني ارتفاع مستويات الكوليسترول؟

أقضم كمثرى

17.تضايقك عوارض الحساسية ؟

عليك بالاناناس

18.مفاصلك تؤلمك؟

أحرص على تناول السمسم

للوقاية بصفة عامة للكبار و للصغار :

تناول الفراولة و التوت :
تحتوي الفراولة والتوت علي مادة طبيعية تسمي ellagic acid و هي من مضادات الاكسدة القوية التي تحارب السرطان بطرق عدة في وقت واحد فهي تعطل عمل المواد المسببة للسرطان و تبطئ نمو الخلايا السرطانية

هل تعلم ان الله سبحانه وتعالى لم يخلق اشكال الخضار والفواكه عبثا و لكن ليعلمنا ان هذ النبات مفيد للأجزاء الموجودة فى جسم الانسان و لها نفس الشكل.

1. الجزر :

يشبـه عدسة العين .. لذلك ان الجزر مفيد جداً للنظر.

...2. الطماطم :

بحجراتها الأربع تشبه القلب الذى به أربع حجرات البطينين والأذينين..وكل الأبحاث الحديثة تؤكد أن الطماطم طعام القلب والــــدم.

.

3. العنب :

يشبه الشكل الخارجي للقلب..وكل حبة عنب تشبه خلية دموية... ولقد أظهرت الأبحاث الآن أن العنب مفيد للقلب والدم أيضاً.

.

4. عين الجمل:

يشبه جدا شكل الدماغ (المخ) بفصيه الأيمن والأيسر..حتى التلافيف الموجودة بداخله.. سبحان الله ... و اكدت ك لأبحاث ان تناول عين الجمل يساهم في نمو الكثير من الخلايا العصبية التي تساعد في أداء المهام الدماغية... غهو مفيد للذاكرة و فى علاج الزهايمر

.

5. الفاصولياء :

تشبــه الكلـى .. لذلك الفاصوليـآء تساعد الكلى في أداء مهامها.

.

6. البصل :

يشبه خلايا الجسم ... ذلك وجد ان البصل يساعد في التخلص من فضلات الجسم، ويجعل عيون الانسان تدمع فتنظف طبقات العين... و قوى الجهاز المناعى فى الجسم

و لكم تحياتى

مامى لأول مرة مرة

عايزين النت يكون آمن على الأطفال

كلنا نخاف على اطفالنا من الانترنت و اكثر ما يخيفنا هى البرامج التى تظهر لهم فجأة و من تلقاء نفسها ، اكثر ما يخيفنا على اطفالن هى الثقافة التى تقتحم عليهم حياتهم و تصدمهم و تبدل افكارهم

و الحل فى هذا اللينك السحرى http://www.kidrex.org/

و هو  جوجـل للأطفال ، الذى يمنع ظهور اى مواقع مزعجة للاطفال ... فجوجل اكتشف ان الكثير من الاباء والامهات يشتكون ان ابناءهم قد يتعرضون لمشاهد جنسية عن طريق المصادفة حينما يبحثون عن بعض الكلمات في الانتر نت وحتى لو كانت هذه الكلمات عادية

و على هذا الأساس ظهر محرك بحث خاص بالأطفال ، يمكن للكبار ايضا استخدامه  ، محرك بحث يمنع المواقع الاباحية و اى شئ موقع خارج عن السياق
يحمى الأطفال من المناظر المزعجة

يمكن للآباء وضع هذا المتصفح http://www.kidrex.org/ و جعله كصفحة رئيسية على أجهزة أولادهم الخاصة لتسهيل مهام البحث عليهم

http://www.kidrex.org/

أرسله لمن تعرف حماية لأطفالنا
هذا الرابط ممتاااز 

و لكم تحياتى

مامى لأول مرة

فخورة انى مسلمة تربية راهبات

انا فخورة انى مسلمة  تربية الراهبات

انا تربية  مدارس راهبات..  عشان كدة احنا مختلفين ان اى تعليم و اى مستوى ثقافى و اجتماعى
سيبك من العك اللي بنشوفه من الناس اللي حوالينا خصوصا خريجى الانترناشونال  و سيبك من العقد النفسية اللى عند باقى المدارس من تعالي على بعض و منظرة فارغة..احنا مش كدة...مش متربين علي ده

احنا متربين على احترام بعض..احترام اختلافنا...احترام ثقافة بعض..
نعطف على الفقير مش ندوس عليه بالجزمة زي ما بنشوف دلوقتي حوالينا..
تربية راهبات..يعني كنا في حصة العربي صحابنا المسيحين لما يحفظوا حديث شريف يقولوا  محمد صلي الله عليه و سلم

و الصليب اللي متعلق فوق التابلوه اللى هى السبورة  وتحته جملة " بسم الله الرحمن الرحيم " بتعلمنا معانى كتير مش من السهل  شرحها ... اهمها ان مفيش فرق بين مسيحيين و مسلميين بمعنى الكلمة...

