الأحد، 8 ديسمبر 2013

احترموا اطفالكم عشان يكونوا كما تحبون

السلام عليكم
عندى حمزة اول مولود عمره سنة وكام يوم بس عندى كام مشكلة معاه اولا في البيت بيلعب بيضحك برة لاء مع اى حد لاء الا بسيط جدا لدرجة اهل زوجى بيقولو علية صنم ولو اضرب بيسكت مش بيدافع عن نفسة عايزة يثق في نفسة يبقا شجاع جرىء خايفة عليه جدا لحسن يفضل كدا عالطول في البيت لو وقع وشوفتوا وقلت معلش يصرخ ويخرب الدنيل لو مخدتش بالى اكن مفيش حاجة حصلت وبرة بيضربو بيستحمل يغير ملامح زعل وفين لما يبكى بس انا هو وتلات شهور من كتر صراخه كنت بزعق فيه بصوت عالى وبضربوا على وجهه وبندم بس دلوقتى عايزة اصلح دا ازاى وفى كام سؤال تانين بس دلوقتى دا الاهم 
احترموا اطفالكم عشان يكونوا كما تحبون - مامى لأول مرة - mamy1st

وشكرا ويارب حد يرد عليا ويقولى الحل وهاتبع النصائح
ونسيت بيخاف التجمعات يعنى يقعد جمبى ويتحرك حوالى بس حتى لو في اطفال بيلزق لى انا ومتعلق بيا جامد

الاجابة :




 ابنك عنده نقص  حنان مرعب ، محتاج حبك جدا و حنانك ... المشكلة تانية انه فاقد الثقة لأنك الوحيد مصدر اآمان عنده و الحنان كنتى بتضربيه ، و ده سبب عنده مشكلة فى فقدان الإحساس بالآمان ... عشان ابنك يبقى قوى الشخصية اغمريه بحبك و حنانك ، بوسيه و طبطبى عليه طول النهار ... لو عمل حاجة صح شجعيه و صقفى و هللى و شليه و ارقصى و لفى بيه ... لو عمل حاجة غلط اقعدى انتى و هو على جنب و اشرحيله غلطه بالراحة ... شوية شوية ابنك ح يستعيد ثقته فيكى و فى نفسه و ح يبقى بيحب الصح و يكره الغلط و ح يحس ان شخصيته بتقوى ... لو غلط و شرحتيله سبب الغلط خلى بالك ممكن يقع فى الغلط تانى فهميه تانى بالراحة ... لأنه ح يآخدوقت شوية لحد ما يظبط نفسه
مدونة " مامى لأول مرة " و ارجوكى ما تسمحيش لحد يهين ابنك ، و لا حد يقول عليه صنم و لا مش صنم ، لازم تحترمى ابنك قدام كل الناس و تفرضى على الناس تعامله باحترام ... عشان ده ح ينعكس على شخصيته ... فلو احترميته و احترمه الجميع ح يطلع شاب واثق فى نفسها ذو شخصية قوية يعتمد عليها

و ارجوكم ما تنسوش الحديث الشريف الخاص بتربية الطفل : 


African affiliation program
قال رسول الله صلى الله عليه وسلم : " لاعبهم سبع ، علمهم سبع ، و صاحبهم سبع .. ثم اترك الحبل على الغارب "

يعنى اهم حاجة فى تربية الطفل فى اول سبع سنين هى اللعب  ثم اللعب ثم اللعب
و لكم تحياتى

مامى لأول مرة