ازاى نحترم نفسية الصغير

-       الطفل بيحب دايما حد يحضنه ، بيأثر فيه نفسيا و معنويا و بيخليه يحصل دروسه بشكل أعمق و أفضل ... الحضن بيشعر الطفل بالامان فلا تبخلوه عليه بهذا الاحساس

-       لو الطفل غلط اشرحوله بالراحة و بهدوء و صلحوله غلطه صدقونى ح يستوعب بشكل أفضل و أعمق لأنكم ناقشتوه بهدوء لأنه ح يكون مركز فى تصحيح الخطأ مش مركز فى خوفه منك و فى غضبك ... لو كرر ابنك الغلط ذكره بالتصحيح و أكد عليه انك ستعاقبه ان كرر الغلط مرة ثالثة ، و فى الثالثة عاقبة و نفذ العقاب الذى اخبرته به فى المرة السابقة

-       حاول فى كل خروجة تدخل السرور على نفس الطفل ، و علمه يستمع بكل حاجة فى الخروجة عشان يفرح و يكون دايما فرحان ، و لا تنكد عليه فى الخروج لأنه عادة بيكون فرحن جدا بالتغير فساعده على نمو هذا الشعور

-       ابدا لا تذكرى عيوب الطفل امام الناس و لا تكسفيه او تنتقديه امام أحد أبدا ، حافظوا على كرامته أمام الناس

-       علموا الطفل لما يعوز حاجة او امر غير معتاد و ليس فى متناول يد الأهل ان يطلبها من الله

-       اياكم ان تتركوا الطفل ينام حزينا مهما كان الأمر

و لكم تحياتى

مامى لأول مرة