اتعلمنا يعني ايه appartenance للحاجة اللي احنا فيها
اتعلمنا مانبقاش متعاليين على اللي حوالينا مهما حصل...بالعكس.ده احنا بنبقى فيه كلام متعودين نقوله بال français بنحاول نقوله بالعربي علشان محدش يحس اننا بنعمل كده منظرة و خلاص..
اتعلمنا نكون على طبيعتنا..منبقاش متصنعين..و لا مغرورين على اللي حوالينا ..
احنا بنقعد على الارض..نروح ناكل فول و فلافل من محل جنب المدرسة...معندناش حاجة اسمها " يع " و  " إإإإخى "

احنا بنات جدعة و بميت راجل ...مش فرافير و مش عاملين نفسنا فرافير
بالعكس احنا اساسا فرافير و عايزين نبين اننا مش كده
اتعلمنا الالتزام بالاخلاق و  اتزرع جوانا المبادئ و حب الوطن و احترام الدين .... و كمان اتعلمنا حب الحياة و مباهجها و اتعلمنا ازاى نفرح بكل حاجة عندنا و نسعى عشان نكمل اى نقص 

تربية راهبات....يعني تربية انك تكون انسان عندك دم و تحس باللي حواليك

على فكرة انا مش تربية اى راهبات انا تربية الراهبات الآجانب ، فكنوا طول الوقت و بشكل تلقاى بينقلونا اساسيات الحضارة زى ما بيكدوا على اعجابهم بحضارتنا القديمة ، فبقى عندنا احساس بالفخر اننا اصحاب حضارة و عندنا أمل اننا نملك أدوات الحضارة

أشكرك يا رب انى خريجة راهبات و مش اى مدارس تانية

اشكرك يا رب انى اتعلمت الصلاة و الصوم و النشيد الوطن فى مدارس الراهبات

اشكرك يا رب انى اتعلمت افخر بوطنى و احبه و اعرف قيمة حضارته فى مدارس الراهبات

الوجبات من عمر 6 أشهر إلى سنة

الوجبات المقترحة من عمر 6 أشهر إلى سنة :

الوجبة الأولى :

                 الرضاعة

الوجبة الثانية :

                 - بليلة مضروبة فى الحلاط
- أو بسكوت مضروب مع لبن الرضع 
- او بطاطس مسلوقة و مضروبة فى الخلاط

من عمر ثمان شهور :
   صفار بيض مضاف الى السيريلاك او شربة الخضار حتى يقطر الرضيع على بلعها و لا تقف فى زوره

  من 10 أشهر - سنة:
- يأكل الرضيع وجبتين :
- مشتقات قمح أو ذرة
- صفار بيض
- الجبن  مثلثات او زبادى

الوجبة الثالثة : * من 9 أشهر - و حتى الفطام :


خضار + أرز + فراخ او لحم 


الوجبة الرابعة :- من 6 أشهر - سنة:
الرضاعة + فواكه مسلوقة و مضروبة فى الخلاط.

معلومت يجب ان  تعرفها كل أم :
- الرضاعة نموذج تغذية الطفل من بداية الشهر السادس حتى بداية الشهر التاسع
- من الشهر 12 يجب ان تكون الرضاعة ليلا فقط ، لأن رضاعة النهر لا فائدة منها و لا تغذى الرضيع
- الإفطار:  رضاعة أو 250 مل* الساعة 10 صباحاً
-  150 جراماً من الخضار المسلوقة و المهروسة  ظهراً
- 150 جراماً من الخضار المسلوقة و المهروسة
- ملعقة كبيرة ممزوج مع خضروات مسلوقة و مهروسة. عصراً
-  كأس صغيرعصير فواكه او فواكه مهروسة و مسلوقة فى المغرب
-  حليب  رضاعة أو 250 مل أو خضار مسلوقة و مهروسة 100 جرام فى العشاء
-  صفار بيضة كاملة و  مهروس و ممزوج مع خضار مهروسة أو مسلوقة قبل النوم

- ممنوع الحليب البقرى و الجاموسى قبل عمر سنة 
- ممنوع عسل النحل قبل عمر سنة
و لكم تحياتى
مامى لأول مرة 

ولادنا ابرء مما نتخيل - لكن دايما المشكلة فينا

ده سؤال جه لمدونة مامى لأول مرة
السؤال هو :
عندى سؤال من فضلك...ابني عمره تلات سنين و٨شهور ...بحس انه بيستهبل عليا ف موضوع التركيز يعني ممكن يحكيلى موقف حصل من سنه او يكلمنى عن  شخص ضايقه ويحكيلي تفاصيل مش ممكن افتكرها ... هو دلوقت ف كي جي مجننى فى المذاكرة مش بيفتكر اى حاجة  باقولهاله  ...  مش عارفة اعمل معاه ايه ؟ ده ممكن يقولي معني كلمه قولتها من زماااااان  لكن لو قلته كلمه حالا  يقولي نسيت انتي قولتي ايه ؟؟.....عموما هل في تمارين لزياده التركيز وتجيب نتيجه

الاجابة من مدونة مامى لأول مرة:

الأطفال ابرئ مما نتخيل ، احنا بس من كتر ما قابلنا اشرار فى الحياة نعتقد ان الطفل يمارس علينا نفس الدور ... ابنك ما بيستهبلش ولا حاجة ، ابنك بيبقى مركز جدا مع موضوع معين ، و شدة تركيزه مع الموضوع ده بيخليه يفتكر حاجات قديمة ، و برضه شدة تركيزه مع الموضوع نفسه بيخليه مش مركز معاكى  ولا مع اللى بتقوليه  ... ابنك ذكى لكن هو بيركز فى موضوع واحد فقط مش فى عدة مواضيع مع بعض ، عشان كدة انتى متخيلة انه بيستعبط

سؤال 2 وصل لمدونة مامى لأول مرة :

س : ياريت كمان اعرف رأيكو ف نور البيان وحفظ القران ودور ده ف زيادة تركيز الطفل

الاجابة : 

لا نعرف ماذا تقصودين بنور البيان ... لكن من المؤكد ان حفظ القرآن ينمى عند الطفل حواسه السمعية و النطقية و الروحية و اللغوية و يقوى الادراك بالتالى يزيد من قدراته  العقلية ، و ده بينعكس على التركيز .... المهم ان نبعد الطفل عن التلفزيون قدر المستطاع ، و نقلل من ساعات تعرضه لشاشة الكمبيوتر او اللاب ... لأنها تؤثر على التركيز
و لكم تحياتى
مامى لأول مرة 

ضهر رجل الرضيع ابيض - ده خطر ؟؟

السؤال ده وصل لمدونة " مامى لآول مرة "
لو سمحتوا انا ابنى لون بطن رجله ابيض ... هو كده فى حاجة غلط ؟؟ وهل فعلا لازم تكون وردى ؟؟ والمفروص بندى الطفل فبتامين "د " لحد الشهر الكام ؟؟ والحديد بباخده من  الشهر الكام ؟؟ أنا الدكتور اداه لأبنى لمدة 3 شهور بس مع العلم  ان عمره  8 شهور و بيقف على اطراف صوابعه اعمل ايه

الاجابة :

من مدونة " مامى لأول مرة "

فيتامين دال بيتآخد مع الكالسيوم لأن شغلته انه يساعد الجسم على امتصاص الكالسيوم و تكوين الاسنان و يقوى العظام فيساعد الرضيع على المشى .... و لازم نعرف ان فيتامين دال و الكالسيوم بيتاخد لحد سن الفطام ... و الحديد بيتأخد من اول سن ست شهور و بيقف لما الطفل يآكل من اكل البيت اللى فيه حديد زى اللحمة و الفراخ و البيض

أما بخصوص اللون الوردى  اللى فى قدمي الرضيع فهذا يدل على ان نسبة الحديد جيدة لديه لكن طبعا احنا ما بنآخدش بالشكل الظاهر لكن التحليل هو الأهم ... ما تقلقيش ان ابنك بيقف على اطراف صوابعه ، هو خايف يمشى ، طمنيه و امسكى ايده و حطيله رجله على الأرض ... ده موضوع نفسى مش عضوى ... شوية شوية ابنك ح يمشى عادى ... و ابتعدى عن استخدام المشاية للاطفال لأنها بتسبب انعواج فى الأقدام
و لكم تحياتى
مامى لأول مرة

تعليم الرسم عن طريق الحروف و الأرقام - الجزء 3

مستمرين فى تعليم الأطفال الرسم بطريقة سهلة و مبسطة

علم ابنك الرسم عن طريق كتابة الحروف - الجزء2

التعليم امر ضرورى للاطفال لكن كمان تنمية المهارات هو الشئ الذى يقوى باقى  الحواس التى تساهم فى  تحصيل العلم ... يعنى هى حاجة كدة عاملة زى البيضة و الفرخة ، و عشان كدة احنا النهاردة ح نوريكو ازاى ننمى البيضة و انتو عليكو الفرخة